భారత యువ క్రికెటర్లు ఈ మధ్య రెచ్చిపోయి బ్యాటింగ్ చేసేస్తున్నారు. నెల కిందటే ఇషాన్ కిషన్ అనే యువ బ్యాట్స్మన్ బంగ్లాదేశ్ మీద మెరుపు డబుల్ సెంచరీ బాదాడు. వన్డే మ్యాచ్లో 35వ ఓవర్లోనే డబుల్ సెంచరీ మార్కును అందుకున్న అతను.. చివరి వరకు క్రీజులో నిలిస్తే ట్రిపుల్ సెంచరీ చేసిన తొలి ఆటగాడిగా రికార్డులకెక్కేవాడే. కానీ మధ్యలో ఔటైపోయాడు.
ఇప్పుడు ఇషాన్ స్థానంలో ఓపెనర్గా ఆడుతున్న మరో యువ ఆటగాడు శుభ్మన్ గిల్ కూడా వన్డేల్లో డబుల్ సెంచరీ బాదిన అరుదైన ఆటగాళ్ల జాబితాలో చేరిపోయాడు. అతను న్యూజిలాండ్తో హైదరాబాద్లో జరిగిన తొలి వన్డేలో డబుల్ సెంచరీ బాదేశాడు. ఓపెనర్గా బరిలోకి దిగి చివరి ఓవర్ వరకు క్రీజులో ఉన్న శుభ్మన్.. 49వ ఓవర్లో ఈ మైలురాయిని అందుకున్నాడు. దీంతో అతడిపై ప్రశంసల జల్లు కురుస్తోంది. నిన్న సాయంత్రం నుంచి క్రికెట్ వర్గాల్లో శుభ్మన్ గురించే చర్చ.
ఐతే ఈ సందర్భంగా అందరూ సచిన్ టెండుల్కర్తో ముడిపెట్టి శుభ్మన్ మీద కామెంట్లు చేస్తున్నారు. ప్రపంచ క్రికెట్లో డబుల్ సెంచరీ ఘనత సాధించిన మామాఅల్లుళ్లు సచిన్-గిల్ మాత్రమే అంటూ వ్యాఖ్యానాలు చేస్తున్నారు. వన్డే క్రికెట్లో డబుల్ సెంచరీ చేసిన తొలి ఆటగాడు సచినే అన్న సంగతి తెలిసిందే. ఆ తర్వాత ఈ మైలురాయిని అందుకున్న ఎనిమిదో ఆటగాడు గిల్. ఐతే సచిన్ కూతురు సారాతో శుభ్మన్ ప్రేమలో ఉన్నట్లు రెండు మూడేళ్ల కిందట జోరుగా ప్రచారం జరిగింది.
అండర్-19 వరల్డ్ కప్లో మెరుపులతో వెలుగులోకి వచ్చిన గిల్.. కొంత కాలానికి సారాతో ప్రేమలో పడ్డాడని.. డేటింగ్ చేస్తున్నాడని.. అతను సచిన్ అల్లుడు కావడం లాంఛనమే అని ఒక టైంలో జోరుగా ప్రచారం జరిగింది. కానీ గిల్, సారా కలిసి కనిపించిన ఫొటోలైతే సోషల్ మీడియాలోకి రాలేదు. చిత్రంగా బాలీవుడ్ హీరోయిన్ అయిన మరో సారాతో అతను గత ఏడాది చెట్టాపట్టాలేసుకుని తిరిగాడు. వాళ్లిద్దరూ విమానంలో కలిసి ప్రయాణిస్తున్న ఫొటోలు.. అలాగే దుబాయ్ లోని ఒక రెస్టారెంట్లో భోంచేస్తున్న ఫొటోలు వైరల్ అయ్యాయి. ఇద్దరి మధ్య ఏమీ లేకుండా ఇలా కలిసి తిరిగే ఛాన్సే లేదు. సచిన్ కూతురు సారాకు, గిల్కు మధ్య ఏమీ లేకుండానే వార్తలు పుట్టించేసి.. ఈ మధ్య సారా అలీ ఖాన్తో గిల్ తిరుగుతున్న ఫొటోలను విస్మరించి ఇంకా సచిన్, గిల్ మామా అల్లుళ్లు అంటూ కామెంట్లు చేయడం విడ్డూరం.
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…
హీరోయిన్లు కెరీర్లో కొంచెం కుదురుకోగానే పెళ్లి ఎప్పుడు అనే ప్రశ్న ఎదురవుతుంది మీడియా నుంచి. ఆ తంతు పూర్తయ్యాక తల్లెప్పుడు…