వైరల్ వీడియో: కూతురుకి క్రికెట్ శిక్షణ ఇస్తున్న లసిత్ మలింగ

Article by Bhumi Published on: 8:54 pm, 17 December 2022

లెజెండరీ అంతర్జాతీయ ఫాస్ట్ బౌలర్ లసిత్ మలింగ గొప్పతనం గురించి అందరికీ తెలిసిందే. విలక్షణమైన బౌలింగ్ యాక్షన్ తో అంతర్జాతీయ క్రికెట్ లో 546 వికెట్లు తీసిన ఈ శ్రీలంక ఫాస్ట్ బౌలర్ ప్రస్తుతం ఐపీఎల్ లో ముంబై ఇండియన్స్ బౌలింగ్ కోచ్ గా ఉన్నాడు.

తాజాగా మలింగ ఒక వీడియోలో ఒక బ్యాటర్ కి ట్రైనింగ్ కోసం బంతులు విసురుతూ కనిపించాడు. ఆ వీడియోలో ఉన్న బ్యాటర్ ఎవరో కాదు తన సొంత కుమార్తె. చిట్టి బ్యాట్ పట్టుకొని ప్రపంచలోనే గొప్ప బౌలర్లలో ఒకరైన తన తండ్రి నుండి క్రికెట్ పాఠాలు నేర్చుకుంటున్న ఆమె వీడియో ఇప్పుడు ఇంటర్నెట్ లో వైరల్ అయింది.

టెన్నిస్ బంతులను తన కూతురుకు విసురుతూ శిక్షణ ఇస్తున్న మలింగ ఆమె భవిష్యత్తులో శ్రీలంక జాతీయ క్రికెట్ జట్టుకు ఆడాలని కోరుకుంటున్నాడు. సచిన్ టెండూల్కర్ కొడుకు అర్జున్, సునీల్ గవాస్కర్ కొడుకు రోహన్, రోజర్ బిన్నీ కొడుకు స్టువర్ట్ బిన్నీలు కూడా ఈ కోవకే చెందుతారు. కానీ మలింగ మాత్రం తన కొడుకుకి కాకుండా కూతురుకి ఇలా క్రికెట్ శిక్షణ ఇవ్వడం నిజంగా ఆశ్చర్యకరం, అభినందనీయం.