జగన్‌కు చంద్రబాబు 6 ప్రశ్నలు

జగన్‌కు చంద్రబాబు 6 ప్రశ్నలు

ఎన్నికల వేళ కలిసివచ్చే ఏ చిన్న అంశాన్ని అటు టీడీపీ కానీ ఇటు వైసీపీ కానీ వదులుకోవడం లేదు. ఇక మిగిలి ఉంది 48 గంటలే. ఈ 48 గంటల్లో ప్రజల్ని తమవైపునకు ఎంతగా తిప్పుకుంటే అన్ని ఓట్లు పడతాయి అని రెండు పార్టీలకు తెలుసు. అందుకే ఒకరిపై ఒకరు పైచేయి సాధించేందుకు అన్ని ప్రయత్నాలు చేస్తున్నారు. ఇందులో భాగంగా వైసీపీని ఇరుకున పెట్టాలి అనుకున్న చంద్రబాబు జగన్‌కు 6 ప్రశ్నలు సంధించారు.

జగన్‌కు చంద్రబాబు సంధించిన 6 ప్రశ్నలు

1.    ప్రత్యేక హోదాపై కేసీఆర్‌తో ఎందుకు బహిరంగ ప్రకటన చేయించలేక పోతున్నారు..?

2.    ప్రత్యేక హోదాపై కేసీఆర్‌తో కేంద్రానికి ఎందుకు లేఖ రాయించలేదు.?

3.    పోలవరంపై కేసులు ఎత్తేయించాలని కేసీఆర్‌ని ఎందుకు నీలదీయడం లేదు. ..?

4.    సాగర్, శ్రీశైలంపై హక్కులు కోరబోమని టీఆర్ఎస్‌తో ఎందుకు చెప్పించడం లేదు..?

5.    షెడ్యూల్ 9,  10 సంస్థల ఆస్తుల్లో ఆంధ్రా వాటా కేసీఆర్‌తో ఎందుకు ఇప్పించడం లేదు..?

6.    ఏపికి అన్యాయం చేయాలన్న మోదీ సంకల్పం మీకు ఎందుకు నచ్చింది.?

జగనే టార్గెట్‌గా ఆరు ప్రశ్నలు సంధించారు ఏపీ సీఎం చంద్రబాబునాయుడు. కేసీఆర్‌, మోదీతో ఉన్న దోస్తీ కోసం ఏపీ ప్రయోజనాలను జగన్‌ తాకట్టు పెడుతున్నారని ఈ 6 ప్రశ్నల ద్వారా విమర్శించారు. వీటికి సమాధానం చెప్పాలని డిమాండ్‌ చేశారు. అన్నింటికి మించి జగన్‌ వస్తే నాగార్జున సాగర్‌, శ్రీశైలం జలాశయాలు మనకు కాకుండా పోతాయని చెప్పే ప్రయత్నం చేస్తున్నారు చంద్రబాబు. మన రాష్ట్ర గతిని మార్చే పోలవరంపై జగన్‌ డ్రామాలు ఆడాతున్నారని.. ప్రజలంతా పోలవరం ప్రాజెక్టు విషయంపై జగన్‌ని నిలదీయాలని చంద్రబాబు సూచించారు. మొత్తానికి ఎన్నికలకు టైమ్‌ దగ్గరపడేసరికి అటు చంద్రబాబు, ఇటు జగన్‌… ఒకరిపై ఒకరు విమర్శలతో దూసుకుపోతున్నారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English