రష్మికను వేశ్య అన్నాడు.. మండిపోయింది

రష్మికను వేశ్య అన్నాడు.. మండిపోయింది

సోషల్ మీడియా అంటే ఒక రొచ్చు. అందులో ఐడెంటిటీ చూపించకుండా అనేకమంది ఉంటారు. సెలబ్రెటీల మీద ఇష్టానుసారం వ్యాఖ్యలు చేస్తుంటారు. వీటిని చాలామంది సెలబ్రెటీలు పట్టించుకోరు. పట్టించుకోవడం మొదలుపెడితే వ్యవహారం చాలా దూరం వెళ్తుంది. వందలమందికి సమాధానం చెప్పడం.. అందరి కామెంట్లకు బదులివ్వడం అంటే కష్టం. అందుకే ఎవరేమైనా అనుకోనీ అని వదిలేస్తుంటారు ఫిలిం స్టార్లు.

కానీ కొన్నిసార్లు వ్యక్తిగత కామెంట్లు మరీ బాధ పెట్టేలా ఉంటాయి. సెలబ్రెటీలు సహనం కోల్పోయేలా చేస్తుంటాయి. తాజాగా రష్మిక మందన్నా పరిస్థితి ఇలాగే అయింది. ఆమె తన చిన్ననాటి ఫొటో ఒకటి ట్విట్టర్లో పెట్టింది. దాని మీద అభిమానులు క్యూట్, స్వీట్ అంటూ కామెంట్లు చేశారు. కానీ ఒక నెటిజన్ మాత్రం హద్దులు దాటాడు. వేశ్య అని అర్థం వచ్చేలా కన్నడలో కామెంట్ పెట్టాడు. ఇది రష్మికను బాధించింది.

సెలబ్రెటీల్ని ఎలా పడితే అలా మాటలు ఎలా అంటారంటూ ఆమె ఫైర్ అయిపోయింది. "నటీనటులను ట్రోల్‌ చేయడం ద్వారా నెటిజన్లకు ఏమోస్తుందో నాకు తెలియడం లేదు. మేము ఏమీ అనమనే కదా మమ్మల్ని మీరు టార్గెట్‌ చేస్తున్నారు. సెలబ్రిటీలమైనంత మాత్రాన మా గురించి ఇంత నిర్దాక్షిణ్యంగా మాట్లాడడం సరికాదు. నెటిజన్లలో చాలామంది చెబుతుంటారు 'అసభ్యకరమైన ట్రోల్స్‌ గురించి పట్టించుకోవద్దు'  అని. చాలాసార్లు అదే పని చేస్తా. కానీ ఇలాంటి వ్యక్తిగత కామెంట్లు చేస్తే ఎలా స్పందించకుండా ఉ:టాం? నిజమే మీరు మా పని గురించి ట్రోల్‌ చేయండి. కానీ మా వ్యక్తిగత విషయాలు, కుటుంబం గురించి ట్రోల్‌ చేసే హక్కు మీకు లేదు. ఏ నటీనటులపై ఇలాంటి ట్రోల్స్‌ రాకూడదు. నటీనటులు కావడం అంత సులభం కాదు. ప్రతి వృత్తిలో గౌరవం ఉంటుంది. ప్రతి ఒక్కరూ గౌరవాన్ని ఇచ్చి పుచ్చుకోండి" అంటూ ఆవేదనతో కూడినన హితబోధ చేసింది రష్మిక.


 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English