మ‌హేష్‌తో సినిమా.. ఎన్టీఆర్ మాట ఇదే

మ‌హేష్‌తో సినిమా.. ఎన్టీఆర్ మాట ఇదే

టాలీవుడ్లో కొన్ని దశాబ్దాల పాటు మ‌ల్టీస్టార‌ర్లు ఆగిపోయాయి. అలాంటి టైంలో మ‌హేష్ బాబు.. వెంక‌టేష్ క‌లిసి ‘సీత‌మ్మ వాకిట్లో సిరిమ‌ల్లె చెట్టు’ చేసి మ‌ళ్లీ ఈ ట్రెండుకు ఊపు తెచ్చారు. గ‌త కొన్నేళ్ల‌లో మ‌రిన్ని మ‌ల్టీస్టార‌ర్లు వ‌చ్చాయి. ఐతే జూనియ‌ర్ ఎన్టీఆర్, రామ్ చ‌ర‌ణ్ లాంటి ఇద్ద‌రు టాప్ లెవెల్ స్టార్లు క‌లిసి సినిమా చేయ‌బోతుండ‌టం అమితాస‌క్తిని రేకెత్తిస్తున్నారు.

దీన్నే అస‌లు సిస‌లు మల్టీస్టార‌ర్‌గా పేర్కొంటున్నారు జ‌నాలు. ఇలా క‌లిసి సినిమా చేయ‌డానికి వీళ్లిద్ద‌రూ ముందుకు రావ‌డం విశేష‌మే. మ‌రి చ‌ర‌ణ్‌తో పాటు మ‌హేష్‌తోనూ చాలా స్నేహంగా ఉంటున్న ఎన్టీఆర్ అత‌డితోనూ సినిమా చేస్తాడా.. ఎన్టీఆర్, మ‌హేష్‌, చ‌ర‌ణ్ ఇటీవ‌ల రెండు మూడు సంద‌ర్భాల్లో క‌లిసిన నేప‌థ్యంలో ముగ్గురూ క‌లిసి న‌టించే అవ‌కాశ‌ముందా అని అభిమానులు ఆస‌క్తిని ప్ర‌ద‌ర్శిస్తున్నారు.

ఇదే విష‌య‌మై ఎన్టీఆర్‌ను ప్ర‌శ్నిస్తే త‌న‌కు ఎవ‌రితో అయినా క‌లిసి న‌టించేందుకు అభ్యంత‌రం లేదన్నాడు. హీరోల మధ్య అంత‌రాలు ఉండ‌కూడ‌ద‌నే చ‌ర‌ణ్‌తో క‌లిసి న‌టిస్తున్నాన‌ని.. ఈ సినిమా త‌న‌నెంత‌గానో ఎగ్జైట్ చేస్తోంద‌ని అత‌న‌న్నాడు. మ‌హేష్‌తో కూడా క‌లిసి సినిమా చేయ‌డానికి సిద్ధ‌మ‌ని.. తాము ముగ్గురం కూడా క‌లిసి న‌టిస్తామ‌ని.. కానీ ముగ్గురినీ హ్యాండిల్ చేయ‌గ‌ల ద‌ర్శ‌కుడు.. అలాంటి క‌థ ఏది అని ఎన్టీఆర్ ప్ర‌శ్నించాడు.

అన్నింటికంటే ముఖ్య‌మైంది క‌థ అని.. అది కుదిరితే ఎవ‌రితో అయినా సినిమా చేయొచ్చ‌ని అన్నాడు. ఐతే ఏదీ కూడా ప్లాన్ చేసుకుని చేస్తే వ‌ర్క‌వుట్ కాద‌ని.. అలా తాను కొన్ని ప్లాన్ చేసుకుని చేసిన సినిమాల ఫ‌లితాలు ఏమ‌య్యాయో అంద‌రికీ తెలుసు అంటూ ఆస‌క్తిక‌ర వ్యాఖ్య‌లు చేశాడు తార‌క్.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English