Political News

100 రోజుల పాల‌న.. బీజేపీ గ్రాఫ్ ఏంటి

ఈ ఏడాది జ‌రిగిన ఎన్నిక‌ల్లో బీజేపీ త‌ర‌పున 8 మంది ఎమ్మెల్యేలు విజ‌యం ద‌క్కించుకున్నారు. వీరిలో కొంద‌రు ఫైర్‌బ్రాండ్లు కూడా ఉన్నారు. ఉదాహ‌ర‌ణ‌కు విష్ణుకుమార్ రాజు వంటి వారు. అదేవిధంగా మేధావులు కూడా ఉన్నారు.

ఉదాహ‌ర‌ణ‌కు కామినేని శ్రీనివాస్ వంటివారు. అయితే.. తాజాగా బుధ‌వారంతో కూట‌మి స‌ర్కారుకు వంద రోజులు పూర్త‌యిన నేప‌థ్యంలో బీజేపీ ఎమ్మెల్యేల్లో ఆ జోష్ ఎక్క‌డా క‌నిపించ డం లేదు. ఒక‌వైపు స‌ర్కారు 100 రోజుల పండుగ‌ను చేసుకోవాల‌ని భావించింది.

కానీ, వ‌ర్షాలు, వ‌ర‌దల కార‌ణంగా ఈ పండుగ‌కు దూరంగా ఉండాల‌ని నిర్ణ‌యించారు. కానీ, రాజ‌కీయంగా వేసిన అడుగులు, ప్ర‌భుత్వ ప‌రంగా తీసుకున్న నిర్ణ‌యాల‌పై మాత్రం కూట‌మి పెద్ద‌లు చ‌ర్చిస్తున్నారు.

ఈ క్ర‌మంలో బీజేపీ విష‌యాన్ని తీసుకుంటే.. అసెంబ్లీలో ఒక‌రిద్ద‌రు మాట్లాడింది మిన‌హా.. ప్ర‌జ‌ల మ‌ధ్య క‌నిపించిన బీజేపీ ఎమ్మెల్యేలు లేర‌నే చెప్పారు. ఒక్క మంత్రి స‌త్య‌కుమార్ యాద‌వ్ మాత్రం వ‌ర‌ద ప్ర‌భావిత ప్రాంతాల్లో ప‌ర్య‌టించారు.

అయితే.. వ‌ర‌ద త‌గ్గిన త‌ర్వాతే స‌త్య‌కుమార్ ప‌ర్య‌టించ‌డంతో ఆయ‌న ఆశించిన మేలు కానీ, పేరు కానీ రాలేదు. ఇక‌, ఎప్పుడూ స‌మ‌కాలీన రాజ‌కీయాల‌పై మాట్లాడే విష్ణుకుమార్ రాజు కూడా.. త‌న‌కు ప్రాధాన్యం ద‌క్క‌లేద‌న్న ఉద్దేశంతో మౌనంగా ఉన్నారు.

కామినేని శ్రీనివాస‌రావు త‌న వ్యాపారాల్లో మునిగిపోయారు. ఇక‌, ఇతర నాయ‌కులు కూడా ఎవ‌రికివారు త‌మ ప‌నుల్లో ఉన్నారే త‌ప్ప‌.. ప్ర‌భుత్వ ప‌రంగా కార్య‌క్ర‌మాల్ల పాల్గొన్న‌వారు కూడా లేరు.

ఇలా బీజేపీ నాయ‌కులు ఈ వంద రోజుల్లో సాధించిన ప్ర‌గ‌తి అంటూ ఏమీ ప్ర‌త్యేకంగా లేదు. స‌త్య‌కుమార్ మంత్రి కాబ‌ట్టిప‌లుమార్లు ఆసుప‌త్రుల్లో ప‌ర్య‌టించారు. సౌక‌ర్యాల‌పై ఆరా తీశారు. అయితే.. ఈయన మాత్రం వైసీపీపై నిశిత విమ‌ర్శ‌లు చేస్తూ.. ముఖ్య‌మంత్రిని ఆక‌ట్టుకునే ప్ర‌య‌త్నం చేశారు.

మిగిలిన వారు మాత్రం ముసుగుత‌న్నిన‌ట్టు వ్య‌వ‌హ‌రిస్తున్నారు. మ‌రి వీరి ప‌రిస్థితి ఏంట‌నేది పార్టీనే ఆలోచించుకోవాలి. ఏదేమైనా.. వంద రోజుల బీజేపీ గ్రాఫ్ పెద్ద‌గా లేచిన‌ట్టు క‌నిపించ‌డం లేదు.

This post was last modified on September 20, 2024 3:50 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

5 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

5 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

15 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

26 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

54 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago