వివేకా హత్య కేసుకు సంబంధించి ఆరోపణలు ఎదుర్కొంటున్న కడప ఎంపీ అవినాష్ రెడ్డి తాజాగా వరుస సెల్ఫీ వీడియోలు విడుదల చేశారు. అన్నీ నిజాలే చెబుతున్నానంటూ.. ప్రకటించిన ఆయన.. వివేకా కుమార్తె సునీత, ఈ కేసులో అప్రూవర్గా మారిన దస్తగిరిపై సంచలన వ్యాఖ్యలు చేశారు. అక్టోబరు 7(2019) వరకు.. ఈ కేసులో దస్తగిరిని సీబీఐ అరెస్టు చేయలేదని.. ఆ తర్వాత కూడా.. అతనికి సహకరించేలా వ్యవ హరించిందని అవినాష్రెడ్డి చెప్పారు.
తన తండ్రిని చంపానని బహిరంగంగా చెప్పిన అప్రూవర్పై సునీత ఎందుకు ప్రశ్నలు సంధించడం లేదన్నారు. తానే గొడ్డలి కొని తెచ్చానని.. తానే నరికానని చెబుతున్న అప్రూవర్ ముందస్తు బెయిల్కు పిటిషన్ వేశాడని.. ఆయనకు ఎవరు సహకరించారో తెలియాల్సి ఉందని అవినాష్ అన్నారు. అంతేకాదు.. ఇంత జరిగినా.. సునీత ఎందుకు.. అప్రూవర్ బయట తిరగాలని అనుకుంటున్నారో తెలియడం లేదని వ్యాఖ్యానించారు.
దేశంలో ఎక్కడైనా.. తానే నరికానని చెప్పిన వ్యక్తిని బయట తిరిగేందుకు సీబీఐ కానీ, దర్యాప్తు సంస్థలు కానీ.. అంగీకరించిన సందర్భాలు ఉన్నాయా? అని ప్రశ్నించారు. సీబీఐ బెయిల్కు నో అబ్జెక్షన్ లెటర్ ఇచ్చారని తెలిపారు. కిరాయి హంతకుడికి(దస్తగిరి) ఇంత రిలీఫ్ ఇస్తుంటే.. సునీతమ్మ ఏం చేస్తున్నారని అవినాష్ ప్రశ్నించారు. ఉద్దేశ పూర్వకంగా తమను ఇరికించారని అవినాష్ ఆరోపించారు.
మమ్మల్ని ఇరికించే ప్రయత్నం చేస్తున్నారని అవినాష్ రెడ్డి వ్యాఖ్యానించారు. వైసీపీకి వ్యతిరేకంగా సునీతమ్మ, ఆమె భర్త కూడా చేతులు కలిపారని.. నిత్యం కొందరు నేతలతో వారు మాట్లాడుతున్నారని.. వీరిలో వైసీపీ రెబల్ ఎంపీ రఘురామకృష్ణ రాజు కూడా ఉన్నారని.. అవినాష్ ఆరోపించారు. నిజాన్ని ఎవరూ దాచలేరని.. నిజాలు ఎప్పటికైనా తేలతాయని అవినాష్ చెప్పుకొచ్చారు. మొత్తంగా సీరియల్ రూపంలో షార్ట్ వీడియోలు విడుదల చేయడం గమనార్హం.
This post was last modified on April 27, 2023 6:36 pm
"నా అక్కలు నాపై యుద్ధం చేస్తున్నారు. నాకు ఏమీతెలీదు అని ఎన్ని సార్లు చెప్పినా.. తమ్ముడని కూడా చూడకుండా మాటలు…
సీనియర్ ఐపీఎస్ అధికారి ఏబీ వెంకటేశ్వరరావుకు బిగ్ రిలీఫ్ దక్కింది. ఆయనపై ఉన్న సస్పెన్షన్ను కేంద్ర పరిపాలన ట్రైబ్యునల్ (సీఏటీ)…
టాలీవుడ్ గమనాన్ని ఆసాంతం మార్చిన అతి కొద్ది సినిమాల్లో బాహుబలి స్థానం చాలా ప్రత్యేకం. అప్పటిదాకా మహా అయితే వంద…
భావం మంచిదే అయినా.. మాట తీరు కూడా.. అంతే మంచిగా ఉండాలి. మాటలో ఏ చిన్న తేడా వచ్చినా.. భావం…
హాలీవుడ్ లో ఎప్పటి నుంచో ఉన్న సినిమాటిక్ యునివర్స్ కాన్సెప్ట్ ని క్రమంగా మన దర్శకులు బాగా పుణికి పుచ్చుకుంటున్నారు.…
కడప ఎంపీ అవినాష్ రెడ్డి పాస్ పోర్టును రెడీ చేసుకుని సిద్ధంగా పెట్టుకున్నారని ఏపీ కాంగ్రెస్ చీఫ్ వైఎస్ షర్మిల…