ఆ మాట చాలా మంది చెప్పారు.. హైదరాబాద్ దేశానికి రెండో రాజధాని కావాలని పెద్దలు చాలా మంది ఆకాంక్షించారు. అది మాటయినా, కోరికైనా, డిమాండ్ అయినా ఇప్పటి దాకా కోల్డ్ స్టోరీజీలోనే ఉండిపోయింది. ఇప్పుడు హైదరాబాద్ లో బాబా సాహెబ్ అంబేడ్కర్ 125వ జయంతి సందర్భంగా ఆయన విగ్రహావిష్కరణ సభలో ప్రకాశ్ అంబేడ్కర్, హైదరాబాద్ రాజధాని అంశాన్ని మళ్లీ ప్రస్తావించారు. ఆయన స్వయంగా బాబా సాహెబ్ మనుమడు. రాజకీయా వారసత్వాన్ని, మేథావి లక్షణాలను పుణికి పుచ్చుకున్న నాయకుడు..
అందరికీ ఆమోదయోగ్యం
ఎక్కడనుంచి వచ్చారని చూడకుండా, మీరెవరని అడగకుండా అందరినీ అక్కున చేర్చుకునే నగరం హైదరాబాద్. ఢిల్లీ తరహాలో భాగ్యనగరంలో కాలుష్యం ఉండదు. అందరికీ అందుబాటులో ఉండే కాస్ట్ ఆఫ్ లివింగ్ అని ఆర్థికవేత్తలే నిర్ధారించారు. దేశానికి రెండో రాజధాని కావాలన్నప్పుడల్లా రెండు మూడు నగరాల పేర్లు ప్రస్తావనకు వస్తాయి. హైదరాబాద్, బెంగళూరు, చెన్నై అంటూ పేర్లు చదవడం మొదలు పెడతారు. అయితే జనంలో మాత్రం హైదరాబాద్ పట్లే మొగ్గు ఎక్కువగా ఉంటుంది. పైగా నగర విస్తరణకు అవసరమైన ల్యాండ్ బ్యాంక్ హైదరాబాద్ లో కావాల్సినంత ఉంది..
చెన్నై, బెంగళురు వరదలు పారే నగరాలు. హైదారాబాద్ కు ఆ భయం లేదు. పైగా భూకంప కేంద్రానికి హైదరాబాద్ దూరంగా ఉంది. పారిశ్రామికంగా అభివృద్ధి చెందుతోంది. సాఫ్ట్ వేర్ పరిశ్రమకు తిరుగులేని నగరం. భద్రతా పరంగా కూడా హైదరాబాద్ సురక్షితమైన నగరం. ఢిల్లీ మహానగరం దేశ సరిహద్దుకు కేవలం 300 కిలోమీటర్ల దూరంలో ఉంది హైదరాబాద్ అలా కాదు. తీరానికి, సరిహద్దులకు దూరంగా సురక్షితమైన నగరమే హైదరాబాద్. సాంస్కృతికంగా, శాంతి భద్రతల అంశంలోనూ హైదరాబాద్ నెంబన్ వన్ అని చెప్పాలి..
అంబేద్కర్ ఆనాడే చెప్పారు..
బాబాసాహెబ్ అంబేడ్కర్ 1955లో థాట్స్ ఆన్ లింగ్విస్టిక్ స్టేట్స్ అనే పుస్తకం రాశారు. 11వ అధ్యాయం మొత్తం దేశ రెండో రాజధాని హైదరాబాద్ అంటూ ప్రస్తావిస్తూనే ఉన్నారు. దీని వల్ల ఉత్తరం, దక్షిణం మేళవింపు సాధ్యమన్నారు. ఢిల్లీ కంటే సురక్షితమైనదీ హైదరాబాద్ అంటు కుండబద్దలు కొట్టారు.
కేంద్ర పాలిత ప్రాంతం చేస్తారా..
హైదరాబాద్ ను కేంద్ర పాలిత ప్రాంతంగా మార్చి సెకెండ్ కేపిటల్ చేయాలన్న ప్రతిపాదన చాలా రోజులుగా వినిపిస్తోంది. రెండో రాజధాని ప్రతిపాదనకు బీఆర్ఎస్ ఒప్పుకునే అవకాశాలున్నాయి. అయితే హైదరాబాద్ లేని తెలంగాణను మాత్రం ఊహించడం కష్టమని బీఆర్ఎస్ నేతలు అంటున్నారు. మరి కేంద్రం ఎలా నరుక్కు వస్తుందో చూడాలి. ఏదేమైనా ఏడు దశాబ్దాల తర్వాతైనా అంబేడ్కర్ కోరిక నెరవేరాలని ఆశిద్దాం.. తెలుగు వారికి కూడా మంచిదే కదా…
పాలన విషయంలో మంత్రి లోకేష్ పక్కా ప్లానింగ్తో వ్యవహరిస్తున్నారా? అంటే.. ఔననే సమాధానమే వినిపిస్తోంది. రాజకీయాలను విధానపరమైన అంశాలను కలగాపులగం…
పద్దెనిమిదేళ్ల అవమానాలు, ఎగతాళి మాటలకు బెంగళూరు జట్టు శాశ్వతంగా ముగింపు పలికింది. ఐపీఎల్ చరిత్రలో ట్రోల్స్ కు కేరాఫ్ అడ్రస్…
గ్రేటర్ హైదరాబాద్ మునిసిపల్ కార్పొరేషన్ ఎన్నికలు త్వరలోనే జరగనున్నాయి. ఇప్పటికే పాలక మండలి కూడా రద్దయింది. ప్రత్యేక అధికారి పాలనలోకి…
ఈ మధ్య కనిపించడం కాస్త తగ్గించినా హీరోయిన్ అనుపమ పరమేశ్వరన్ ను మన ప్రేక్షకులు అంత సులభంగా మర్చిపోరు. మొన్న…
ఇటీవల సోషల్ మీడియాలో కాక్రోచ్ జనతా పార్టీ సృష్టించిన ప్రభంజనం అందరికీ తెలిసిందే. బొద్దింకల పార్టీగా ప్రారంభమై.. ఒక వైపు…
మెగా వేలంలో ఎవరూ కొనని ఒక ఆటగాడు, ఏకంగా ఒక ఫ్రాంచైజీ తలరాతనే మారుస్తాడని బహుశా ఎవరూ ఊహించి ఉండరు.…