నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి వైసీపీ అధిష్టానంతో విభేదించి దూరం జరిగినప్పటి నుంచి రెబెల్ స్టార్ గానే కొనసాగుతున్నారు. పార్టీ నేతలపై విమర్శలు సంధిస్తూ తూర్పార పడుతున్నారు. నెల్లూరుతో తన ఆధిపత్యాన్ని నిరూపించుకునేందుకు ప్రయత్నిస్తున్నారు. నియోజకవర్గం ఇంఛార్జ్ పదవి నుంచి తొలగించినప్పటికీ ఆయన వెనుకాడే పరిస్థితి కనిపించడం లేదు. కిందపడినా పైచేయి తనదేనన్నట్లు మాట్లాడుతున్నారు..
నటనపై..
అధిష్టానం వర్సెస్ కోటంరెడ్డి పొలిటికల్ గేమ్ ఒక వైపు సాగుతుండగానే, నెల్లూరు సిటీ వర్సెస్ రూరల్ అంటూ సమాంతరంగా మరో ఆట నడుస్తోంది. పార్టీకి కోటంరెడ్డి దూరమైనప్పటి నుంచి నెల్లూరు సిటీ ఎమ్మెల్యే అనిల్ ఆయనపై విమర్శనాస్త్రాలు సంధిస్తూనే ఉన్నారు. కొన్ని మీడియా సంస్థలకు డబ్బులిచ్చి టీడీపీ వైపుకు వెళ్లాలనుకుంటున్నారని ఆరోపించారు. కోటంరెడ్డి రాజకీయ నాయకుడి కంటే నటుడిగా ఎక్కువ సత్తా చూపించగలరని అనిల్ ఆ మధ్య ఆరోపించారు. ఎస్వీ రంగారావు, కోట శ్రీనివాసరావు, మహానటి సావిత్రి ఆయన ముందు ఎందుకు పనికిరారని అనిల్ అప్పట్లో సెటైర్లు వేశారు. పౌరుషం ఉన్నవాడైతే కోటంరెడ్డి రాజీనామా చేయాలని అనిల్ సవాలు విసిరారు..
ఎదురుదాడి..
కోటంరెడ్డి కూడా అప్పుడే ఎదురుదాడి చేశారు. అనిల్ ను నమ్మకద్రోహిగా సంబోధించారు. గతంలో ఆయన ఆనం వివేకానందరెడ్డికి ద్రోహం చేశారని చెప్పుకొచ్చారు. 2009లో తనకు టికెట్ ఇప్పించిన వివేకా ఇంటి మీద దాడికే వెళ్లారని గుర్తుచేశారు. అనిల్ కు మంత్రి పదవి ఇచ్చినప్పుడు నెల్లూరులో తాను ర్యాలీలు ఏర్పాటు చేస్తే.. ఇప్పుడు తన మీదే ఆయన ఆరోపణలు సంధిస్తున్నారని కోటంరెడ్డి ఆరోపించారు..
అనిల్ ఇలాకాలో…
అనిల్ దూకుడును కౌంటర్ చేసేందుకు కోటంరెడ్డి కొత్త గేమ్ ప్లాన్ అమలు చేస్తున్నారు. అనిల్ నియోజకవర్గమైన నెల్లూరు సిటీలోకి వెళ్లిపోయి అనేక కార్యక్రమాలు నిర్వహిస్తున్నారు. ప్రారంభోత్సవాల నుంచి అన్నదానాల వరకు అనేక పనులు జరిపిస్తున్నారు. తానే దగ్గరుండి చేయడంతో పాటు ఫోటోలకు, వీడియోలకు ఫోజులిస్తూ అనిల్ ను టెన్షన్ పెడుతున్నారు. కార్యక్రమ నిర్వాహకులు స్థానిక ఎమ్మెల్యే అనిల్ ను పిలవకుండా పక్క నియోజకవర్గం ప్రతినిధి కోటంరెడ్డిని ఆహ్వానించడం జిల్లాలోనే చర్చనీయాంశమవుతోంది. నెల్లూరు సిటీలో కార్యక్రమాలకు తనను పిలవాలని కోటంరెడ్డి లాబీయింగ్ చేస్తున్నారు. అందుకోసం డబ్బుల పంపిణీ కూడా చేస్తున్నారని స్థానిక నేతలు చెబుతున్నారు. సిటీలో తన కేడర్ ను బలోపేతం చేసుకుంటే వచ్చే ఎన్నికల్లో అవసరమైతే రూరల్ ని వదిలేసి సిటీ నుంచి పోటీ చేసే వీలుంటుందని కోటంరెడ్డి భావిస్తున్నారట. అదీ సంగతి…
This post was last modified on March 10, 2023 7:09 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…