రాజకీయాలు ఎప్పుడూ.. ఒకేలా ఉండవు. ఎప్పుడైనా మారే ఛాన్స్ ఉంటుంది. దీనిని గుర్తించి.. అడుగులు ముందుకు వేయడం నాయకుల ధర్మం. అయితే.. ఇలా అడుగులు వేసినా.. ఫలితం వస్తుందా? అనేది ఒక్కొక్క సారి చెప్పడమూ కష్టమే. ఇప్పుడు ఇలాంటి పరిస్థితినే.. వైసీపీ మాజీ మంత్రి, గుడివాడ ఫైర్ బ్రాండ్ కొడాలి నాని ఎదుర్కొన బోతున్నారని.. టీడీపీ వర్గాలు అంటున్నాయి. గుడివాడ నియోజకవర్గం అంటేనే.,. నాని.. ! ఈ విషయంలో తిరుగులేదు. హవా ఎవరిది ఉన్నా.. ఇక్కడ ఆయన గెలుపు ఇప్పటి వరకు రాసి పెట్టుకో! అనేలా సాగింది.
అయితే.. పరిస్థితి ఇప్పుడు మారిపోతోంది. కొడాలికి చెక్ పెట్టేందుకు.. ఆయన దూకుడును తగ్గించేందుకు.. తమ పంతం నెగ్గించుకునేందుకు టీడీపీ వ్యూహాత్మక అడుగులు వేస్తోంది. ఇటు సామాజిక వర్గం పరంగానే కాకుండా.. అటు సెంటిమెంటు పరంగానూ..కొడాలికి దెబ్బేసేలా.. చంద్రబాబు వ్యూహాత్మకంగా ముందుకు కదులుతున్నట్టు తెలుస్తోంది. ఇప్పటి వరకు గుడివాడలో టీడీపీ రాజకీయాలను పరిశీలిస్తే.. కొడాలి తర్వాత.. ఆయనకు ముందు..చెప్పుకోదగ్గ నాయకుడు టీడీపీకి లేరనే అంటారు.
అందుకే.. వరుస పరాజయాలను టీడీపీ మూటగట్టుకుంది. గత ఎన్నికల్లో విజయవాడకు చెందిన దేవినేని అవినాష్ను ఇక్కడ ప్రయోగించింది. అయితే.. ఆ ప్రయోగం వికటించింది. పైగా.. ఆ యువ నాయకుడు.. వైసీపీలోకి జంప్ చేసేశారు. దీంతో కొడాలికి చెక్ పెట్టే నాయకుడు అంటూ.. టీడీపీలో లేకుండా పోయారనేది వాస్తవం. ప్రస్తుతం ఇంచార్జ్గా రావి వెంకటేశ్వరరావు ఉన్నప్పటికీ.. ఆయన వల్ల కొడాలికి చెక్ పట్టే అవకాశం టీడీపీకి లేదు. దీంతో ఇప్పుడు చంద్రబాబు గేర్ మార్చారు.
కృష్ణాజిల్లాలో రాజకీయ గురువుగా ప్రసిద్ధి చెందిన చలసాని పండు కుమార్తె.. దేవినేని స్మితకు ఇక్కడ ఛాన్స్ ఇవ్వాలని భావిస్తున్నారట. వాస్తవానికి చలసాని పండు..పెనమలూరు నియోజకవర్గానికి చెందిన టీడీపీ సీనియర్ నాయకుడు. ఆయన ఇప్పుడు లేరు. అయితే..ఆయనవారసురాలిగా స్మిత ఇప్పుడు తెరమీదికి వచ్చారు. వచ్చే ఎన్నికల్లో పెనమలూరు నుంచి పోటీ చేయాలని అనుకున్నారు. అయితే.. లోకేష్ సూచనల మేరకు.. ఆమె గుడివాడ నుంచి పోటీ చేయాలని భావిస్తున్నారట.
స్మిత అయితే.. కొడాలికి చెక్ పెట్టడం ఖాయమని టీడీపీ వర్గాలు అంటున్నాయి. కమ్మ వర్గం.. పైగా.. మహిళా సెంటిమెంటు.. చలసాని అనుచరుల బలం.. టీడీపీ కార్డు.. ఇలా.. ఏ కోణంలో చూసుకున్నా.. స్మితకు మంచి మార్కులు కనిపిస్తున్నాయని అంటున్నారు. ఈ క్రమంలో ఇప్పటి వరకు సాగిన కొడాలి హవాకు.. స్మిత్ చెక్ పెట్టడం ఖాయమని చెబుతున్నారు. పైగా కొడాలిపై.. క్యాసినో ఆరోపణలు ఉండడం.. మహిళల విషయంలోనూ.. అంత సానుకూలత లేకపోవడం వంటివి స్మితకు కలిసివస్తాయని చెబుతున్నారు. మరి ఏం జరుగుతుందో చూడాలి.
This post was last modified on August 8, 2022 10:11 am
రాజకీయాలు మారాయి. ఒకప్పుడు భర్తలు ఎన్నికల రంగంలో ఉంటే.. భార్యలు ఉడతా భక్తిగా ప్రచార కార్యక్రమాలు చూసుకునే వారు. అది…
ఎదురుచూసేకొద్దీ బాక్సాఫీస్ కు జోష్ ఇచ్చే సినిమాలు రావడం అంతకంతా ఆలస్యమవుతూనే ఉంది. థియేటర్లు వెలవెలబోతున్నాయి. తెగుతున్న సింగల్ డిజిట్…
రాజకీయంగా చైతన్యం ఉన్న రాష్ట్రం తెలంగాణ. అటు క్రికెట్ అయినా.. ఇటు రాజకీయాలైనా.. తెలంగాణ లో హాట్ టాపిక్కే. ఇక్కడ…
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…