Political News

రేవంత్ ను సర్వాధికారిగా డిసైడ్ చేసిన రైతు సంఘర్షణ సభ

అదేంటి? తెలంగాణ రాష్ట్ర కాంగ్రెస్ అధ్యక్షుడిగా వ్యవహరిస్తున్న రేవంత్ రెడ్డి ప్రత్యేకంగా సర్వాధికారిగా మారటం ఏమిటన్న సందేహం కొందరికి కలగొచ్చు. పేరుకు టీపీసీసీ ప్రెసిడెంట్ అయినప్పటికీ.. ఆయనకు పూర్తి అధికారాలులేవన్న సంగతి తెలిసిందే. సొంత పార్టీలోని అసమ్మతి ఆయన్ను అడ్డుకుంటూనే ఉంటోంది. ఒక దశలో ఇదో తలనొప్పి వ్యవహారంగా మారింది. కాంగ్రెస్ కాని రేవంత్ ను.. తెలంగాణ కాంగ్రెస్ చీఫ్ గా చేసినప్పటికీ.. ఆయనకు పూర్తిస్థాయి పెత్తనం ఇచ్చే విషయంలో ఎదురైన అడ్డంకులు అన్ని ఇన్ని కావు.

వీహెచ్ లాంటి సీనియర్ నేతలకు ప్రత్యక్ష ఎన్నికల్లో పోటీ చేస్తే పట్టుమని పదివేల ఓట్లు సొంతంగా పడతాయో లేదో కానీ.. మీడియా ముందుకు వచ్చి తరచూ ఆయన చేసే అల్లరి అంతా ఇంతా కాదు. నిజానికి వీహెచ్ లాంటి పలువురు పుణ్యమా అని కాంగ్రెస్ పరువు బజారున పడుతున్న పరిస్థితి. ఇలాంటి వాటి విషయంలో దిద్దుబాట్లు అవసరమన్న విషయాన్ని కాంగ్రెస్ అధినాయకత్వం గ్రహించినట్లుంది. తాజాగా వరంగల్ నిర్వహించిన రైతు సంఘర్షణ సభతో తెలంగాణ కాంగ్రెస్ కు తిరుగులేని నాయకుడిగా రేవంత్ ను గుర్తిస్తున్నట్లుగా రాహుల్ తీరు ఉందని చెప్పాలి.

అధినాయకత్వం ఎంపిక చేసిన రేవంత్ కు.. భారీ బహిరంగ సభలో ఆయన పేరు చెప్పినంతనే ఎంతటి ఉత్తేజం.. మరెంతటి ఉత్సాహాన్ని రాహుల్ గుర్తించటమే కాదు.. గతంలో ఎప్పుడూ లేనంత సూటిగా.. సుత్తి లేకుండా పార్టీకి సంబంధించిన అంశాలపై ఆయన కఠిన వ్యాఖ్యలే చేశారు. టీఆర్ఎస్ తో పొత్తు ఎప్పటికి ఉండదన్న మాటను తేల్చటమే కాదు.. టీఆర్ఎస్ అధినేత కేసీఆర్ మీద గాంధీ కుటుంబం ఎంత కోపంగా ఉందన్న విషయాన్ని తన మాటలతో స్పష్టం చేశారని చెప్పాలి. తెలంగాణ విషయంలో తాము తీసుకున్న నిర్ణయానికి తాము చెల్లించిన మూల్యం ఎంతన్న విషయం గాంధీ కుటుంబానికి తెలియంది కాదు.

అందుకే ఆయన తన లోపల ఉన్న ఆగ్రహాన్ని తన మాటల రూపంలో స్పష్టంగా చెప్పేశారని చెప్పాలి. అంతేకాదు.. పొత్తు గురించి పార్టీకి చెందిన ఏ నేత అయినా సరే మాట్లాడితే.. వారెంతటి వారైనప్పటికీ తక్షణమే పార్టీ నుంచి తొలగిస్తామన్న విస్పష్ట సందేశాన్ని ఇవ్వటం ద్వారా.. తోక జాడించిన వారి విషయంలో తాము ఎలా వ్యవహరిస్తామన్న విషయాన్ని చెప్పేశారు.

తాజా సభ సక్సెస్ కావటం.. దాని క్రెడిట్ మొత్తం రేవంత్ ఖాతాలోకి వెళ్లటంతో పాటు.. కార్యక్రమాన్ని డిజైన్ చేసిన తీరు.. దాన్ని నిర్వహించిన తీరుతో పాటు.. రేవంత్ కు ప్రజల్లో ఉన్న ఆదరణ నేపథ్యంలో మిగిలిన వారంతా ఆయన్ను ఫాలో కావటం మినహా మరో అవకాశం లేదన్న విషయాన్ని రాహుల్ తన మాటలతో స్పష్టం చేశారని చెప్పాలి. అంతేకాదు.. రాహుల్.. రేవంత్ మినహా మరే నేత కూడా తన మాటలతో సభికుల్ని అలరించలేకపోయిన అంశాన్ని పరిగణలోకి తీసుకుంటే.. తెలంగాణ కాంగ్రెస్ కు తిరుగులేని సర్వాధికారిగా రేవంత్ ను వరంగల్ సభ తేల్చేసిందని చెప్పక తప్పదు.

This post was last modified on May 7, 2022 5:55 pm

Share

Recent Posts

టాటా గ్రూప్‌లో మళ్ళీ టేకోవర్ టెన్షన్

భారత పారిశ్రామిక రంగంలో ప్రత్యేక గుర్తింపు సంపాదించుకున్న టాటా గ్రూప్‌లో ఇప్పుడు పాలనా వ్యవహారాలు చర్చనీయాంశంగా మారాయి. సంస్థను ఎవరు…

20 minutes ago

విశ్వ రహస్యంగా మారుతున్న రిలీజ్ వ్యవహారం

విశ్వంభర థియేటర్ హక్కులు మైత్రి సంస్థ కొన్నదని నిన్నంతా ప్రచారం జరిగింది. రెండు రోజుల క్రితం ఆర్టిస్టు ప్రవీణ్ తాను…

29 minutes ago

అర్జునుడు వాడుతున్న ‘మెగా’ బ్రహ్మాస్త్రం

ఇటీవలే విడుదలైన ఇట్లు అర్జున కి పర్లేదనే టాక్ వచ్చింది. టాలీవుడ్ టాప్ సెలబ్రిటీలు భారీ ఎత్తున మద్దతిచ్చారు. జూనియర్…

43 minutes ago

అప్పుడు బాల‌య్య‌తో… ఇప్పుడు చిరుతో?

మిగ‌తా అగ్ర క‌థానాయ‌కుల‌తో పోలిస్తే ప్ర‌భాస్ కొంచెం వేగంగానే సినిమాలు చేస్తుంటాడు కానీ.. బ‌య‌ట అభిమానుల‌కు క‌నిపించ‌డం త‌క్కువ‌. సినిమా…

1 hour ago

ఒక్క వ్యక్తి వల్ల రూ.10,986 కోట్ల మెట్రో ప్రాజెక్టుకు బ్రేక్

నగరాల్లో ప్రయాణ సమయాన్ని తగ్గించి, ట్రాఫిక్ కష్టాల నుంచి ప్రజలకు ఉపశమనం కల్పించేందుకు ప్రభుత్వాలు వేల కోట్ల రూపాయలు వెచ్చించి…

1 hour ago

డూమ్స్‌డే మీద ఎందుకు ఇంత క్రేజంటే

ఇండియాలో హాలీవుడ్ సూపర్ హీరోల సినిమాలకు ఎంత క్రేజ్ ఉందో ప్రత్యేకంగా చెప్పనక్కర్లేదు. ప్రాంతీయ భాషల్లో డబ్బింగ్ చేయడం మొదలుపెట్టాక…

2 hours ago