ఒకవైపు జనసేనతో పొత్తుకు చంద్రబాబునాయుడు లవ్ ప్రపోజల్ పంపితే రిటర్న్ లో జనసేన చంద్రబాబునాయుడుకు షరతులు విధిస్తున్నది. జనసేన సీనియర్ నేత బొలిశెట్టి సత్యనారాయణ మాట్లాడుతు జనసేన అధినేత పవన్ కల్యాణ్ ను ముఖ్యమంత్రిగా ప్రకటించే దమ్ము చంద్రబాబుకుందా అంటు చాలెంజ్ చేశారు. 2014లో రాష్ట్రం కోసం పవన్ భేషరతుగా చంద్రబాబుకు మద్దతిచ్చి ముఖ్యమంత్రిని చేసిన విషయాన్ని బొలిశెట్టి గుర్తుచేశారు.
రాబోయే ఎన్నికల్లో భేషరతుగా పవన్ కు మద్దతిచ్చి ముఖ్యమంత్రిని చేస్తారా అంటు చంద్రబాబును బొలిశెట్టి నిలదీశారు. చంద్రబాబును ఒకవైపు బొలిశెట్టి చాలెంజ్ చేస్తునే మరోవైపు ఆరోపణలు గుప్పించారు. జగన్మోహన్ రెడ్డితో పాటు చంద్రబాబు కూడా రాష్ట్ర ద్రోహే అంటు ఆరోపించారు. జగన్ను ఎలాగైనా గద్దె దింపాల్సిన అవసరం చంద్రబాబుకే కానీ తమకు లేదని స్పష్టంచేశారు.
అవినీతి టీడీపీ, అరాచక వైసీపీ నుండి రాష్ట్రానికి విముక్తి కావాలంటే జనాలే జనసేనపార్టీని గెలిపించుకుని పవన్ను ముఖ్యమంత్రిని చేస్తారనే ధీమాను వ్యక్తంచేశారు. ప్రజాస్వామ్యంలో కావాల్సింది జనాల మద్దతే కానీ పార్టీల మద్దతు కాదని గట్టిగానే చురకలంటించారు. రాష్ట్ర ప్రయోజనాల విషయంలో అఖిలపక్ష సమావేసం నిర్వహించటం లేదని జగన్ ప్రభుత్వంపై మండిపోయారు. గతంలో చంద్రబాబు ప్రభుత్వం చేసినట్లుగానే ఇపుడు జగన్ ప్రభుత్వం కూడా చేస్తోందన్నారు.
చంద్రబాబు విషయంలో బొలిశెట్టి ఆరోపణలు, వ్యాఖ్యలు, విమర్శలు చూస్తుంటే పవన్ కు తెలీకుండా జరిగిందని అనుకునేందుకు లేదు. ఒకవైపు జగన్ ప్రభుత్వంపై ఆరోపణలు చేస్తునే గతంలో చంద్రబాబు ప్రభుత్వంలో జరిగిన విషయాలను బొలిశెట్టి తవ్వి తీయటం చూస్తే ఉద్దేశ్యపూర్వకంగానే చేసినట్లుంది. పవన్ కు తెలీకుండా చంద్రబాబుపై బొలిశెట్టి ఇంత ఘాటుగా ఆరోపణలు, వ్యాఖ్యలు చేసే అవకాశం లేనేలేదు. బొలిశెట్టి చాలెంజ్ పై చంద్రబాబు ఎలా స్పందిస్తారో చూడాలి.
This post was last modified on January 10, 2022 12:03 pm
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…