Political News

ఈయన రూటే సపరేటు

కొంతమంది ఎంత వివాదాస్పదంగా ఉంటారో పదవులను అంతగా తరుముకుంటు వస్తుంటాయి. అయితే పదవులు వచ్చినట్లే వచ్చి మళ్ళీ చేజారిపోతుంటాయి. అలాంటివారిలో బీఎస్ యడ్యూరప్ప కూడా ఒకరు. ఈనెల 26వ తేదీన కర్నాటక ముఖ్యమంత్రిగా యడ్డీ రాజీనామా చేయటం దాదాపు ఖాయమైపోయింది. ఇప్పటికి నాలుగుసార్లు ముఖ్యమంత్రి అయినా ఎప్పుడు కూడా యడ్డీ పూర్తిస్ధాయిలో ఐదేళ్ళూ పదవిలో కూర్చున్నది లేదు.

యడ్యూరప్ప ఎప్పుడు సీఎంగా బాధ్యతలు తీసుకున్న వెంటనే మొదలైపోతాయి అవినీతి ఆరోపణలు. పాలనలో ఆయన మద్దతుదారులతో పాటు కుటుంబసభ్యుల జోక్యం విపరీతంగా ఉంటుందనే ఆరోపణలు బాగా వినిపిస్తుంటాయి. అలాగే అడిగిన వారికి భూ సంతర్పణలు, పరిశ్రమల ఏర్పాటు లైసెన్సులకు డబ్బులు తీసుకోవటం, ఫండ్ రైజింగ్ తో పాటు అవసరమైన పనులు చేసిపెట్టి కోట్లలో ముడుపులు అందుకున్నారనే ఆరోపణలు మద్దతుదారులు, కుటంబసభ్యులపై బాగా వినబడుతున్నాయి.

నాలుగోసారి ముఖ్యమంత్రిగా ఉన్న యడ్డీ నాలుగోసారి రాజీనామా చేయబోతున్నారనే ప్రచారం పెరిగిపోతోంది. బహుశా అది నిజమే కావచ్చు. ఎందుకంటే రాజీనామా చేయబోతున్నట్లు డైరెక్టుగా ప్రకటించకపోయినా పరోక్షంగా ఆ విషయాన్ని యడ్డీ చెప్పేశారు. మొదటిసారి 2007లో సీఎం అయిన యడ్యూరప్ప కొద్ది రోజులకే రాజీనామా చేసేశారు. అతితక్కువ రోజులు సీఎంగా చేసిన నేతల్లో యడ్డీ రికార్డు సృష్టించారనే చెప్పాలి.

2018 మే 17వ తేదీన బాధ్యతలు తీసుకుని బలం నిరూపించుకోలేక 19వ తేదీన రాజీనామా చేసేశారు. అంటే కేవలం రెండున్నర రోజు మాత్రమే సీఎంగా ఉన్నారు. అంతకుముందు ఒకసారి ఏడాదిన్నర, అంతకన్నా ముందుద ఒకసారి నాలుగేళ్ళు సీఎం కుర్చీలో ఉన్నారు. ఇపుడు రెండేళ్ళు పూర్తవ్వగానే కుర్చీలో నుండి దిగిపోతున్నారు. అంటే పేరుకు మాత్రమే నాలుగుసార్లు సీఎంగా పనిచేశారు కానీ ఎప్పుడు కూడా ఐదేళ్ళు పదవిలో కూర్చోలేకపోయారు.

ఎప్పుడు సీఎం అయినా అవినీతి ఆరోపణలు రావటం, పదవిలో నుండి దిగిపోవటం. మామూలుగా అయితే ఒకసారి సీఎం అయిన తర్వాత అవినీతి ఆరోపణలతో దిగిపోతే ఇక ఆ తర్వాత మళ్ళీ సీఎం అయ్యే అవకాశం దాదాపు ఉండదు. కానీ 78 ఏళ్ళ యడ్డీ జాతకం మాత్రం భలే విచిత్రంగా ఉంది. నాలుగుసార్లు సీఎం అయితే అందులో మూడుసార్లు అవినీతి ఆరోఫణలతోనే పదవిలో నుండి దిగిపోయారంటే మామూలు జాతకం కాదు.

This post was last modified on July 24, 2021 10:25 am

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

1 hour ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

12 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

12 hours ago