Political News

గంటాతో సాయిరెడ్డి పొలిటిక‌ల్ గేమ్ ఆడారా..?

తెగ‌దు.. సాగ‌దు..అన్న విధంగా ఉన్న మాజీ మంత్రి గంటా శ్రీనివాస‌రావు రాజ‌కీయం.. మ‌రోసారి చ‌ర్చ‌కు వ‌చ్చింది. దీనికి కార‌ణం.. ఆయ‌న ఫుల్లుగా సైలెంట్ అయిపోవ‌డ‌మే. ఇటీవ‌ల విశాఖ స్టీల్ ప్లాంట్ వివాదం నేప‌థ్యంలో ఎమ్మెల్యే ప‌ద‌వికి రిజైన్ చేసిన ఆయ‌న కొంత హ‌డావుడి సృష్టించారు. ఇక‌, దీనిపై మ‌ళ్లీ నోరు విప్ప‌లేదు. తాను చేసిన రాజీనామాకు క‌ట్టుబ‌డి ఉన్నాన‌న్న గంటా.. త‌ర్వాత ప‌రిణామాల‌పై మాత్రం మౌనంగా ఉన్నారు. ప్ర‌స్తుతం గంటా అడ్ర‌స్ ఎక్క‌డ అనే ప‌రిస్థితి వ‌చ్చింద‌ని విశాఖ‌లో టాక్ న‌డుస్తోంది. రాజ‌కీయంగా కూడా ఆయ‌న టీడీపీలో ఉన్న‌ట్టా? లేన‌ట్టా? అనే సందేహాలు కూడా రాజ‌కీయ వ‌ర్గాల్లో జోరుగా సాగుతున్నాయి.

వ‌స్తే.. వైసీపీలో చేర్చుకుంటామ‌ని.. కొన్నాళ్ల కింద‌ట‌.. ఆ పార్టీ ప్ర‌ధాన కార్య‌ద‌ర్శి సాయిరెడ్డి ప్ర‌క‌టించారు. ఆ ప్ర‌క‌ట‌నకు ముందే ఆయ‌న గంటాను తీవ్రంగా తిట్టిపోశారు. ఆ త‌ర్వాత విశాఖ మునిసిప‌ల్ కార్పొరేష‌న్ ఎన్నిక‌ల్లో.. గంటా సైలెంట్ అయ్యారు. ఆయ‌న సొంత నియోజ‌క‌వ‌ర్గం నార్త్‌లో కూడా వైసీపీ తిరుగులేని విధంగా డివిజ‌న్ల‌లో పాగా వేసింది. పైగా కెకె రాజు దూకుడు ముందు గంటా బేజారే అవుతున్నారు. దీంతో కార్పొరేష‌న్‌లో గెలుపు గుర్రం ఎక్క‌డం కోస‌మే.. సాయిరెడ్డి అలా ప్ర‌క‌టించార‌నే ప్ర‌చారం జ‌రిగింది. అంటే.. గంటా యాక్టివ్ అయి.. టీడీపీ త‌ర‌ఫున ప్ర‌చారం చేస్తే.. వైసీపీకి ఇబ్బందులు త‌ప్ప‌వ‌నే వ్యూహంతో సాయిరెడ్డి అలా చేసి ఉంటార‌ని వ్యాఖ్య‌లు వినిపిస్తున్నాయి.

ఈ వాద‌న ఎలా ఉన్నా.. ఆ త‌ర్వాత‌.. సాయిరెడ్డి సైలెంట్ అయిపోవ‌డం కూడా దీనిని బ‌ల‌ప‌రుస్తోంది. కార్పొరేష‌న్ ఎన్నిక‌ల త‌ర్వాత‌.. ఇటీవ‌ల మ‌ళ్లీ మంత్రి.. అవంతి శ్రీనివాస్ దూకుడుగా ఉండ‌డంతో గంటా విష‌యంలో సాయిరెడ్డి దోబూచులాడుతున్నార‌నే వాద‌న వినిపిస్తోంది. ఇక‌, అన్ని వైపుల నుంచి రాజ‌కీయంగా త‌న‌పై ఒత్తిళ్లు పెరుగుతున్నా.. గంటా ఎక్క‌డా స్పందించ‌డం లేదు దీనికి ప్ర‌ధాన కారణం.. ఆయ‌న‌పై ఉన్న ఆరోప‌ణ‌లేన‌ని అంటున్నారు ప‌రిశీల‌కులు. గ‌తంలో భూముల‌కు సంబంధించిన కేసుల‌తోపాటు పూజిత చిట్‌ఫండ్ కంపెనీకి సంబందించి వ‌చ్చిన ఆరోప‌ణ‌ల నేప‌థ్యంలోనే గంటా ఏమీ మాట్లాడ‌లేక పోతున్నార‌ని.. తెలుస్తోంది.

టీడీపీలో ఉన్నా.. ఆయ‌న యాక్టివ్‌గా లేక‌పోవ‌డం.. వైసీపీలోకి వ‌చ్చేవారిని ఆహ్వానిస్తామ‌న్నా.. రాక‌పోవ‌డం. వంటి ప‌రిణామాల వెనుక‌.. గంటా వ్యూహం.. కేవ‌లం త‌న‌పై ఉన్న ఆరోప‌ణ‌లేన‌ని తెలుస్తోంది. ఏదేమైనా.. గంటాకు మునుపున్న ఫాలోయింగ్ ఇప్పుడు లేద‌నేది వాస్త‌వం అంటున్నారు ప‌రిశీల‌కులు. అందుకే టీడీపీ కూడా ప‌ట్టించుకోన‌ట్టు వ్య‌వ‌హ‌రిస్తోంద‌ని చెబుతున్నారు. ఇక వైసీపీ మాత్రం గంటాను ఏదోలా టీడీపీకి దూరం చేద్దామ‌ని విశ్వ‌ప్ర‌య‌త్నాలు చేస్తోంది.

This post was last modified on June 30, 2021 11:06 am

Share

Recent Posts

రామాయణ మేనియా.. థియేటర్లలో నాన్‌వెజ్‌కు బ్రేక్

బాలీవుడ్ స్టార్ హీరో రణ్‌బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…

43 minutes ago

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

1 hour ago

‘శ‌బ‌రిమ‌ల‌ను తిరుమ‌ల చేస్తా’: సీఎం ప్ర‌క‌ట‌న.. సాధ్య‌మేనా?!

కొన్ని కొన్ని ప్ర‌క‌ట‌న‌లు విని ఊరుకోవాల్సిందే!. కానీ, నాయ‌కులు మాత్రం ఊద‌ర‌గొడుతూనే ఉంటారు. తాజాగా ప్ర‌పంచ ప్ర‌ఖ్యాత శ‌బ‌రిమ‌ల ఆల‌యాన్ని…

2 hours ago

లక్కీగా రేవంత్ సీఎం అయ్యారు: రాజగోపాల్ రెడ్డి

తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…

4 hours ago

ఈ విష‌యంలో మోడీని మెచ్చేసుకున్నారు!

అన్ని విష‌యాల్లోనూ కాక‌పోయినా.. కొన్ని కొన్నివిష‌యాల్లో ప్ర‌ధాని న‌రేంద్ర మోడీ చూపే చొర‌వ ప్ర‌శంస‌లు అందుకుంటోంది. తాజాగా ఫిలిప్పీన్స్ రాజ‌ధాని…

4 hours ago

‘వాళ్లంతా మూర్ఖులు.. వారికి సైన్స్ తెలీదు’

కేర‌ళ రాష్ట్రానికి చెందిన న‌టుడు, ప్ర‌స్తుతం కేంద్ర మంత్రిగా ఉన్న సురేష్ గోపి త‌న నోటికి ప‌ని చెప్పారు. బీజేపీ…

4 hours ago