జనసేనాని పవన్ కల్యాణ్ ను సీఎం అభ్యర్థిగా భారతీయ జనతా పార్టీ ప్రతిపాదించిన సంగతి తెలిసిందే. దీనిపై అటు సానుకూలంగానూ, ఇటు ప్రతికూలంగానూ పెద్ద ఎత్తున విశ్లేషణలు వినిపించాయి. ఇదే విషయంపై కాస్త లేటైనా… దక్షిణాది భాషా చిత్రాల్లో తనకంటూ ఓ ప్రత్యేక గుర్తింపు సంపాదించుకున్న ప్రకాశ్ రాజ్ తాజాగా సంచలన కామెంట్లు చేశారు. సీఎంగా పవన్ అనే మాట అసలు జరిగేదే కాదంటూ ప్రకాశ్ రాజ్ తన అభిప్రాయాన్ని కుండబద్దలు కొట్టేశారు. సీఎంగా పవన్ కు ఛాన్సే లేదన్న ప్రకాశ్ రాజ్… ఈ ప్రతిపాదనను తీసుకువచ్చిన బీజేపీపై ప్రకాశ్ రాజ్ నిప్పులు చెరిగారు.
ఓ ప్రముఖ న్యూస్ ఛానెల్ కు ఇచ్చిన ఇంటర్వ్యూలో ఈ అంశంపై స్పందించిన ప్రకాశ్ రాజ్ సంచలన వ్యాఖ్యలు చేశారు. అయినా ఎన్నికల్లో గెలిచిన ఎమ్మెల్యేలు సీఎంను ఎన్నుకుంటారు కదా అంటూ ప్రస్తావించిన ప్రకాశ్ రాజ్… ఎవరో, ఎవరినో సీఎం చేస్తామంటూ ప్రకటించడం ఏమిటని తనదైన శైలి వ్యాఖ్యలు చేశారు.
ఇలాంటి ప్రతిపాదనల్లో అసలు సీరియస్ నెస్సే కనిపించదని కూడా ఆయన చెప్పుకొచ్చారు. పవన్ ను బీజేపీ నేతలు సీఎం అభ్యర్థిగా ప్రతిపాదించడాన్ని సీరియస్ గా తీసుకోవద్దని కూడా ప్రకాశ్ రాజ్ సలహా ఇచ్చారు. బీజేపీ ప్రకటనను చూస్తుంటే… ఏదో పవన్ కు ఆయన ఫ్యాన్ ఫాలోయింగ్ లా కనిపిస్తోందని కూడా ప్రకాశ్ రాజ్ సంచలన వ్యాఖ్యలు చేశారు. అయినా పవన్ కల్యాణ్ బయటకు రారని, వచ్చినా పనిచేయలేరని కూడా ప్రకాశ్ రాజ్ మరింత ఘాటు కామెంట్లు చేశారు.
ఇక పవన్ ను సీఎం అభ్యర్థిగా ప్రకటించిన బీజేపీ వైఖరిపైనా ప్రకాశ్ రాజ్ ఘాటు విమర్శలు గుప్పించారు. బీజేపీ నేతలు పనిచేయడం లేదన్న మాటను సూటిగానే చెప్పిన ప్రకాశ్ రాజ్… పని చేయాల్సిన బీజేపీ నేతలు ఆ దిశగా అడుగులు వేయడం లేదని, అలాంటప్పుడు పవన్ ను సీఎం అభ్యర్థిగా ఎలా ప్రకటిస్తారంటూ తనదైన శైలిలో సూటిగానే ప్రశ్నించారు.
ఇక దేశవ్యాప్తంగా ఒకే ఫార్మూలా తీసుకొస్తామంటూ చెబుతున్న బీజేపీ వైఖరిపైనా ప్రకాశ్ రాజ్ నిప్పులు చెరిగారు. తెలంగాణలోనో, ఏపీలోనో ఎవరు వ్యవసాయ శాఖ మంత్రి కావాలో… ఉత్తరాదిలో కూర్చున్న బీజేపీ ఎలా చెబుతుందని కూడా ప్రకాశ్ రాజ్ ప్రశ్నించారు. ఇక విశాఖ ఉక్కు ఫ్యాక్టరీ ప్రైవేటీకరణపైనా ప్రకాశ్ రాజ్ తన అభిప్రాయాన్ని కుండబద్దలు కొట్టారు. ప్రభుత్వం వ్యాపారం చేయకూడదని, నష్టాలు వస్తున్నాయని ప్రభుత్వ రంగంలోని సంస్థలను విక్రయిస్తామని చెప్పడం కరెక్ట్ కాదని కూడా ఆయన తనదైన శైలి వ్యాఖ్యలు చేశారు.
This post was last modified on April 23, 2021 12:09 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…