ఫేక్ వీడియోలపై అమిత్ షాను కలిసిన చిరు, చరణ్

మెగాస్టార్ చిరంజీవి, రామ్ చరణ్ హైదరాబాద్ పర్యటనకు వచ్చిన కేంద్ర హోంమంత్రి అమిత్ షాను కలిశారు. ఈ సందర్భంగా AI, డీప్‌ఫేక్ టెక్నాలజీ దుర్వినియోగంపై తమ ఆందోళనలను ఆయన దృష్టికి తీసుకెళ్లారు.

AI ద్వారా తయారు చేస్తున్న ఫేక్ వీడియోలు, డీప్‌ఫేక్ కంటెంట్ వల్ల నటీనటులు, కళాకారులు, సినీ పరిశ్రమ ఎదుర్కొంటున్న సమస్యలను వివరించారు.

ఈ భేటీ తర్వాత రామ్ చరణ్ స్పందిస్తూ.. తమ ఆందోళనలపై అమిత్ షా సానుకూలంగా స్పందించడం సంతోషంగా ఉందని తెలిపారు.

ఈ సమస్యపై అత్యవసరంగా పరిశీలన జరిపి, AI దుర్వినియోగాన్ని అడ్డుకునేందుకు కఠినమైన చర్యలు తీసుకుంటామని హోంమంత్రి హామీ ఇచ్చినట్లు చరణ్ వెల్లడించారు.

కళాకారులు, సినీ పరిశ్రమను AI దుర్వినియోగం నుంచి కాపాడేందుకు ప్రభుత్వం అవసరమైన చర్యలు తీసుకుంటుందని ఆశిస్తున్నట్లు రామ్ చరణ్ పేర్కొన్నారు.