సంతోషంలో చాలా మంది చుట్టూ చేరుతారు, ఆపదలో వున్నప్పుడు అండగా నిలబడేది స్నేహితుడు ఒక్కడే. ఆ సత్యాన్ని అక్షరాలా నిరూపించింది లక్ష్మి. రాప్తాడు స్కూల్లో పదవ తరగతి విద్యార్థిని గోపిక మీద హేమంత్ అనే దుండగుడు రంపంతో దాడి చేయడం తెలిసిందే. ఈ ఘటన జరుగుతున్నప్పుడు క్లాస్ టీచర్ తో సహా మిగతా విద్యార్థినులంతా భయపడి పారిపోయారు. ఒక్క లక్ష్మి మాత్రమే హేమంత్ ను అడ్డుకునేందుకు ప్రయత్నం చేసింది. గోపికను కాపాడడానికి సాహసం చేసింది. ఇప్పుడు రాష్ట్ర ప్రజలంతా లక్ష్మి ధైర్యాన్ని తెగ పొగుడుతున్నారు.
రాప్తాడు జిల్లా పరిషత్ ఉన్నత పాఠశాలలో 10 వ తరగతి చదువుతున్న గోపిక శనివారం తరగతి గదిలో చదువుకుంటుంది. మ్యాథ్స్ టీచర్ రాజేశ్వరి క్లాస్ చెబుతున్నారు. పిల్లలంతా సీరియస్ గా చదువుకుంటున్న సమయంలో ఎలక్ట్రిక్ రంపం చేతిలో పట్టుకొని హేమంత్ క్లాస్ రూంలో ప్రవేశించాడు. వచ్చి రాగానే గోపిక మీద పడ్డాడు. రంపపు బ్లేడు తో ముఖం, తల, మెడ, గొంతు మీద రంపంతో కోసాడు. కుడి చేయి దాదాపుగా తెగిపోయేంత తీవ్రంగా గాయపడింది.
ఈ ఘటన జరుగుతున్న సమయంలో క్లాస్ టీచర్ రాజేశ్వరి కళ్లు తిరిగి పడిపోయినట్లు చెబుతున్నారు. క్లాస్ లో వున్న పిల్లలంతా భయంతో కేకలు వేస్తూ పారిపోయారు. అయితే గోపిక స్నేహితురాలు లక్ష్మి మాత్రం అక్కడి నుంచి కదల్లేదు. గోపికను కాపాడేందుకు శత విధాల ప్రయత్నం చేసింది. దీంతో నిందితుడు హేమంత్ ఆమె మీద కూడా దాడికి దిగాడు. ఈ దాడిలో లక్ష్మీ కాలికి తీవ్ర గాయాలయ్యాయి. అయినా భయపడలేదు. స్నేహితురాలికి రక్షణ కల్పించడం గురించే ఆలోచించింది.
స్నేహితురాలిని కాపాడేందుకు తన ప్రాణాన్ని ఫణంగా పెట్టిన లక్ష్మి ప్రస్తుతం బెంగళూరు హాస్పిటల్ లో చికిత్స పొందుతుంది. టెన్షన్ కు గురైన ఆమె ఆరోగ్యం నిలకడగా వుందని వైద్యులు తెలిపారు. లక్ష్మి చూపిన అసాధారణ ధైర్యసాహసాలను ఆంధ్రప్రదేశ్ ముఖ్యమంత్రి చంద్రబాబు , పలువురు ప్రముఖులు అభినందించారు. లక్ష్మి పూర్తిగా కోలుకునేంత వరకు ప్రభుత్వం అండగా ఉంటుందని మంత్రి నారా లోకేష్ ప్రకటించారు.
This post was last modified on November 2, 2026 4:55 pm
సినిమా రిలీజ్ తర్వాత పెట్టే సక్సెస్ మీట్ల గురించి నిన్న ఇద్దరు హీరోలు క్రేజీ కామెంట్స్ చేశారు. రిజల్ట్ ఎలా…
ఎప్పుడైతే ఫౌజీ డిసెంబర్ 4 వదిలేసుకుందో అప్పటి నుంచి దాని మీద పోటీ పెరిగి ఇప్పుడు ఏకంగా అరడజను సినిమాలు…
మొన్న విడుదలైన అన్ని సినిమాల్లో ఎక్కువ పాజిటివ్ టాక్ వచ్చింది ఆకాశంలో ఒక తారకే. దుల్కర్ సల్మాన్ హీరోగా సాత్విక…
ఏపీ మండలాధ్యక్ష ఎన్నికల్లో కూటమి ఆధిపత్యం.. కనబరిచింది. 2024లో వచ్చిన స్ట్రయిక్ రేట్ను ఇప్పుడు కూడా కొనసాగించింది. ఏపీలోని మొత్తం…
బాలీవుడ్ సూపర్ స్టార్ సల్మాన్ ఖాన్ కు.. టాలీవుడ్ స్టార్ హీరోలు చాలామంది మంచి అనుబంధం ఉన్న సంగతి తెలిసిందే.…
కల్వకుంట్ల కవిత...ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో…