మాజీ ఎంపీ విజయసాయిరెడ్డి మరోసారి తన ఆక్రోశాన్ని, ఆవేదనను వెళ్లగక్కారు. తనకు రాజకీయ పునాదులు వేసిన వైసిపి పార్టీలో జరిగిన అవమానంపై ఒక బహిరంగ లేఖ ద్వారా వివరణ ఇచ్చారు. ఎంపీ పదవికి రాజీనామా చేసి వైసీపీ నుంచి బయటకు వచ్చి వ్యవసాయం చేసుకుంటాను అని చెప్పిన విజయసాయిరెడ్డి ఈ మధ్యకాలంలో తాను ఒక రాజకీయ పార్టీని పెడతానంటూ ప్రకటించారు. అప్పుడప్పుడు కొన్ని ట్వీట్లు కూడా చేస్తున్నారు. రాజకీయ పరిణామాలపై స్పందిస్తున్నారు. దీనికి వైసిపి నేతలు కౌంటర్ ఇస్తున్నారు. ఈ క్రమంలో విజయసాయి ఒక బహిరంగ లేఖ రాశారు.. అందులో ఈ విధంగా ఆరోపణలు చేశారు.
వైసీపీకి చెందిన ‘కోటరీ’ తనను ‘నమ్మక ద్రోహి’గా చిత్రీకరిస్తూ సామాజిక మాధ్యమాల్లో దుష్ప్రచారం చేస్తోందని విజయసాయిరెడ్డి ఆరోపించారు. తాను నమ్మక ద్రోహినే అయితే అప్పట్లోనే కాంగ్రెస్తో సంధి చేసుకుని సీబీఐ, ఈడీ ఛార్జిషీట్లలో తన పేరు లేకుండా చేసుకునేవాడినన్నారు. జగన్కు నమ్మకస్తుడిగా ఉన్నందుకే ఆయనతో పాటు తనను పలు కేసుల్లో ఏ-2గా చేర్చారని, జగన్ 16 నెలలు జైలులో ఉంటే తాను 15 నెలలు జైలులో ఉన్నానని పేర్కొన్నారు. 2024 ఎన్నికల తర్వాత లిక్కర్ స్కామ్లో ఏ-5గా, కాకినాడ సీపోర్టు కేసులో ఏ-2గా చేర్చారని ఆరోపించారు. 2020 నుంచే తనపై కుట్ర జరిగిందని, ఉత్తరాంధ్ర బాధ్యతల నుంచి తప్పించేందుకు ప్రయత్నాలు చేశారని తెలిపారు.
2019 తర్వాత సజ్జల రామకృష్ణారెడ్డి ప్రమేయం పార్టీలో శ్రుతిమించిందని, జగన్ను ఎవరూ కలవకుండా గోడ కట్టారని ఆరోపించారు. సజ్జల ఆధ్వర్యంలో పనిచేయడం తన ఆత్మగౌరవానికి విరుద్ధమని, అందుకే రాజ్యసభ పదవికి, వైసీపీకి రాజీనామా చేశానన్నారు. తనపై జరిగిన అవమానాలు 74 ఉన్నాయని, 2022 మంగళగిరి ప్లీనరీలో సజ్జల తనపై భౌతికంగా దాడి చేశారని ఆరోపించారు. ఇప్పుడు కొత్త రాజకీయ పార్టీ ఏర్పాటు చేస్తున్నానని, తాను జగన్కు నమ్మక ద్రోహం చేయలేదని స్పష్టం చేశారు.
This post was last modified on August 29, 2026 3:13 pm
రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…
నేచురల్ స్టార్ నానికి హీరోగా కంటే నిర్మాతగా ఎక్కువ క్రెడిబిలిటీ ఉంది అంటే అతిశయోక్తి కాదు. తాను హీరోగా నటించినా,…
ఓవైపు డబ్బింగ్ సినిమాలేమో ఒక్కొక్కటిగా దున్నేస్తున్నాయి. తెలుగు సినిమాల కంటెంట్ ఏమో వీక్గా ఉంటోంది. అవిప్రేక్షకుల ఆదరణకు నోచుకోవడం లేదు.…
అరుదైన వ్యాధితో బాధపడుతున్న చిన్నారులకు మందులు అందుబాటులో ఉన్నా.. వాటి ధర కోట్ల రూపాయల్లో ఉండటంతో తల్లిదండ్రులు చికిత్స చేయించలేని…
వైసీపీ మీద మరోసారి విరుచుకొని పడ్డారు ఎమ్మెల్సీ నాగబాబు. వైసీపీ ఒక డెడ్ బాడీ అని, దాన్ని పట్టించుకోవాల్సిన అవసరం లేదని…
వచ్చే వారం నవంబర్ 27 విడుదల కావాల్సిన హైందవ వాయిదా వేసినట్టు విశ్వసనీయ వర్గాల సమాచారం. కొత్త రిలీజ్ డేట్…