Movie News

మాస్ బ్యాటింగ్.. ఇక్కడ ఇరుముడి… అక్కడ అది

గత మూడు నెలలుగా టాలీవుడ్ బాక్సాఫీస్ మంచి జోష్ మీద నడుస్తోంది. కనీసం రెండు వారాలకో మంచి సినిమా పడుతోంది. భారీ వసూళ్లు వస్తున్నాయి. ఐతే ఇప్పటిదాకా వచ్చిన సినిమాలు వేరు. గత వారం వచ్చిన ‘ఇరుముడి’ వేరు. ఈ సినిమా బాక్సాఫీస్ దగ్గర మొదట్నుంచి మాస్ బ్యాటింగే చేస్తోంది. అందరి అంచనాలను మించిపోయి వసూళ్లు రాబడుతోంది. వీకెండ్లోనే ఊహించని స్థాయికి వెళ్లిపోయిన ఈ చిత్రం.. వీక్ డేస్‌లో కూడా ఏమీ వీకవ్వలేదు.

ఆదివారంతో పోలిస్తే కలెక్షన్లు 20 శాతం లోపే డ్రాప్ అయ్యాయి. మధ్యలో ‘టాక్సిక్’ రాకతో స్క్రీన్లు తగ్గి, పోటీ పెరిగి ఒకట్రెండు రోజులు ఈ సినిమా వసూళ్లు తగ్గాయి. కానీ వీకెండ్ వచ్చేసరికి మళ్లీ సినిమా ఊపందుకుంది. ఈ వారాంతంలో కొత్త సినిమాలా వసూళ్ల మోత మోగిస్తోంది. శని, ఆదివారాల్లో కోరుకున్న థియేటర్లో ‘ఇరుముడి’ చూడాలంటే కష్టపడాల్సిందే.
తెలుగులో ‘ఇరుముడి’ ఇలా వసూళ్ల మోత మోగిస్తుంటే.. మలయాళంలో ఓ సినిమా ఇలాగే మాస్ బ్యాటింగ్ చేస్తోంది. ఆ చిత్రమే.. బెత్లెహాం కుడుంబ యూనిట్.

గత ఏడాది ‘సర్వం మాయ’ చిత్రంతో ఫామ్ అందుకున్న నివిన్ పౌలీ.. గత వారం ‘బెత్లెహాం కుడుంబ యూనిట్’ చిత్రంతో ప్రేక్షకుల ముందుకు వచ్చాడు. ఈ సినిమాకు సూపర్ హిట్ టాక్ వచ్చింది. ‘సర్వం మాయ’ లాగే ఇది కూడా ప్లెజెంట్ ఫ్యామిలీ ఎంటర్టైనర్ కావడం.. నివిన్ పౌలీకి తోడు మామిత బైజు రూపంలో జనాలను థియేటర్లకు రప్పించే ఆర్టిస్టులుండడంతో ప్రేక్షకులు ఈ సినిమాను ఎగబడి చూస్తున్నారు. ‘ఇరుముడి’ లాగే రెండో వీకెండ్లోనూ ‘బెత్లెహాం కుడుంబ యూనిట్’ కొత్త చిత్రంలా వసూళ్లు సాధిస్తోంది.

ఇండియాలోనే కాక విదేశాల్లోనూ ఈ సినిమా ఇరగాడేస్తోంది. ఇప్పటికే ఈ చిత్రం రూ.130 కోట్ల మేర వసూళ్లు రాబట్టింది. రెండో వీకెండ్ అయ్యేసరికి రూ.150 కోట్ల క్లబ్బులో అడుగుపెట్టబోతోంది. మలయాళ చిత్రాలకు లాంగ్ రన్ ఉంటుంది కాబట్టి.. ఫుల్ రన్లో రూ.200 కోట్ల క్లబ్బులోనూ ‘బెత్లెహాం కుటుంబ యూనిట్’ అడుగుపెట్టడం లాంఛనమే. ‘విశ్వనాథ్ అండ్ సన్స్’తో ఘనవిజయాన్నందుకున్న వారానికే మామితకు ఈ సినిమా రూపంలో ఇంకా బ్లాక్ బస్టర్ ఖాతాలో పడడం విశేషం. మామితకు మంచి గుర్తింపు తెచ్చిన ‘ప్రేమలు’ సినిమా తీసిన గిరీష్ ఏడీనే ఈ చిత్రాన్ని కూడా డైరెక్ట్ చేశాడు.

This post was last modified on August 29, 2026 3:02 pm

Share

Recent Posts

పార్లమెంటులోనే ప్రపోజల్.. ముద్దు …

రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…

29 minutes ago

విడుద‌ల‌కు ముందే బ్లాక్ బ‌స్ట‌ర్ పార్టీ

నేచుర‌ల్ స్టార్ నానికి హీరోగా కంటే నిర్మాత‌గా ఎక్కువ క్రెడిబిలిటీ ఉంది అంటే అతిశ‌యోక్తి కాదు. తాను హీరోగా న‌టించినా,…

53 minutes ago

తెలుగు సినిమా టైమొచ్చింది

ఓవైపు డబ్బింగ్ సినిమాలేమో ఒక్కొక్కటిగా దున్నేస్తున్నాయి. తెలుగు సినిమాల కంటెంట్ ఏమో వీక్‌గా ఉంటోంది. అవిప్రేక్షకుల ఆదరణకు నోచుకోవడం లేదు.…

2 hours ago

9 కోట్ల మందు 2.5 లక్షలకే.. ఈవిడే అసలైన డాక్టరమ్మ!

అరుదైన వ్యాధితో బాధపడుతున్న చిన్నారులకు మందులు అందుబాటులో ఉన్నా.. వాటి ధర కోట్ల రూపాయల్లో ఉండటంతో తల్లిదండ్రులు చికిత్స చేయించలేని…

2 hours ago

వైసీపీ ఒక డెడ్ బాడీ – నాగబాబు

వైసీపీ మీద మరోసారి విరుచుకొని పడ్డారు ఎమ్మెల్సీ నాగబాబు. వైసీపీ ఒక డెడ్ బాడీ అని, దాన్ని పట్టించుకోవాల్సిన అవసరం లేదని…

4 hours ago

హైందవ తప్పుకోవడం నాయుడుకి మంచిదే

వచ్చే వారం నవంబర్ 27 విడుదల కావాల్సిన హైందవ వాయిదా వేసినట్టు విశ్వసనీయ వర్గాల సమాచారం. కొత్త రిలీజ్ డేట్…

4 hours ago