Political News

పవన్ సర్జరీ వెనుక పెద్ద కారణమే ఉంది

ఆంధ్ర‌ప్ర‌దేశ్ ఉప ముఖ్య‌మంత్రి ప‌వ‌న్ క‌ళ్యాణ్‌ గ‌త నెల‌లో హ‌ఠాత్తుగా అస్వ‌స్థ‌త‌కు గురి కావ‌డం, ఆయ‌న‌కు అత్య‌వ‌స‌రంగా శ‌స్త్ర చికిత్స జ‌ర‌గ‌డం చ‌ర్చ‌నీయాంశం అయిన సంగ‌తి తెలిసిందే. ఆయ‌న అనారోగ్యంపై ర‌క‌ర‌కాల వార్త‌లు వ‌చ్చాయి. అంద‌రూ శ‌స్త్ర చికిత్స అని రిపోర్ట్ చేశారే కానీ.. అస‌లు స‌మ‌స్య ఏంటి, దేనికి స‌ర్జ‌రీ జ‌రిగింద‌నే విష‌యం మాత్రం ఎవ్వ‌రూ చెప్ప‌లేదు.

త‌ర్వాత ఆస్త‌మాకు శ‌స్త్ర చిక‌త్స జ‌రిగిన‌ట్లు వార్త‌లు వ‌చ్చాయి కానీ.. వాటి మీదా స్ప‌ష్ట‌త లేదు. ఐతే ఈ విష‌యంపై ఇప్పుడు ప‌వ‌న్ క‌ళ్యాణ్ స్వ‌యంగా స్పందించారు. జ‌న‌సేన నాయ‌కులు, కార్య‌క‌ర్త‌లతో జ‌రిగిన స‌మావేశంలో త‌న అనారోగ్యం, స‌ర్జ‌రీ గురించి ప‌వ‌న్ స్పందించాడు.

త‌న ఆరోగ్యం గురించి అంద‌రూ అడుగుతున్నార‌ని.. అస‌లేమైందో చెబుతా అంటూ త‌న‌కున్న స‌మ‌స్య‌ల‌న్నింటినీ చెప్పుకొచ్చాడు ప‌వ‌న్. క‌రోనా స‌మ‌యంలో త‌న‌కూ కొవిడ్ వ‌చ్చింద‌ని.. దాని వ‌ల్ల ఊపిరితిత్తుల్లో ఇన్ఫెక్ష‌న్ వ‌చ్చి స‌మ‌స్య త‌లెత్తింద‌ని ప‌వ‌న్ వెల్ల‌డించాడు. ఇక ఎన్నిక‌ల కోసం బాగా తిర‌గ‌డం వ‌ల్ల దుమ్ము అంతా లోప‌లికి వెళ్లి సైన‌స్ స‌మ‌స్య త‌లెత్తింద‌ని.. ఆ దుమ్మంతా గ‌ట్టిప‌డి రాయిలాగా మారింద‌ని ప‌వ‌న్ తెలిపాడు.

దీని వ‌ల్ల త‌న‌కు ఇటీవ‌ల దూరంలో ఉన్న వ‌స్తువుల‌ను చూడ‌లేని ప‌రిస్థితి త‌లెత్తింద‌ని.. అప్పుడు తీవ్ర‌త అర్థ‌మై భీమ‌వ‌రంలో ఒక ప్రోగ్రాంలో పాల్గొనాల్సిన వాడిని.. అత్య‌వ‌స‌రంగా హైద‌రాబాద్‌కు వెళ్లి అన్ని ప‌రీక్షలూ చేయించుకున్నాన‌ని.. అప్పుడు చాలా విష‌యాలు బ‌య‌ట‌ప‌డ్డాయ‌ని ప‌వ‌న్ వెల్లడించాడు.

రెండు భుజాల మ‌ధ్య చిన్న చీల‌క వ‌చ్చిన‌ట్లు వైద్యులు గుర్తించి ఇది ఎలా జ‌రిగింద‌ని అడిగితే.. త‌న అభిమానులు ప్రేమ‌తో భుజాలు లాగేస్తుంటార‌ని.. షేక్ హ్యాండ్ ఇచ్చిన‌పుడు అంత ఈజీగా వ‌ద‌ల‌ర‌ని.. ఇటు అటు ఉన్న వాళ్లు లాగిన‌పుడు ఇలా జ‌రిగి ఉండొచ్చ‌ని వైద్యుల‌కు చెప్పినట్లు ప‌వ‌న్ తెలిపాడు.

త‌న‌కు వెన్నుపూస‌లోనూ స‌మ‌స్య ఉంద‌ని.. ఇలా ఎన్నో స‌మ‌స్య‌లు ఉన్న‌ప్ప‌టికీ.. గ‌తంలో స్పోర్ట్స్ కోసం ట్రైనింగ్ తీసుకుని ఉండ‌డంతో ఎంత నొప్పినైనా త‌న శ‌రీరం భ‌రిస్తుంద‌ని.. నొప్పిని గుర్తించ‌డం కూడా క‌ష్ట‌మ‌వుతుంద‌ని చెప్పాడు ప‌వ‌న్. ఐతే అభిమానుల వ‌ల్ల గాయాలైనా..మందు వేసేది కూడా వాళ్ల ప్రేమే అంటూ ఆడిటోరియాన్ని హోరెత్తించాడు ప‌వ‌న్. త‌న కోసం ప్రార్థించిన అంద‌రికీ ప‌వ‌న్ ఈ సంద‌ర్భంగా కృత‌జ్ఞ‌త‌లు చెప్పాడు.

This post was last modified on May 15, 2026 8:59 pm

Share

Recent Posts

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

32 minutes ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

1 hour ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

1 hour ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

1 hour ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

1 hour ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

2 hours ago