గుంటూరు తూర్పు.. ఇప్పుడు జిల్లా వ్యాప్తంగా చర్చకు వస్తున్న నియోజకవర్గం ఇదే!. అయితే.. దీనిపైనే ఎక్కువగా టాక్ నడుస్తోంది. దీనికి ప్రధానంగా రెండు కారణాలు ఉన్నాయి. 1) ప్రస్తుత ఎమ్మెల్యే వైఖరి. 2) వైసీపీలో ఏర్పడుతున్న గ్యాప్. ఈ రెండు అంశాలు కూడా రాజకీయంగా ఈ నియోజకవర్గంపై తీవ్ర ప్రభావం చూపిస్తున్నాయి. కూటమి పార్టీల తరఫున గత ఎన్నికల్లో నజీర్ అహ్మద్ పోటీ చేసి విజయం దక్కించు కున్నారు. ఈయనకు రాజకీయంగా మంచి ఫామ్ కనిపిస్తోంది.
అయితే.. ఇదే కూటమిలో వచ్చే ఎన్నికలలో టికెట్ దక్కించుకునేందుకు మరో కీలక నాయకుడు ప్రయ త్నిస్తున్నారు. దీంతో ఇరు పక్షాలుగా ఈ నియోజకవర్గంలో రాజకీయాలు కొనసాగుతున్నాయి. దీనివల్ల కూటమికి నష్టం ఏమీ కనిపించడం లేదు. కానీ, రెండు వర్గాల రాజకీయం మాత్రం జోరుగా ముందుకు సాగుతోంది. ఎమ్మెల్యే పనులకు కొందరు సీనియర్లు గైర్హాజరువుతున్నారు. మరికొందరు సొంతగా కార్యక్రమాలు చేపడుతున్నారు.
ఇది అంతర్గతంగా విభేదాలు సృష్టించే ప్రయత్నం చేయడం గమనార్హం. ఇటీవల గుంటూరులో ఇఫ్తార్ విందు ఇచ్చే విషయంలోనూ ఈ విభేదాలు కనిపించాయి. దీంతో పార్టీతరఫున వెంటనే దిద్దుబాటు చర్యలు జరిగాయి. ఇక, వైసీపీలో అంతర్గత విభేదాలు మరింత పెరుగుతున్నాయి. గత ఎన్నికల్లో మాజీ ఎమ్మెల్యే ముస్తాఫా తప్పుకొని ఆయన కుమార్తెకు అవకాశం ఇచ్చారు. కానీ ఆమె ఓడిపోయారు. ఇదిలావుంటే.. అంతర్గతంగా మాత్రం నాయకుల మధ్య విభేదాలు కొనసాగుతున్నాయని అంటున్నారు.
నూరి ఫాతిమా వైఖరిపై ఇప్పటికే వైసీపీ అధిష్టానానికి అనేక ఫిర్యాదులు కూడా అందాయి. దీంతో వేచి చూసేధోరణి అవలంభిస్తున్నారు. ఇదిలావుంటే.. అటు కూటమిలోనూ.. ఇటు వైసీపీలోనూ ఇలా అంతర్గత విభేదాలు చోటు చేసుకోవడంతో ఈ నియోజకవర్గంలో వచ్చే ఎన్నికల నాటికి.. కొత్త నేతలకు అవకాశం ఇవ్వాలన్న వాదన బలంగా వినిపిస్తుండడం గమనార్హం. అయితే.. ఇప్పటికిప్పుడు ఈవిషయంపై పార్టీలు ఎలాంటి నిర్ణయం తీసుకోవడంలేదు. దీంతో తమ పరిస్థితి ఏంటన్నది ఇటు కూటమిలోనూ.. అటు వైసీపీలోనూ చర్చగా మారింది.
This post was last modified on March 27, 2026 7:40 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…