కరుడుగట్టిన కాంగ్రెస్ నేత, సంగారెడ్డి మాజీ ఎమ్మెల్యే జగ్గారెడ్డి తన వ్యాఖ్యలతో నిత్యం వార్తల్లో నిలుస్తుంటారన్న సంగతి తెలిసిందే. రాహుల్ గాంధీ వచ్చి తన తరఫున ప్రచారం చేసినా తనను ఓడించారని, సంగారెడ్డి నుంచి భవిష్యత్తులో పోటీ చేసే ప్రసక్తే లేదని ప్రజలపై జగ్గారెడ్డి అలిగిన వైనం వైరల్ అయిన సంగతి తెలిసిందే.
తెలంగాణ మున్సిపల్ ఎన్నికల్లోనూ కాంగ్రెస్ అభ్యర్థులకు ఓటు వేయమని అడగబోనని జగ్గారెడ్డి చెప్పారు. కానీ, అదే సమయంలో ఓ కాంగ్రెస్ అభ్యర్థి కోసం పోలీసులతో కొట్లాడిన జగ్గారెడ్డి…ఓ సీఐని, ఓ హోంగార్డును రాయలేని విధంగా బూతులు తిట్టారు.
పోలీసులపై జగ్గారెడ్డి సంచలన వ్యాఖ్యలు చేశారు. లకారాలతో పోలీసులను జగ్గారెడ్డి దూషించిన వైనం వివాదాస్పదమైంది. సంగారెడ్డి మున్సిపాలిటీలోని 34వ వార్డులో కాంగ్రెస్ అభ్యర్థిని సీఐ దూషించారని జగ్గారెడ్డి ఆరోపించారు. ఈ క్రమంలోనే పోలింగ్ బూతులోకి దూసుకువెళ్లిన జగ్గారెడ్డి నానా రచ్చ చేశారు.
బీఆర్ఎస్ రిగ్గింగ్ కు పాల్పడుతోందని, అందుకు సీఐ సహకరిస్తున్నారని ఆయన ఆరోపించారు. పోలింగ్ ఆపేస్తానని కేకలు వేశారు. ఈ బూత్ లో పోలింగ్ రద్దు చేయాలని డిమాండ్ చేశారు. ఈ క్రమంలోనే పోలీసులకు, జగ్గారెడ్డికి మధ్య వాగ్వాదం జరిగింది. ఆ క్రమంలోనే జగ్గారెడ్డి అనుచరులు, పోలీసుల మధ్య తోపులాట జరిగి అక్కడ ఉద్రిక్త వాతావరణం ఏర్పడింది.
ఈ క్రమంలోనే అరే ఎవడ్రా నువ్వు?…రారా…ల…అంటూ లకారాలతో సీఐ శివ కుమార్ ను జగ్గారెడ్డి దుర్భాషలాడారు. ఇక, బీఆర్ఎస్ రిగ్గింగ్ చేస్తోందని కాంగ్రెస్ అభ్యర్థి ఫిర్యాదు చేస్తే ఆ అభ్యర్థి చొక్కా పట్టుకొని సీఐ దౌర్జన్యం చేశారని నిప్పులు చెరిగారు.
ఆ సీఐ మగోడైతే ఇక్కడకు రావాలి…అని సవాల్ విసిరారు. ఏ ప్రభుత్వం అధికారంలో ఉంటే వారికి అనుకూలంగా పోలీసులు ఉంటారని, అయినా సరే తమ ప్రభుత్వానికి అనుకూలంగా ఉండమని తాను చెప్పలేదని అన్నారు.
ఆ సీఐ బీఆర్ఎస్ తొత్తు అని, ఆ విషయం తనకు తెలుసని, అతడిని మాత్రం విడిచిపెట్టే ప్రసక్తే లేదని వార్నింగ్ ఇచ్చారు. ఇదేమన్నా సినిమానా…నువ్వేమన్నా తీస్ మార్ ఖాన్ వా అంటూ ఆ సీఐపై షాకింగ్ కామెంట్స్ చేశారు.
ఇక, సీఐతో పాటు మరో హోంగార్డ్ పై కూడా బూతులతో జగ్గారెడ్డి విరుచుకుపడ్డారు. తాను పోలింగ్ బూత్ లోకి రాక 26 ఏళ్లయిందని…కానీ, ఈ రోజు రావాల్సి వచ్చిందని అన్నారు.
This post was last modified on February 11, 2026 6:21 pm
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…