Political News

ఆ రెండు నియోజకవర్గాలపై టిడిపి డేగకన్ను.. రీజనేంటి..!

రెండు కీలకమైన ఎస్సీ నియోజకవర్గాల్లో టిడిపికి తీవ్ర ఎదురు దెబ్బలు తగులుతున్నాయి. పదేపదే ఆయా నియోజకవర్గాల నుంచి వివాదాలు విమర్శలు కూడా తెర మీదకు వస్తున్నాయి. దీంతో ఆ నియోజకవర్గాల పరిస్థితి ఏంటి అనేది పార్టీ అధిష్టానం తీవ్రంగా చర్చిస్తోంది. వచ్చే ఎన్నికల నాటికి పరిస్థితిని సమూలంగా మార్చడంతో పాటు అవసరమైతే నాయకులను కూడా మార్చాలన్న ఆలోచనలో పార్టీ అధిష్టానం ఉన్నట్టు తెలుస్తోంది. ఉమ్మడి చిత్తూరు జిల్లాలోని సత్యవేడు నియోజకవర్గంలో అదేవిధంగా ఉమ్మడి కృష్ణా జిల్లాలోని తిరువూరు నియోజకవర్గంలో టిడిపి అంతర్గత కుమ్ములాటలు కొనసాగుతున్నాయి.

ఎమ్మెల్యేల వ్యవహారశైలి తీవ్ర వివాదంగా ఉన్న విషయం తెలిసిందే. సత్యవేడు నియోజకవర్గంలో వైసిపి నుంచి వచ్చిన కోనేటి ఆదిమూలంకు టికెట్ ఇవ్వడం ద్వారా గత ఎన్నికల్లో టిడిపి విజయం దక్కించుకుంది. అయితే ఈ ఆనందం అత్యంత వేగంగా ఆవిరైంది. మహిళా నాయకురాలిని వేధించారన్న కేసులో ఆదిమూలం చిక్కుకోవడం అనంతరం పార్టీ నుంచి సస్పెండ్ చేయడం తెలిసిందే. అయితే సదరు మహిళా నాయకురాలు మళ్లీ కేసును వెనక్కి తీసుకున్నప్పటికీ ఆదిమూలం మాత్రం యాక్టివ్ కాలేకపోతున్నారు.

ఈ నేపథ్యంలో టిడిపి మరో వ్యాపారవేత్తను రంగంలోకి దించింది. ఇప్పుడు ఎమ్మెల్యే ఆదిమూలం అలాగే వ్యాపారవేత్తకు మధ్య రాజకీయంగా విభేదాలు కొనసాగుతున్నాయి. తన అనుమతి లేనిదే నియోజకవర్గంలోకి ఎలా పర్యటిస్తారని తనకు చెప్పకుండా ఎలా వెళ్తారని ఆదిమూలం ప్రశ్నిస్తున్నారు. అయితే పార్టీ తనకు సంపూర్ణమైన హక్కులు కల్పించిందని అధికారం ఉందని వ్యాపారవేత్త చెబుతున్నారు. ఏది ఏమైనా నియోజకవర్గంలో తరచుగా విభేదాలు కొనసాగుతూనే ఉన్నాయి. పార్టీకి ఇబ్బందులు తెస్తూనే ఉన్నాయి.

ఇక తిరువూరు నియోజకవర్గంలో తొలిసారి ఎమ్మెల్యేగా గెలిచిన కొలికపూడి శ్రీనివాసరావు వ్యవహారం అందరికీ తెలిసిందే. వివాదాస్పద వ్యాఖ్యలు వివాదాస్పద వ్యవహారశైలితో పార్టీని ఇబ్బందుల్లో పెడుతున్నారన్నది వాస్తవం. ఇటీవల ఎంపీతో ఆయన భారీగానే రగడకు దిగారు. ఈ వ్యవహారం ప్రస్తుతం పార్టీ అధిష్టానం దృష్టిలో ఉంది. అయితే వచ్చే ఎన్నికల నాటికి ఎమ్మెల్యేను మార్చాలన్నది స్థానికంగా నాయకులు డిమాండ్ చేస్తున్నారు. కొలికపూడి కొనసాగితే పార్టీకి ఇబ్బందులు తప్పవని ఇటీవల లిఖితపూర్వకంగా సుమారు 12 మంది నాయకులు పార్టీకి సమాచారం అందించారు.

ఈ నేపథ్యంలో ఈ రెండు నియోజకవర్గాల్లో పరిస్థితి మార్చే దిశగా నాయకులను సమన్వయం చేసే దిశగా పార్టీ అడుగులు వేస్తోంది. అవసరమైతే వచ్చే ఎన్నికల నాటికి మార్పులు చేయాలని కూడా నిర్ణయించినట్టు పార్టీ వర్గాలు చెబుతున్నాయి. మరి ఏం జరుగుతుందనేది చూడాలి.

This post was last modified on January 6, 2026 10:23 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

42 minutes ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

8 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

9 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

10 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago