Political News

ఎర్రబెల్లి గారూ… ఎక్కడున్నారండీ?

తెలుగు నేల రాజకీయాల్లో పరిచయం అక్కర్లేని నేతల జాబితాలో బీఆర్ఎస్ నేత, మాజీ మంత్రి ఎర్రబెల్లి దయాకర్ రావు ఒకరు. ఉమ్మడి వరంగల్ జిల్లా పాలకుర్తి కేంద్రంగా సుదీర్ఘ కాలంగా రాజకీయాలు సాగిస్తున్న ఎర్రబెల్లి… 2023 అసెంబ్లీ ఎన్నికల తర్వాత పెద్దగా కనిపించడమే లేదు. ప్రస్తుతం వరంగల్ జిల్లా అధికార కాంగ్రెస్ లో రసవత్తర రాజకీయం నడుస్తోంది. జిల్లాలోని కాంగ్రెస్ ఎమ్మెల్యేలంతా ఒక జట్టుగా, మాజీ ఎమ్మెల్సీ కొండా మురళి మరో జట్టుగా తలపడుతున్నారు. ఈ పోరు పతాక స్థాయికి కూడా చేరుకుంది. ఇలాంటి సమయంలోనూ ఎర్రబెల్లి జాడ కనిపించడం లేదు.

వాస్తవానికి వరంగల్ జిల్లాలో కొండా వర్సెస్ ఎర్రబెల్లి యుద్ధం ఇప్పటిది కాదు. దశాబ్దాల నుంచి ఈ రెండు కుటుంబాల మధ్య ఆధిపత్య పోరాటం సాగుతోంది. కొండా దంపతులు ఎర్రబెల్లి దయాకర్ రావును రాజకీయంగా నిర్వీర్యం చేసేందుకు ఎన్నెన్నో యత్నాలు చేశారు. అయితే వాటన్నింటినీ తట్టుకుని నిలబడిన ఎర్రబెల్లి ఆది నుంచి టీడీపీలోనే కొనసాగారు. అయితే మారీన రాజకీయ పరిణామాల నేపథ్యంలో 2016లో ఎర్రబెల్లి బీఆర్ఎస్ లో చేరారు. 2018 ఎన్నికల్లో ఆరోసారి ఎమ్మెల్యేగా గెలిచిన ఆయన కేసీఆర్ కేబినెట్ లో పంచాయతీరాజ్ శాఖ మంత్రిగా కీలక బాధ్యతలు చేపట్టారు.

కులమో, ప్రాంతమో, లేదంటే ఇంకే కారణమో తెలియదు గానీ… కాంగ్రెస్ లో ఉన్న కొండా దంపతులు ఎర్రబెల్లికి వ్యతిరేకంగా సాగారు. అప్పటికే టీడీపీలో ఐదు సార్లు ఎమ్మెల్యేగా గెలిచినా… ఏ ఈక్వేషన్లు కారణమో తెలియదు గానీ చంద్రబాబు కేబినెట్ ఆయనకు మంత్రి పదవి దక్కలేదు. చీఫ్ పదవితోనే ఆయన టీడీపీలో సరిపెట్టుకోవాల్సి వచ్చింది. టీడీపీలో బాబుకు అత్యంత సన్నిహితుల్లో ఎర్రబెల్లి ఒకరు. 2004 ఎన్నికల్లో వైఎస్ రాజశేఖరరెడ్డి సీఎం కాగానే కొండా సురేఖకు మంత్రి పదవి రాగా ఆ హోదాతో అసెంబ్లీ సాక్షిగా ఎర్రబెల్లిని బెదరగొట్టే యత్నం చేశారు. అయినా కూడా ఎర్రబెల్లి ఏమాత్రం తగ్గలేదు. అయినా ఇప్పుడు ఎర్రబెల్లి ప్రస్తావన ఎందుకంటే…తన చిరకాల రాజకీయ ప్రత్యర్థి తాను తీసుకున్న గోతిలో తానే పడిపోతుంటే… ఎర్రబెల్లి నుంచి కనీస స్పందనే లేదు కదా అందుకని.

అయితే ప్రస్తుతం ఎర్రబెల్లి ఇంకా బీఆర్ఎస్ లోనే ఉన్నారు. కానీ ఎర్రబెల్లి సమకాలీకులంతా రేవంత్ ద్వారా ఒక్కరొక్కరుగా కాంగ్రెస్ లో చేరిపోయారు. కారణమేమిటో తెలియదు గానీ ఎర్రబెల్లి మాత్రం కాంగ్రెస్ వైపు ఇప్పటిదాకా చూడనే లేదు. రేవంత్ తో ఎర్రబెల్లికి ఇప్పటికీ మంచి సంబంధాలే ఉన్నాయి. అయినా గానీ ఆయన యాక్టివ్ కావడం లేదు. 2023 ఎన్నికల్లో కాంగ్రెస్ కు చెందిన ఓ యంగ్ లేడీ చేతిలో ఓడిపోయిన ఎర్రబెల్లి,.. ఆ తర్వాత పూర్తిగా గాయబ్ అయిపోయారు. కొండా, ఇతర కాంగ్రెస్ నేతల గొడవలతో తనకేం సంబంధం అన్న బావనతో ఎర్రబెల్లి తాజా రాజకీయ పరిణామాలపై పెదవి విప్పడం లేదన్న విశ్లేషణలు సాగుతున్నాయి.

This post was last modified on June 29, 2025 10:50 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

7 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

8 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

8 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

8 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

8 hours ago