Political News

‘మ‌హానాడు’.. అస‌లీ పేరు ఎలా వ‌చ్చింది?

‘మ‌హ‌నాడు’.. ఇది టీడీపీకి మాత్ర‌మే సొంత‌మైన పేరు. వాస్త‌వానికి ప్ర‌తి పార్టీ కూడా ప్లీన‌రీ పేరుతో ఆ పార్టీ విధి విధానాల‌ను ఏటా చ‌ర్చిస్తుంది. ద‌శ‌-దిశ‌ల‌ను క‌ల్పిస్తుంది. కానీ, ఇత‌ర పార్టీల‌కు.. టీడీపీకి మ‌ధ్య తేడా ఉంది. ఆయా పార్టీలు ఆవిర్భ‌వించిన రోజును పుర‌స్క‌రించుకుని ప్లీన‌రీని నిర్వ‌హిస్తాయి. అక్క‌డి నుంచి రెండు రోజులు మూడు రోజుల పాటు కార్య‌క్ర‌మాలు ఉంటాయి.

కానీ, టీడీపీలో అలాకాదు. పార్టీ వ్య‌వ‌స్థాప‌క అధ్య‌క్షుడు మాజీ సీఎం ఎన్టీఆర్ పుట్టిన రోజు(మే 28)ను పుర‌స్కరించుకుని మ‌హానాడును నిర్వ‌హించ‌డం ప్రారంభ‌మైంది. దీనికి అంకురార్ప‌ణ చేసింది కూడా.. ఎన్టీఆరే కావ‌డం గ‌మ‌నార్హం. వాస్త‌వానికి పార్టీ ఆవిర్భ‌వించింది.. మార్చి 29, 1982వ సంవ‌త్స‌రంలో. ఇలా చూసుకుంటే.. పార్టీ ప్లీన‌రీ కూడా.. త‌దుప‌రి సంవ‌త్స‌రాల నుంచి మార్చి 29నే జ‌ర‌గాలి. కానీ, అలా కాకుండా అన్నగారి పుట్టిన రోజున నిర్వ‌హిస్తారు.

అస‌లీ పేరు ఎలా వ‌చ్చింది?

మ‌హానాడు.. అనేది చాలా చిత్ర‌మైన ప‌దం!. ఈ పేరు ఎలా వ‌చ్చింద‌నే విష‌యం చాలా మందికి ఆస‌క్తి. మ‌హా.. అంటే చాలా గొప్ప‌ది అని అర్థం. నాడు.. అనే ప‌దానికి రోజు, ప‌ర్వ‌దినం అనే స‌మానార్ధ‌కాలు ఉన్నాయి. ఇలా చూసుకున్న‌ట్టు మ‌హానాడు అంటే.. చాలా గొప్ప రోజు అనే అర్థం ఉంది. దీనినే అన్న‌గారు ఖ‌రారు చేశారు. తెలుగు వారి ఆత్మ‌గౌర‌వానికి ప్ర‌తీకగా… తెలుగు వారి ఆత్మ గౌర‌వాన్ని ఢిల్లీ వ‌ర‌కు వినిపించిన ఆయ‌న‌.. త‌న పుట్టిన రోజు నాడే.. పార్టీకి నిజ‌మైన పండుగగా భావించారు. అందుకే మ‌హానాడు(దీనిని ఓ ప‌త్రిక య‌జ‌మాని సూచించార‌ని అంటారు.)ను నిర్వ‌హిస్తున్నారు.

తొలిసారి ఇక్క‌డే..!

తొలిసారి మ‌హానాడును విజ‌య‌వాడ‌లోని కృష్ణాన‌ది తీరంలో(తాడేప‌ల్లి వైపు) 1983, మే 28, 29 తేదీల్లో రెండు రోజులు మాత్ర‌మే నిర్వ‌హించారు. అందుకే.. ఈ ప్రాంతానికి ఇప్ప‌టికీ.. మ‌హానాడు అనే పేరుతోనే పిలుస్తారు. ఇక్క‌డివారికే ఇటీవ‌ల మంత్రి నారా లోకేష్ ఇంటి ప‌ట్టాలు అందించారు. ఇలా మొద‌లైన సంరంభం.. త‌ర్వాత త‌ర్వాత‌.. పార్టీ నాయ‌కుల అభ్య‌ర్థ‌ల‌న మేర‌కు మూడు రోజుల పాటు నిర్వ‌హించాల‌ని నిర్ణయించారు.

అయితే.. దీనిని కూడా.. మే28కి ముందు, త‌ర్వాత‌.. నిర్ణ‌యించ‌డం గ‌మ‌నార్హం. ఇక‌, మ‌హానాడును ఏటా నిర్వ‌హిస్తున్నా.. కొన్ని కార‌ణాల‌తో .. ప‌లు సార్లు వాయిదా వేశారు. 1985లో నాదెండ్ల భాస్క‌ర‌రావు సృష్టించిన వివాదం కార‌ణంగా, 1991లో ఒక‌సారి, 1996లో మ‌రోసారి వాయిదా వేశారు. ఇక‌, 2012లో రాష్ట్ర విభ‌జ‌న నేప‌థ్యంలోనూ వాయిదా వేయ‌డం గ‌మ‌నార్హం.

This post was last modified on May 27, 2025 10:47 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

8 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

8 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago