తెలంగాణ దేశంలోనే కొత్త రాష్ట్రమైనా తలసరి ఆదాయంలో మాత్రం దేశంలోని అన్ని రాష్ట్రాల కంటే కూడా టాప్ పొజిషన్ లో ఉంది. వాస్తవాలను చెప్పడంలో ఎలాంటి బేషజాలు లేకుండా వ్యవహరించే టీడీపీ అధినేత నారా చంద్రబాబునాయుడు ఈ విషయాన్ని చాలా వేదికలపై ఇప్పటికే చాలా సార్లు చెప్పారు కూడా. అంతెందుకు మొన్నటికి మొన్నఏపీ సీఎం హోదాలో దావోస్ సదస్సుకు వెళ్లిన సందర్భంగానూ అందరి ముందే చంద్రబాబు ఈ విషయాన్ని చెప్పారు. తెలంగాణ ఇంతగా రాణించడానికి తాను గతంలో తీసుకున్న నిర్ణయాలే కారణమని కూడా ఆయన చెప్పుకొచ్చిన సంగతి తెలిసిందే.
అదేందో గానీ… రాజకీయ నేతలు ఏ విషయాన్ని అయినా తమకు అవసరమైన మేరకు మాత్రమే తీసుకుంటూ…దానికి కొనసాగింపుగా ఉన్న దానిని మాత్రం కావాలనే విస్మరిస్తున్నారు. ఈ తరహా వైఖరికి తాను ఎంతమాత్రం మినహాయింపు కాదని బీఆర్ఎస్ వర్కింగ్ ప్రెసిడెంట్, తెలంగాణ మాజీ మంత్రి కల్వకుంట్ల తారక రామారావు (కేటీఆర్) మరోమారు నిరూపించుకున్నారు. మంగళవారం ఉదయమే సోషల్ మీడియాలోకి ఎంట్రీ ఇచ్చిన కేటీఆర్… తెలంగాణ తలసరి ఆదాయంపై ఆసక్తికర పోస్ట్ చేశారు. అందులో చంద్రబాబుకు ధన్యవాదాలు చెప్పిన కేటీఆర్… రేవంత్ రెడ్డిని చంద్రబాబు శిష్యుడిగా పేర్కొంటూ తెలంగాణ సీఎంపై సెటైరిక్ విమర్శలు చేశారు.
అయినా సదరు పోస్ట్ లో కేటీఆర్ ఏమంటారంటే.. “దేశంలో అత్యధిక తలసరి ఆదాయం కలిగిన రాష్ట్రాల్లో తెలంగాణ ప్రథమ స్థానంలో ఉందని ఏపీ సీఎం నారా చంద్రబాబునాయుడుగారు చాలా స్పష్టంగానే చెప్పారు. గడచిన పదేళ్ల పాటు తెలంగాణలో సుస్థిర ప్రభుత్వం తీసుకున్న విధాన నిర్ణయాలే కారణమని కూడా ఆయన చెప్పారు. చంద్రబాబు గారికి ధన్యావాదాలు. దయచేసి ఈ విషయాన్ని జీర్ణించుకోవడానికి ససేమిరా అంటున్న మీ శిష్యుడికి ఈ విషయం అర్థమయ్యేలా కాస్త బోధించండి” అంటూ కేటీఆర్ సదరు పోస్ట్ లో ఆసక్తికకర వ్యాఖ్యలు చేశారు.
ఇక తన పోస్ట్ కు ఆధారం అన్న దానిని చూపించాలనుకున్నారో, ఏమో తెలియదు గానీ… సోమవారం చంద్రబాబు మీడియాతో మాట్లాడిన సందర్భంగా తెలంగాణ తలసరి ఆదాయం గురించి చంద్రబాబు మాట్లాడిన చిన్నపాటి వీడియోను కేటీఆర్ తన పోస్ట్ కు జత చేశారు. అయితే ఈ సందర్భంగా చంద్రబాబు చాలానే మాట్లాడినా… కేటీఆర్ మాత్రం తనకు అవసరమైనంత మేరకే వీడియోను కట్ చేసి… దానిని మాత్రమే తన పోస్ట్ కు జత చేశారు. మిగిలిన వీడియోను కేటీఆర్ ఉద్దేశపూర్వకంగానే వదిలేశారన్న వాదనలు వినిపిస్తున్నాయి.
2026లో టాలీవుడ్ బాక్సాఫీస్ మోతెక్కిపోతుందనే సంకేతాలు కనిపించాయి ఆరంభంలో. ‘మన శంకర వరప్రసాద్ గారు’తో పాటు ‘అనగనగా ఒక రాజు’,…
ఈ రోజుల్లో చిన్న, మిడ్ రేంజ్ సినిమాలకు రిలీజ్రోజు ఇచ్చిన థియేటర్లను జనంతో నింపడమే కష్టమైపోతోంది. జనం థియేటర్లకు రావడం…
ఏపీలో కూటమి ప్రభుత్వం రెండేళ్ల పాలనను పూర్తి చేసుకుంది. మూడో ఏడాదిలోకి అడుగులు వేసింది. ప్రభుత్వం ఏం చేయాలన్నా.. మరో…
ఇటీవల నాగ్ అశ్విన్ తో ప్రభాస్ చేసిన ప్రమోషనల్ ఇంటర్వ్యూ నెట్టింట ఎంతగా వైరల్ అయిందో అందరికీ తెలుసు. అందులో…
ప్రధాన మంత్రి నరేంద్ర మోడీ.. పశ్చిమబెంగాల్లో శనివారం సాయంత్రం పర్యటించారు. ఈ సందర్భంగా ఆయన దేశవ్యాప్తంగా అన్నదాతలకు పీఎం-కిసాన్ నిధులను…
ఏపీ సీఎం చంద్రబాబు.. మరోసారి వైసీపీపై నిప్పులు చెరిగారు. గత ఐదేళ్ల కాలంలో గొడ్డలి పార్టీ(వైసీపీ) రాష్ట్రాన్ని ధ్వంసం చేయడం..…