ఉత్సాహం మంచిదే కానీ సమయం.. సందర్భం చూసుకోవాలి. అదేమీ లేకుండా కూటమి సర్కారుకు ఉన్న సున్నిత అంశాల్ని పరిగణలోకి తీసుకోకుండా అత్యుత్సాహానికి పోతున్న తమ్ముళ్ల తీరుకు తగ్గట్లే. తాజాగా ముఖ్యమంత్రి చంద్రబాబు సీరియస అయ్యారు. ఫ్యూచర్ సీఎం లోకేశ్ అంటూ జ్యూరిక్ లో జరిగిన ఐరోపా తెలుగు డయాస్పోరాలో వ్యాఖ్యలు చేసిన ఏపీ మంత్రి టీజీ భరత్ పై ఆయన సీరియస్ అయ్యారు. సమావేశం అనంతరం భరత్ ను చంద్రబాబు మందలించారు.
మంత్రులు బాధ్యతగా వ్యవహరించాలని.. ఎప్పుడు.. ఏం మాట్లాడాలో ముందు తెలుసుకోవాలని హితవు పలికిన చంద్రబాబు.. ‘‘ఇక్కడకు మనం ఎందుకు వచ్చాం? మీరేం మాట్లాడుతున్నారు? భవిష్యత్తులో లోకేశ్ సీఎం అవుతారనే వ్యాఖ్యలు ఇక్కడ అవసరమా? దావోస్ వచ్చింది రాష్ట్రానికి పెట్టుబడులు ఆకర్షించటానికి కానీ ఇలాంటి వ్యాఖ్యలు చేయటానికి కాదుగా?’’ అంటూ సీరియస్ అయ్యారు.
ఈ సమావేశంలో టీజీ భరత్ మాట్లాడుతూ.. ఎవరికి నచ్చినా.. నచ్చకున్నా పార్టీ భవిష్యత్తు నాయకుడిగా.. కాబోయే ముఖ్యమంత్రి లోకేశ్ అంటూ మంత్రి టీజీ భరత్ వ్యాఖ్యానించారు. ఈ మధ్యనే లోకేశ్ ను డిప్యూటీ సీఎం చేయాలన్న డిమాండ్ ను తెలుగు తమ్ముళ్లు తీసుకురావటం.. దీనిపై ఎవరూ మాట్లాడొద్దంటూ చంద్రబాబు ఆదేశాలు జారీ చేసిన రోజు తర్వాత.. మంత్రి టీజీ భరత్ నోటి నుంచి లోకేశ్ కాబోయే ముఖ్యమంత్రి అన్న వ్యాఖ్య రావటం సంచలనంగా మారింది. దీనికి చెక్ చెప్పేలా.. టీజీ భరత్ పై సీరియస్ అయిన చంద్రబాబు.. మున్ముందు ఈ తరహా వ్యాఖ్యలు చేయొద్దంటూ గట్టిగా చెప్పారు. మరి.. చంద్రబాబు క్లాస్ మిగిలిన తమ్ముళ్లు అర్థం చేసుకుంటారా? లేదంటే.. టీజీ భరత్ మాదిరి తమ స్వామిభక్తిని ప్రదర్శించుకొని తిట్లు తింటారా?అన్నది చూడాలి.
This post was last modified on January 21, 2025 9:44 am
బాలీవుడ్ స్టార్ హీరో రణ్బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…
టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…
కొన్ని కొన్ని ప్రకటనలు విని ఊరుకోవాల్సిందే!. కానీ, నాయకులు మాత్రం ఊదరగొడుతూనే ఉంటారు. తాజాగా ప్రపంచ ప్రఖ్యాత శబరిమల ఆలయాన్ని…
తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…
అన్ని విషయాల్లోనూ కాకపోయినా.. కొన్ని కొన్నివిషయాల్లో ప్రధాని నరేంద్ర మోడీ చూపే చొరవ ప్రశంసలు అందుకుంటోంది. తాజాగా ఫిలిప్పీన్స్ రాజధాని…
కేరళ రాష్ట్రానికి చెందిన నటుడు, ప్రస్తుతం కేంద్ర మంత్రిగా ఉన్న సురేష్ గోపి తన నోటికి పని చెప్పారు. బీజేపీ…