Political News

టీటీడీలో మ‌రిన్ని ప‌ద‌వులు.. జాబితా కూడా పెద్ద‌దే!

ప్ర‌పంచ ప్ర‌ఖ్యాత తిరుమ‌ల తిరుప‌తి దేవ‌స్థానానికి సంబంధించిన కీల‌క‌మైన ప‌ద‌వుల భ‌ర్తీలో కూట‌మి స‌ర్కారుకు ఆప‌శోపాలు త‌ప్ప‌డం లేదు. ఇటీవ‌లే.. టీటీడీ పాల‌క మండలిని సీఎం చంద్ర‌బాబు నియ‌మించారు. ఈ ప‌ద‌వుల కోసం చాంతాడంత జాబితా వ‌చ్చింది. దీంతో తాను ముందుగానే నిర్ణ‌యించుకున్న విధంగా చంద్ర‌బాబు అడుగులు వేశారు. వాస్త‌వానికి పాల‌క‌మండ‌లి చైర్మ‌న్ ప‌ద‌వి కోసం.. పెద్ద ఎత్తున నాయ‌కులు క్యూ క‌ట్టారు. అయిన‌ప్ప‌టికీ.. చంద్ర‌బాబు ఆచి తూచి నిర్ణ‌యం తీసుకున్నారు.

ఇక‌, ఇప్పుడు ఇదే తిరుమ‌ల‌కు సంబంధించి కీల‌క‌మైన ప‌ద‌వుల భ‌ర్తీ చేప‌ట్టాల‌ని కూట‌మి ప్ర‌భుత్వం నిర్ణ‌యించుకుంది. వీటిలో శ్రీవేంక‌టేశ్వ‌ర భ‌క్తి ఛానెల్ చైర్మ‌న్‌, అదేవిధంగా ఈ ఛానెల్‌కు ముఖ్య కార్య‌నిర్వ‌హ‌ణాధికారి(సీఈవో), స‌ల‌హాదారు, ముఖ్య స‌ల‌హాదారు ప‌ద‌వులు ఎదురు చూస్తున్నాయి. వీటితో పాటు.. శ్రీ వెంకటేశ్వర ఎంప్లాయీస్‌ ట్రైనింగ్‌ అకాడమీ (ఎస్‌విఇటిఎ) ఛైర్మన్ ప‌ద‌వి కూడా ఉంది. ఇవ‌న్నీ టీటీడీలో ప్రాధాన్యం ఉన్న‌వే కావ‌డం విశేషం.

దీంతో ఆయా ప‌ద‌వుల‌ను ద‌క్కించుకునేందుకు కూడా ప్ర‌ముఖుల‌తో పాటు రాజ‌కీయ నేత‌లు కూడా ఎదురు చూస్తున్నారు. ప్ర‌ధానంగా శ్రీవేంక‌టేశ్వ‌ర భ‌క్తి ఛానెల్ చైర్మ‌న్ కు డిమాండ్ ఎక్కువ‌గా ఉంది. గ‌తంలో చంద్ర‌బాబు ప్ర‌భుత్వం దీనిని ప్ర‌ముఖ ద‌ర్శ‌కుడు రాఘ‌వేంద్ర‌రావుకు ఇచ్చారు. వైసీపీ హ‌యాంలో ఇది వివాద‌మైంది. ఇక‌, ఇప్పుడు మ‌రోసారి రాఘ‌వేంద్ర రావు ప్ర‌య‌త్నిస్తున్నారు. ఈయ‌న‌తోపాటు ప్ర‌ముఖ న‌టుడు, మాజీ ఎంపీ ముర‌ళీమోహ‌న్‌, నిర్మాత సి. అశ్వినీద‌త్‌లు కూడా ప్ర‌య‌త్నిస్తున్నారు.

ఎస్వీబీసీ సీఈవో, సలహాదారు, చీఫ్ అడ్వైజర్ వంటి పదవులకు కూడా పోటీ ఎక్కువ‌గానే ఉంద‌ని తెలిసింది. ఈ ప‌ద‌వుల‌పై జ‌న‌సేన నాయ‌కులు ఆశ‌లు పెట్టుకున్నారు. ఇప్ప‌టికే తిరుప‌తికి చెందిన యువ‌నాయ‌కుడు, ఎన్నిక‌ల్లో టికెట్ఆశించి భంగ ప‌డిన జ‌న‌సైనికుడు ఎస్వీబీసీ చీఫ్ అడ్వైజ‌ర్ ప‌ద‌వి కోసం ప్ర‌య‌త్నిస్తున్నారు. అదేవిధంగా తిరుప‌తి మాజీ ఎమ్మెల్యే , టీడీపీ నాయ‌కురాలు సుగుణ‌మ్మ కూడా నామినేటెడ్ ప‌ద‌విపై మంత్రి నారా లోకేష్‌ను అభ్య‌ర్థించారు. అటు సినీ రంగానికి చెందిన‌వారు. ఇటు రాజ‌కీయ రంగానికి చెందిన‌వారు .. కూడా ఈ ప‌ద‌వుల కోసం ప్ర‌య‌త్నించ‌డం గ‌మ‌నార్హం.

This post was last modified on November 30, 2024 10:28 pm

Share

Recent Posts

`క‌రువు`లో ఉన్నాం.. 30 వేల కోట్లివ్వండి

తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేప‌థ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…

16 minutes ago

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

2 hours ago

వైసీపీ ట్రాప్‌.. చిక్కుకుపోయిన టీడీపీ..?

రాష్ట్ర వ్యాప్తంగా కాదుకానీ.. ప్ర‌స్తుతం జ‌రుగుతున్న గ్రామ పంచాయ‌తీ ఎన్నిక‌ల విష‌యంలో వైసీపీ స్థానిక నేత‌లు ప‌న్నిన వ్యూహానికి టీడీపీ…

4 hours ago

అస‌దుద్దీన్ నేతృత్వంలో కొత్త `కూట‌మి`

దేశంలో ప్ర‌స్తుతం జాతీయ స్థాయిలో రెండు కూట‌ములు కొన‌సాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూట‌ములు ఉన్నాయి.…

6 hours ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

8 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago