ప్రస్తుతం భారతీయ క్రికెట్ అభిమానులకు అత్యంత ఇష్టమైన విదేశీ క్రికెటర్ ఎవరు అంటే.. మరో మాట లేకుండా డేవిడ్ వార్నర్ పేరు చెప్పేయొచ్చేమో. కేవలం ఆటతో మాత్రమే కాక.. తన చర్యలతోనూ అతను ఇండియన్ ఫ్యాన్స్ను కట్టి పడేస్తుంటాడు. భారతీయ సినిమాల్లోని పాటలకు స్టెప్పులేయడం.. మన హీరోలను అనుకరిస్తూ షార్ట్స్, రీల్స్ చేయడం.. ఇలా చాలా పెద్ద కథే ఉంది.
ఈ నేపథ్యంలోనే రాజమౌళితో కలిసి ‘క్రెడ్’ కోసం ఒక యాడ్ కూడా చేశాడు వార్నర్. అది బాగా పేలింది. ఇప్పుడు వార్నర్ ఏకంగా ఇండియన్ సినిమాలో నటించేస్తున్నాడు. ఆ మూవీ తెలుగుదే కావడం విశేషం. నితిన్, శ్రీలీల జంటగా నటిస్తున్న ‘రాబిన్ హుడ్’లో వార్నర్ నటిస్తున్నాడన్నది తాజా కబురు. ఇటీవలే ఆస్ట్రేలియాలో ఈ మూవీ కొత్త షెడ్యూల్ మొదలైన సంగతి తెలిసిందే. ఆ షెడ్యూల్లో వార్నర్ కూడా భాగమయ్యాడట.
వార్నర్ ‘పుష్ప’ గెటప్లో హల్చల్ చేస్తున్న ఫొటోలు కొన్ని సోషల్ మీడియాలోకి వచ్చాయి. అవి చూసి వార్నర్ పుష్ప-2 మూవీలో నటిస్తున్నాడా అనే చర్చ జరిగింది. అతను పుష్ప గెటప్ వేసింది ‘పుష్ప-2’ కోసం కాదు.. రాబిన్ హుడ్ కోసం. ఇందులో పుష్పను పోలిన డాన్ తరహా కామెడీ క్యారెక్టర్ ఉందట. ఆ పాత్రను వార్నర్ను చేయించారట. వార్నర్కు మన అభిమానుల్లో ఉన్న సూపర్ ఫాలోయింగ్ నేపథ్యంలో సరిగ్గా డిజైన్ చేసి ఉంటే ఈ క్యారెక్టర్ బాగా పేలే అవకాశముంది.
ఇండియన్ ఫ్యాన్స్లో తెలుగు అభిమానులకు వార్నర్తో మరింత కనెక్షన్ ఉంది. అతను ఎక్కువ కాలం ప్రాతినిధ్యం వహించింది తెలుగు ఐపీఎల్ జట్టు సన్రైజర్స్కు. అతను టిక్ టాక్ వీడియోలు చేసింది కూడా తెలుగు సినిమాల్లోని పాటలు, సన్నివేశాలకే. మరి ‘రాబిన్ హుడ్’కు వార్నర్ క్యామియో ఎంత ప్లస్ అవుతుందో చూడాలి.
This post was last modified on September 23, 2024 7:24 pm
టాలీవుడ్లో చాలామంది హీరోలకు పేర్ల వెనుక ‘ట్యాగ్స్’ ఉన్నాయి. అందులో కొన్ని అభిమానులు ఇచ్చినవి అయితే.. కొన్ని ఆ హీరోలను…
కర్నూలులో హైకోర్టు బెంచ్ ఏర్పాటుకు ఏపీలోని ఎన్డీఏ ప్రభుత్వం సిద్ధంగా ఉందని సీఎం చంద్రబాబు ప్రకటించారు. దానికి సంబంధించిన ప్రతిపాదనలను…
ఈ మధ్య ఫిలిం సెలబ్రెటీల విడాకుల వార్తలు చాలా చూస్తున్నాం. గత కొన్నేళ్లలో నాగచైతన్య-సమంత, ధనుష్-ఐశ్వర్య.. ఇలా చాలామంది విడిపోయారు.…
తిరుమల తిరుపతి ప్రసాదం లడ్డులో జంతువుల కొవ్వు, నెయ్యిని ఉపయోగించిన వ్యవహారంపై దేశ వ్యాప్తంగా దుమారం రేగిన సంగతి తెలిసిందే.…
తమిళ అగ్ర దర్శకుడు శంకర్ ఈ మధ్య ఎంతో ఇష్టపడి ఓ నవలకు సంబంధించి హక్కులు కొనుక్కోగా.. ఆ నవలలోని…
ఇప్పుడున్న స్టార్ హీరోల పాత సినిమాల రీ రిలీజులంటే ప్రేక్షకులు ఎగబడతారు కానీ కాలం చేసిన లెజెండరీ క్లాసిక్స్ కి…