Movie News

కిల్ రీమేక్.. సరైన ఆలోచనేనా?

గత మూణ్నాలుగేళ్లలో తెలుగులో వచ్చిన రీమేక్ సినిమాల లిస్టు తీస్తే.. వాటిలో మంచి ఫలితాన్ని అందుకున్న చిత్రాలను వేళ్ల మీద కూడా లెక్కపెట్టలేం. మాతృక నుంచి మూల కథను తీసుకుని ఎన్నో మార్పులు చేర్పులు చేసి కొత్త సినిమాలా తీర్చిదిద్దుతాడని పేరున్న హరీష్ శంకర్ సైతం ‘మిస్టర్ బచ్చన్’తో బోల్తా కొట్టాడు. ‘బోళా శంకర్’ సహా దారుణమైన డిజాస్టర్లయిన రీమేక్ సినిమాల లిస్టు చాలా పెద్దదే. ఇందుకు కారణాలేంటన్నది అందరికీ తెలుసు.

ఓటీటీల విప్లవం మొదలయ్యాక అన్ని భాషల చిత్రాలనూ ఆన్ లైన్లో అందరూ చూసేస్తున్నారు. చూసినా చూడకపోయినా కథ రివీల్ అయిపోతోంది. దీంతో రీమేక్ చిత్రాల పట్ల ప్రేక్షకుల్లో ఎగ్జైట్మెంట్ కనిపించడం లేదు. ఉన్నదున్నట్లు తీస్తే జిరాక్స్ అంటున్నారు. మార్పులు చేర్పులు చేస్తే చెడగొట్టారు అంటున్నారు. అందుకే రీమేక్ సినిమాల సక్సెస్ రేట్ బాగా పడిపోతోంది. ఇలాంటి టైంలో బాలీవుడ్ సెన్సేషనల్ మూవీ ‘కిల్’ సౌత్ రీమేక్‌ల గురించి వార్తలు హల్‌చల్ చేస్తున్నాయి.

ఆల్రెడీ లారెన్స్ హీరోగా తమిళంలో ‘కిల్’ రీమేక్ మొదలైనట్లు వార్తలొస్తున్నాయి. ఆ చిత్రానికి టాలీవుడ్ డైరెక్టర్ రమేష్ వర్మ డైరెక్ట్ చేస్తున్నాడు. అది ‘కిల్’ రీమేక్ అనే విషయం ఇంకా కన్ఫమ్ కాలేదు. కానీ లారెన్స్ హీరోగా ‘కిల్’ రీమేక్ అనగానే జనాలకు ఫ్యూజులు ఎగిరిపోయాయి. ఇప్పుడేమో తెలుగులో కొత్తగా ‘కిల్’ రీమేక్ గురించి ఊహాగానాలు వినిపిస్తున్నాయి. ఓ నిర్మాణ సంస్థ ‘కిల్’ రీమేక్ హక్కులు తీసుకుందట. వరుణ్ తేజ్‌తో ఈ చిత్రాన్ని తెరకెక్కించే ఆలోచన చేస్తున్నారట.

కానీ ‘కిల్’ అనేది కాన్సెప్ట్ బేస్డ్ మూవీ. ఆ కాన్సెప్ట్ ఏంటన్నది రివీలైతే సినిమా చూడడంలో మజా ఉండదు. పైగా ‘కిల్’ సోషల్ మీడియాలో సెన్సేషన్ క్రియేట్ చేసిన నేపథ్యంలో సౌత్ జనాలు కూడా ఓటీటీలో ఎగబడి చూశారు. అలాంటి సినిమాను రీమేక్ చేయడం సరైన ఆలోచన అనిపించుకోదు. కాన్సెప్ట్ తెలిసి.. ఆల్రెడీ చాలామంది చూసేసిన సినిమా పట్ల ఏ ఎగ్జైట్మెంట్ ఉండదు. కాబట్టి రీమేక్ ఆలోచనలు మానుకుంటేనే మంచిదనే అభిప్రాయాలు వ్యక్తమవుతున్నాయి.

This post was last modified on September 22, 2024 5:29 pm

Share
Show comments
Published by
Satya

Recent Posts

గేమ్ చేంజర్ వస్తున్నాడు.. సైడ్ ప్లీజ్

తమిళ లెజెండరీ డైరెక్టర్‌ శంకర్‌తో రామ్ చరణ్ సినిమా అన్నపుడు మెగా అభిమానులు ఎంతో ఎగ్జైట్ అయ్యారు. చిరంజీవి సహా…

3 hours ago

కొత్త దర్శకుడి మీదే మాస్ రాజా భారం

మాస్ రాజా రవితేజ కెరీర్ ఒక అడుగు ముందుకు.. నాలుగు అడుగులు వెనక్కి అన్నట్లు సాగుతోంది. ఒకప్పుడు ఒకట్రెండు ఫ్లాపులు…

4 hours ago

స్త్రీ-2.. ఇప్పటికీ బ్యాటింగే

బాలీవుడ్లో ఎన్నో బ్లాక్ బస్టర్లు చూశాం. ఎన్నో రికార్డులు బద్దలయ్యాయి. ఐతే బ్లాక్‌బస్టర్లు, రికార్డులు అనగానే అక్కడ ఆమిర్ ఖాన్,…

5 hours ago

రుహాని హాట్‌నెస్.. ఇది నెక్స్ట్ లెవెల్

కొందరు హీరోయిన్లకు అందం, అభినయం అంతంతమాత్రం అయినా.. కెరీర్ ఆరంభంలో మంచి హిట్లు పడితే బిజీ అయిపోతారు. స్టార్ స్టేటస్…

6 hours ago

దేవర.. వీకెండ్లోనే నాలుగు మిలియన్లు?

ఈ ఏడాది ఇండియన్ బాక్సాఫీస్‌లోనే మోస్ట్ అవైటెడ్ మూవీస్‌లో ఒకటి.. దేవర. ‘ఆర్ఆర్ఆర్’తో పాన్ ఇండియా స్థాయిలో గుర్తింపు సంపాదించిన…

9 hours ago

లడ్డు గొడవ.. ఆయనెక్కడ?

వైఎస్సార్ కాంగ్రెస్ ప్రభుత్వ హయాంలో తిరుమల లడ్డులో వాడిన నెయ్యిలో కల్తీ జరిగిందని.. అందులో జంతువుల కొవ్వుల తాలూకు అవశేషాలు…

10 hours ago