సినీ నటి హేమపై సస్పెన్షన్ ఎత్తివేత !

మూడు నెలల క్రితం బెంగుళూరు శివారులో నిర్వహించిన రేవ్ పార్టీలో ప్రముఖ సినీనటి హేమ పట్టుబడిన విషయం తెలిసిందే. ఈ పార్టీలో ఆమె డ్రగ్స్ తీసుకున్నట్లు నిర్వహించిన పరీక్షల్లో తేలింది.

ఈ నేపథ్యంలో మూవీ ఆర్టిస్ట్ అసోసియేషన్ (మా) హేమపై సస్పెన్షన్​ విధించింది. ప్రస్తుతం ఆ సస్పెన్షన్ ఎత్తివేస్తున్నట్లు ప్రకటించింది.

ఈ మేరకు మా అధ్యక్షుడు మంచు విష్ణు ప్రతిపాదనకు ఎగ్జిక్యూటివ్ కమిటీ ఆమోదం తెలిపింది. హేమ మీద వచ్చిన ఆరోపణల్లో నిజం లేదని కమిటీ ఈ సంధర్భంగా అభిప్రాయపడింది.

అయితే దీని గురించి ఎక్కడా మాట్లాడొద్దని నటి హేమకు మా సూచించింది.