నెట్‌ఫ్లిక్స్‌లో మహారాజ సెన్సేషన్

ఈ ఏడాది జూన్ మధ్యలో పెద్దగా అంచనాలు లేకుండా రిలీజైంది ‘మహారాజ’ మూవీ. విలక్షణ నటుడు విజయ్ సేతుపతి కెరీర్లో ఇది 50వ సినిమా కావడంతో కొంత పబ్లిసిటీ వచ్చింది. ఐతే సోలో హీరోగా సేతుపతి గత కొన్నేళ్లలో చేసిన సినిమాలేవీ పెద్దగా ఆడని నేపథ్యంలో ఇది కూడా ఆ కోవలోకే చెందుతుందని అనుకున్నారు. కానీ నిథిలన్ స్వామినాథన్ అనే కొత్త దర్శకుడు రూపొందించిన ఈ చిత్రం బాక్సాఫీస్ దగ్గర సెన్సేషన్ క్రియేట్ చేసింది.

హీరోగా సేతుపతి కెరీర్లోనే బిగ్గెస్ట్ హిట్‌గా నిలిచింది. తెలుగులో ఈ సినిమా చాలా బాగా ఆడి లాభాలు తెచ్చిపెట్టడం విశేషం. ఇక ఈ చిత్రాన్ని నెట్ ఫ్లిక్స్ సంస్థ కొన్ని వారాల కిందటే విడుదల చేయగా అక్కడ రెస్పాన్స్ ఇంకా అదిరిపోయింది. సోషల్ మీడియా ఈ సినిమా గురించిన చర్చలతో ఊగిపోయింది.

ఇండియా మొత్తంలో ఈ ఏడాది నెట్ ఫ్లిక్స్‌లో మోస్ట్ వ్యూడ్ మూవీగా ‘మహారాజా’ నిలవడం విశేషం. క్రూ, లాపటా లేడీస్ లాంటి బాలీవుడ్ హిట్ మూవీస్ సాధించిన వ్యూస్‌ను తాజాగా మహారాజ దాటేసింది. మామూలుగా నెట్ ఫ్లిక్స్‌లో ఇండియా వరకు బాలీవుడ్ మూవీసే టాప్‌లో ఉంటాయి. ఎప్పుడో కానీ రీజనల్ మూవీస్ వాటిని అధిగమించవు.

ఐతే కల్ట్ స్టేటస్ తెచ్చుకున్న ‘మహారాజ’ మూవీ మొదట్నుంచి నెట్ ఫ్లిక్స్‌ ఛార్ట్స్‌ను డామినేట్ చేస్తూ వచ్చింది. అన్ని భాషల వాళ్లూ ఈ చిత్రాన్ని విరగబడి చూశారు. దీంతో వ్యూస్‌లో టాప్‌లోకి వెళ్లిపోయింది. ఈ ఏడాది మరే చిత్రమైనా మహారాజను అధిగమిస్తుందా అన్నది సందేహమే. తన కూతురిపై అత్యాచారం జరిపిన ఒక దొంగల బ్యాచ్‌ను కనిపెట్టి వారికి బుద్ధి చెప్పే తండ్రి కథ ఇది. రొటీన్ కథనే చాలా కొత్తగా ప్రెజెంట్ చేసి, చివర్లో అదిరిపోయే ట్విస్ట్ ఇచ్చి ఆశ్చర్యపరిచాడు దర్శకుడు.