వచ్చే వారం విడుదల కాబోతున్న డబుల్ ఇస్మార్ట్ ఫలితం పట్ల టీమ్ చాలా కాన్ఫిడెంట్ గా ఉంది. ప్రమోషన్లు నాన్ స్టాప్ గా చేస్తూనే ఉన్నారు. మిస్టర్ బచ్చన్ రూపంలో మంచి పోటీ ఉండటంతో బాక్సాఫీస్ వసూళ్లలో టాక్ చాలా కీలక పాత్ర పోషించనుంది. లాంగ్ వీకెండ్ కావడంతో బాగుందనే మాట బయటికి వస్తే చాలు కలెక్షన్ల వర్షం ఖాయమే. అందులోనూ ఇస్మార్ట్ శంకర్ లాంటి బ్లాక్ బస్టర్ కి కొనసాగింపు, సంజయ్ దత్ విలనిజం ఇలా బోలెడు అంశాలు మాస్ ని టార్గెట్ చేసుకుని విందు భోజనానికి సిద్ధం కమ్మంటున్నాయి. 2 గంటల 42 నిమిషాల నిడివికి సెన్సార్ ఏ సర్టిఫికెట్ ఇచ్చింది.
ఇదిలా ఉండగా డబుల్ ఇస్మార్ట్ సినిమా నలుగురి కెరీర్లకు సంబంధించి అతి ముఖ్యమైన మైలురాయిగా నిలవాల్సిన బాధ్యతను తీసుకుంది. హీరో రామ్ బ్యాక్ టు బ్యాక్ డిజాస్టర్స్ లో ఉన్నాడు. ఎన్నో ఆశలు పెట్టుకున్న ది వారియర్, స్కందలు తీవ్రంగా నిరాశపర్చడంతో తన ఫ్యాన్స్ తో పాటు సగటు ప్రేక్షకులను డబుల్ ఇస్మార్ట్ పూర్తి స్థాయిలో ఆకట్టుకుందనే ధీమా తనలో కనిపిస్తోంది. లైగర్ గాయాలు ఇంకా వెంటాడుతున్న దర్శకుడు పూరి జగన్నాథ్ మీద హీరోల్లో మళ్ళీ నమ్మకం రావాలంటే ఇప్పుడీ సినిమా మాములు హిట్ అయితే సరిపోదు. వింటేజ్ పూరి అనిపించే సక్సెస్ దక్కాలి.
ఇక మణిశర్మకు కీలక బ్రేక్ ఇవ్వాల్సిన బాధ్యతని డబుల్ ఇస్మార్ట్ తీసుకుంది. అవకాశాలు ఎన్ని వస్తున్నా మునుపటి స్థాయిలో ఆల్బమ్ ఇవ్వలేకపోతున్నారనే లోటుని ఇది తీరుస్తుందనే నమ్మకం యూనిట్ లో ఉంది. హీరోయిన్ కావ్య థాపర్ కు ఊరుపేరు భైరవకోన రూపంలో డీసెంట్ హిట్ ఉన్నప్పటికీ ఆఫర్లు క్యూ కట్టే స్థాయిలో ఇంకా మలుపు దక్కలేదు. సో ఇది తనకూ చాలా కీలకం. గుంటూరు కారం, టిల్లు స్క్వేర్ తర్వాత క్లాసు మాసుని ఏకకాలంలో థియేటర్లకు రప్పించిన సినిమాలు ఆ తర్వాత పెద్దగా లేవు. సో డబుల్ ఇస్మార్ట్ కనక ఈ విషయంలో మెప్పించగలిగితే అందరి లోటు తీరినట్టే.
This post was last modified on August 8, 2024 12:42 pm
భారతీయ జనతా పార్టీ, కాక్రోచ్ జనతా పార్టీ మధ్య విదేశీ నిధుల వివాదం దుమారం రేపుతూనే వుంది. నీట్ పేపర్…
ఒకే రోజు... వెంటవెంటనే రెండు యాక్సిడెంట్లు. లక్కీగా ఆ ఎమ్మెల్యే బయటపడ్డారు. తెలంగాణాలో ఈ ఘటన కలకలం సృష్టించింది. అయితే…
కొన్ని నెలల ముందు చెన్నైలో జరిగిన ఒక వివాహ వేడుకకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి హాజరు…
ఒకప్పుడు చదువు పూర్తవగానే మంచి ఉద్యోగం సంపాదించడం, సొంత ఇల్లు కొనుక్కోవడం, పెళ్లి చేసుకోవడం, పిల్లలతో స్థిరపడటం.. ఇవే జీవితంలో…
తెలంగాణ‌లో కొత్తగా ఇళ్లు నిర్మించుకోవాలంటే సామాన్యులు, మ‌ధ్య‌త‌ర‌గ‌తిప్ర‌జ‌లు భ‌య‌ప‌డే ప‌రిస్థితి వ‌చ్చింద‌ని మాజీ మంత్రి బీఆర్ ఎస్ వ‌ర్కింగ్ ప్రెసిడెంట్…
అనంత‌పురం జిల్లాకు చెందిన ఫైర్ బ్రాండ్ నాయ‌కుడు.. జేసీ ప్ర‌భాక‌ర్ రెడ్డి తాజాగా సంచ‌ల‌న వ్యాఖ్య‌లు చేశారు. వైసీపీ, టీడీపీ…