2024లో విశ్వక్ సేన్ మంచి స్వింగ్ లో ఉన్నాడు. ఏడాది పూర్తవ్వకుండానే ఏకంగా మూడు రిలీజులు వచ్చేలా చూసుకున్నాడు. హిట్టు ఫ్లాపు సంగతి పక్కనపెడితే వీలైనంత ఎక్కువ సినిమాలు యూత్ హీరోలు చేయాల్సిన పరిస్థితుల్లో ఇలా దూకుడు చూపించడం అవసరమే. గామి కమర్షియల్ గా బ్లాక్ బస్టర్ కాకపోయినా విమర్శకుల ప్రశంసలు పొంది, ఆడియన్స్ మెప్పుతో నిర్మాతలలకు సేఫ్ ప్రాజెక్టుగా నిలిచింది. ఊర మాస్ మేకోవర్ అందుకుందామని చూసిన గ్యాంగ్స్ అఫ్ గోదావరి నిరాశపరిచినప్పటికీ విశ్వక్ పెర్ఫార్మన్స్ పరంగా కంప్లయింట్ రాలేదు. ఇప్పుడు అక్టోబర్ లో మెకానిక్ రాకీగా రాబోతున్నాడు.
ఇవాళ టీజర్ లాంచ్ జరిగింది. నిజానికి రిలీజ్ డేట్ ఇంకా దూరం ఉన్నప్పటికీ టీమ్ మూడు నెలల ముందు నుంచే ప్రమోషన్లు మొదలుపెట్టడం చూస్తుంటే కంటెంట్ ఏదో బలంగా ఉన్నట్టు తోస్తోంది. కథను పూర్తిగా రివీల్ చేయకపోయినా కొన్ని క్లూస్ అయితే ఇచ్చారు. మెకానిక్ షెడ్డుతో జీవితం గడుపుతున్న రాకీ జీవితంలోకి ఇద్దరమ్మాయిలు రావడం, సునీల్ లాంటి విలన్ ఎంట్రీ, మాఫియా ప్రవేశం, ఊహించని పరిణామాలు ఇలా సెటప్ మొత్తం డిఫరెంట్ గానే అనిపిస్తోంది. హోమ్లీగా నటించే శ్రద్ధ శ్రీనాథ్ ని కొత్త అవతారంలో చూపించడం లాంటి ప్రయోగాలు చాలానే చేశారు.
తన కెరీర్లోనే మెకానిక్ రాకీ బిగ్గెస్ట్ మ్యూజికల్ హిట్ అవుతుందని విశ్వక్ సేన్ పదే పదే చెప్పడం చూస్తుంటే సంగీత దర్శకుడు జేక్స్ బెజోయ్ పనితనం ఓ రేంజ్ లో వచ్చినట్టు ఉంది. అక్టోబర్ 31 థియేటర్లలో అడుగు పెట్టబోతున్న మెకానిక్ రాకీలో ఊహించని కొన్ని ఎలిమెంట్స్ థ్రిల్ ఇస్తాయని ఇన్ సైడ్ టాక్. దర్శకుడు రవితేజ ముళ్ళపూడి టెక్నికల్ గా బాగా తెరకెక్కించారని అంటున్నారు. మీనాక్షి చౌదరి హీరోయిన్ గా నటిస్తున్న ఈ యాక్షన్ థ్రిల్లర్ లో నరేష్, సునీల్, హర్షవర్ధన్, హర్ష చెముడు తదితరులు కీలక పాత్రలు పోషించారు. ప్రస్తుతానికి పోటీ లేని మంచి డేట్ మెకానిక్ రాకీకి దొరికింది.
This post was last modified on July 28, 2024 6:00 pm
వైఎస్సార్ కాంగ్రెస్ పార్టీ ముఖ్య నేతల్లో ఒకరైన కొడాలి నానికి తెలుగుదేశం అన్నా, జనసేన అన్నా ఎంత కోపమో ప్రత్యేకంగా…
హైడ్రా కూల్చివేతలపై చాలామంది ప్రజలు తీవ్ర ఆగ్రహం వ్యక్తం చేస్తున్న సంగతి తెలిసిందే. మరికొంత మంది మాత్రం నాలాలపై, చెరువలు…
మాస్ రాజా రవితేజ కొత్త సినిమా ఇరుముడి తెలుగు రాష్ట్రాలతో పాటు తెలుగు వాళ్లుండే ప్రతి చోటా ఇరగాడేస్తోంది. తెలుగులో…
బాక్సాఫీస్ వద్ద వీర విహారం చేస్తున్న ఇరుముడి ఎక్కడికి వెళ్తుందో ఎవరికి అంతు చిక్కడం లేదు. పాజిటివ్ టాక్ రావడంలో…
అట్లీ దర్శకత్వంలో అల్లు అర్జున్ కొత్త సినిమా ‘రాకా’ మొదలైనపుడే అందరినీ ఆశ్చర్యానికి గురి చేసింది. సన్ పిక్చర్స్ ప్రొడక్షన్లో…
విశాఖపట్నంలో విద్యార్థులు చెలరేగిపోయారు. ప్రేమ వ్యవహారంలో రెండు గ్రూపులుగా విడిపోయి కర్రలు, రాడ్లు పట్టుకొని రోడ్డెక్కారు. సినిమా తరహాలో నడి…