డిజాస్ట‌ర్ మూవీతో యూట్యూబ్‌లో రామ్ మోత‌

టాలీవుడ్ యువ క‌థానాయ‌కుడు రామ్ ఇప్ప‌టిదాకా ప్రాప‌ర్ పాన్ ఇండియా మూవీ ఏదీ చేయ‌లేదు. కానీ అత‌డికి ఉత్త‌రాదిన ఫాలోయింగ్ మామూలుగా లేదు. రామ్ అంటే ఊగిపోయే ఫ్యాన్స్ ఉన్నారు నార్త్ ఇండియాలో. ఇదంతా యూట్యూబ్‌లో అత‌డి డ‌బ్బింగ్ సినిమాల మ‌హిమ‌. జియో రాక‌తో ఇంట‌ర్నెట్ చౌక‌గా మారాక నార్త్ ఇండియ‌న్ ఆడియ‌న్స్ యూట్యూబ్‌లో మ‌న మాస్ సినిమాల‌ను తెగ చూస్త‌న్న సంగ‌తి తెలిసిందే. దీంతో తెలుగులో పెద్ద పెద్ద డిజాస్టర్‌ మూవీస్‌కు కూడా హిందీలో కోట్ల కొద్దీ వ్యూస్ వ‌స్తున్నాయి. రామ్ సినిమాలు కూడా చాలానే అలా ఆద‌ర‌ణ పొందాయి.

తాజాగా రామ్ మూవీ స్కంద హిందీ వెర్ష‌న్ కూడా యూట్యూబ్‌లో అదిరిపోయే రెస్పాన్స్ తెచ్చుకోవ‌డం విశేషం. ఈ చిత్రానికి 100 మిలియ‌న్.. అంటే ప‌ది కోట్ల వ్యూస్ రావ‌డం విశేషం. అంతే కాక ఈ చిత్రం 11 ల‌క్ష‌ల లైక్స్ కూడా సంపాదించింది.

గ‌త ఏడాది విడుద‌లైన స్కంద మూవీ తెలుగులో పెద్ద డిజాస్ట‌ర్ అయిన సంగ‌తి తెలిసిందే. బోయ‌పాటి, రామ్ కాంబినేష‌న్ గురించి జ‌నాలు ఎంతో ఊహించుకున్నారు కానీ..లాజిక్ లేకుండా సిల్లీగా సాగిన మాస్ మూవీని ప్రేక్ష‌కులు ఏమాత్రం ఆద‌రించ‌లేదు. బాక్సాఫీస్ ద‌గ్గ‌ర డిజాస్ట‌ర్‌గా నిలిచిన ఈ సినిమా సోష‌ల్ మీడియాలో ట్రోల్ మెటీరియ‌ల్‌గా మారింది. ఐతే ఇలాంటి పేల‌వ‌మైన సినిమాలు ఎన్నో హిందీలో డ‌బ్ అయి కోట్ల‌ల్లో వ్యూస్ సంపాదించాయి.

ఇంకో విశేషం ఏంటంటే.. రామ్‌కు హిందీలో వ‌రుస‌గా ప‌దో ప‌ది కోట్ల వ్యూస్ సినిమా కావ‌డం విశేషం. దీని కంటే ముందు అత‌డి సినిమాలు తొమ్మిది హిందీలో అనువాద‌మై యూట్యూబ్‌లో ప‌దికోట్లు, అంత‌కంటే ఎక్కువ వ్యూస్ సాధించాయి. ఇలాగే మ‌రో యంగ్ హీరో బెల్లంకొండ శ్రీనివాస్ సినిమాల‌కు కూడా హిందీలో మంచి ఫాలోయిగ్ ఉంది. అత‌డి సినిమాలు కూడా చాలానే రికార్డు స్థాయిలో వ్యూస్ సాధించాయి.