ఊహించినట్టే మిస్టర్ బచ్చన్ విడుదల తేదీ ఆగస్ట్ 15 లాక్ చేస్తూ పీపుల్స్ మీడియా ఫ్యాక్టరీ అధికారిక ప్రకటన ఇచ్చింది. ఈ లీక్ గత వారం రోజులకు పైగానే చక్కర్లు కొడుతున్నప్పటికీ ప్రొడక్షన్ హౌస్ నుంచి కన్ఫర్మేషన్ లేకపోవడంతో అభిమానులు ఎదురు చూస్తూ వచ్చారు. పాట చిత్రీకరణ జరుగుతూ ఉండగానే ఈ అనౌన్స్ మెంట్ రావడం గమనార్హం. అసలు విశేషం ఇది కాదు. ఆగస్ట్ 14 సాయంత్రమే పెయిడ్ ప్రీమియర్లు వేసేందుకు నిర్ణయం తీసుకోవడం. మాములుగా రవితేజ సినిమాలకు ఇలా వేయడం చాలా అరుదు. గత కొన్నేళ్లలో ఎప్పుడూ జరగలేదు. ఇదే మొదటిసారని చెప్పాలి.
ఇలా చేయడం వెనుక తెలివైన స్ట్రాటజీ కనిపిస్తోంది. ఆగస్ట్ 15 విపరీతమైన పోటీ నెలకొంది. ముఖ్యంగా డబుల్ ఇస్మార్ట్ మూవీ మాస్ ఆడియన్స్ ని బలంగా టార్గెట్ చేసుకుంటోంది. ముందు రోజే మిస్టర్ బచ్చన్ షోలు వేయడం వల్ల తెల్లవారేలోపు టాక్ సులభంగా వెళ్ళిపోతుంది. ఇందులో రిస్క్ ఉన్నప్పటికీ కంటెంట్ మీద నిర్మాతలు మాములు నమ్మకంగా లేరు. రైడ్ రీమేక్ అయినప్పటికీ దర్శకుడు హరీష్ శంకర్ ఒరిజనల్ తో పోల్చి చూసినా ఇదే బాగుందనే రేంజ్ లో అలరిస్తానని హామీ ఇస్తున్నాడు. దానికి తోడు ప్రమోషనల్ కంటెంట్ ఆడియన్స్ కి బాగా రీచ్ అవుతోంది.
సో మిస్టర్ బచ్చన్ రాకతో ఇండిపెండెన్స్ డే బాక్సాఫిస్ హాట్ గా మారిపోయింది. విక్రమ్ తంగలాన్, ఆయ్, 35 చిన్న కథ కాదులతో పోటీ రసవత్తరంగా మారుతోంది. మొత్తం అయిదు సినిమాలల్లో నాలుగు టాలీవుడ్ స్ట్రెయిట్ మూవీస్ కావడం విశేషం. మరి థియేటర్ల సర్దుబాటు ఎలా చేస్తారో వేచి చూడాలి. ఇంత కాంపిటీషన్ గత కొన్ని వారాల్లో ఎప్పుడూ చూడలేదు. పుష్ప 2 ది రూల్ ఈ డేట్ వదులుకోవడం ఆలస్యం ఒక్కసారిగా అందరూ స్వాతంత్ర దినోత్సవం మీద పడ్డారు. ఏదైతేనేం సుదీర్ఘమైన వీకెండ్ లో సినీ ప్రియులకు షడ్రసోపేతమైన చిత్రాల విందు కనివిందు చేయబోతోంది.
This post was last modified on July 21, 2024 4:33 pm
ఎప్పుడో ఆరేళ్ళ క్రితం రిలీజైన సినిమా. ఓటిటిలో వచ్చేసి అక్కడా మిలియన్ల వ్యూస్ సాధించుకుంది. ఇప్పుడు కొత్తగా రీ రిలీజ్…
సెప్టెంబర్ నెల సగానికి పైనే అయిపోయింది. ఇకపై ఆకాశమే హద్దుగా గేమ్ ఛేంజర్ నాన్ స్టాప్ అప్డేట్స్ ఉంటాయని దిల్…
యూత్ హీరో సుహాస్ కొత్త సినిమా గొర్రె పురాణం ఇంకో నాలుగు రోజుల్లో విడుదల కానుంది. ట్రైలర్ కూడా వచ్చేసింది.…
జనసేన పార్టీ నాయకుడు, ప్రముఖ సినీ కొరియోగ్రాఫర్ జానీ మాస్టర్పై పార్టీ వేటు వేసింది. ఆయనను పార్టీ కార్యక్రమాలకు దూరంగా…
కొన్ని నెలల క్రితం లాల్ సలామ్ అనే సినిమా ఒకటొచ్చిందనే సంగతే చాలా మంది సగటు ప్రేక్షకులు మర్చిపోయి ఉంటారు.…
స్టార్ హీరోలు నటించిన సినిమాలకు పాజిటివ్ టాక్ వచ్చి భారీ వసూళ్లు సాధించడంలో ఆశ్చర్యం లేదు. కానీ చిన్న బడ్జెట్…