ఊహించినట్టే ప్రచారం జరిగినట్టే పుష్ప 2 ది రూల్ వాయిదా వార్త నిన్న రాత్రి అధికారికంగా రావడంతో అల్లు అర్జున్ అభిమానులు ఒక్కసారిగా డీలా పడ్డారు. ఆగస్ట్ 15 నుంచి డిసెంబర్ 6కి ఏకంగా నాలుగు నెలల గ్యాప్ తీసుకుని వెళ్లిపోవడం ఒకింత నిరాశకు గురి చేసింది. అయితే దీని వెనకున్న అయిదు ముఖ్యమైన కారణాలేంటో చూద్దాం. మొదటిది కీలకమైన టాకీ పార్ట్ బ్యాలన్స్. ఫహద్ ఫాసిక్ డేట్లు దొరకడంలో ఇబ్బందులు తలెత్తడం వల్ల అతనితో ఉన్న కాంబినేషన్ సీన్లు బాగా ఆలస్యమయ్యాయి. దీంతో అనుకున్న టైం కన్నా లేట్ గా వీటిని తెరెకెక్కించాల్సిన పరిస్థితి తలెత్తిందట.
రెండోది స్పెషల్ సాంగ్. ఇప్పటిదాకా బన్నీ సరసన నర్తించే హీరోయిన్ ఎవరో లాక్ కాలేదు. జాన్వీ కపూర్, త్రిప్తి డిమ్రి, దిశా పటాని అంటూ రకరకాల ఆప్షన్లు చూశారు కానీ వాళ్ళ నుంచి సానుకూల స్పందన రాలేదట. సో బెటర్ ఛాయస్ కోసం సుకుమార్ వేట కొనసాగుతూనే ఉంది. దేవిశ్రీ ప్రసాద్ ట్యూన్ అయితే సిద్ధంగా ఉంది. మూడో కారణం విఎఫ్ఎక్స్ పనులు. మొదటి భాగం కన్నా సీక్వెల్ లో విజువల్ ఎఫెక్ట్స్ కి చాలా స్కోప్ ఉంది. ఇది సుకుమార్ దగ్గరుండి చూసుకోవాల్సిన వ్యహవరం. గుడ్డిగా టీమ్ ని నమ్ముకుని వదిలేస్తే తేడా కొడుతుందని తెలిసే క్వాలిటీ కోసం ప్రతిదీ ఆయనే పర్వవేక్షించాల్సి ఉంటుంది.
నాలుగోది ఆర్టిస్టుల సమన్వయం. పుష్ప 2లో పెద్ద పెద్ద ఆర్టిస్టులున్నారు. రష్మిక మందన్న, ఫహద్ ఫాసిల్, ధనుంజయ, రావు రమేష్, సునీల్, అనసూయ, జగపతి బాబు ఇలా వీళ్లందరి డేట్లు అనుసంధానం చేస్తూ ఇతరులకు కాల్ షీట్లు ఇవ్వకుండా భారీ రెమ్యునరేషన్లు ఇచ్చి డేట్లు బ్లాక్ చేసుకోవడం తలకు మించి పనై కూర్చుంది. అయిదో కారణం సుకుమార్ రాజీపడని మనస్తత్వం. చిన్న సీన్ అయినా సరే తాను కోరుకున్నట్టు రాకపోతే మళ్ళీ షూట్ చేయడానికి వెనుకాడని టైపు. అలా కొంత భాగం రీ షూట్ గురైందని సమాచారం. ఏదైతేనేం మొత్తానికి అభిమానులు ఫీలయ్యేలా పుష్ప 2 దూరం జరిగిపోయింది.
This post was last modified on June 18, 2024 9:38 am
కూటమి పార్టీలు అధికారంలోకి వచ్చిన తర్వాత.. వైసీపీ నేతల అరాచకాలపై దృష్టి పెడుతున్న విషయం తెలిసిందే. గతంలో సర్కారు దన్ను…
డిప్యూటీ స్పీకర్- ఇదీ.. ఇప్పుడు దేశ రాజకీయాలను కుదిపేస్తోంది. ఈ పదవి విషయంలో ప్రతిపక్షాలు పట్టుబడుతున్నాయి. కాదు కాదు.. సంప్రదాయాలు…
తిరుమల శ్రీవారిని దర్శించుకునేందుకు ఏపీ రాజధాని అమరావతి రైతులు పాదయాత్రగా ముందుకు పయనమయ్యారు. దాదాపు 500 మంది రైతులు.. పాదయాత్రగా…
క్రికెట్…దీనికే జెంటిల్మెన్ గేమ్ అని మరో పేరు కూడా ఉంది. బ్రిటిష్ వాళ్ళు మొదలుపెట్టిన ఈ జెంటిల్మెన్ గేమ్ ప్రస్తుతం…
కాల మహిమ అంటే దీన్నే అంటారు. మొన్నటివరకు చంద్రబాబుకు సంబంధించిన ఏమైనా జరిగితే… జస్ట్ సానుభూతి వ్యక్తంచేయాలన్నా రాజకీయం అడ్డొచ్చే…
ఎల్లుండి విడుదల కాబోతున్న కల్కి 2898 ఏడి అడ్వాన్స్ బుకింగ్ ఆన్ లైన్ లో మొదలుపెట్టినప్పటికీ టికెట్లు దొరక్క సతమతమవుతున్న…