ఇంకో అయిదు రోజుల్లో ఎన్నికల ఫలితాలు వెలువడనున్న నేపథ్యంలో ఒక్కసారిగా వాతావరణంలో మార్పులు వచ్చేశాయి. ఎల్లుండి నుంచి ఎగ్జిట్ పోల్స్ హడావిడి మొదలైపోతుంది. ఎవరు గెలుస్తారనే దాని మీద లెక్కలేనన్ని అంచనాలు, కోట్లాది రూపాయల బెట్టింగులు జరిగిపోతున్నాయి. ప్రత్యేకించి అందరి దృష్టి పిఠాపురం మీదే ఉంది. పవన్ కళ్యాణ్ పోటీ చేస్తున్న స్థానం కావడంతో పాటు ఖచ్చితంగా గెలుస్తాడనే ధీమా జనసేన వర్గాలతో సమానంగా టీడీపీ శ్రేణులు కూడా వ్యక్తం చేయడంతో అభిమానులు ముందస్తు సంబరాలు చేసుకుంటున్నారు. జూన్ 4 హంగామా ఊహించడం కష్టం.
ఇదంతా పక్కనపెడితే పవన్ ఫ్యాన్స్ తమ బండ్లకు, కార్లకు పిఠాపురం ఎమ్మెల్యే గారి తాలూకా అంటూ వేయిస్తున్న రేడియం స్టిక్కర్లు ఏపీ మొత్తం ట్రెండ్ గా మారిపోయాయి. వీటిని తయారు చేసే దుకాణాల దగ్గర అభిమానులు క్యూలో నిలబడి మరీ చేయించుకుంటున్నారు. నిజానికి ఇలా చేయడం మోటార్ యాక్ట్ ప్రకారం తప్పు. రవాణా అధికారులు పట్టుకుంటే క్షణం ఆలస్యం చేయకుండా తీయించేస్తారు. ఇది తెలిసి కూడా వందలు వేలు ఖర్చు పెట్టడం విశేషం. ఈ వీడియోలు ఆన్ లైన్ చూసిన ఇతర కుర్రకారు అదే స్టయిల్ లో తమకూ కావాలంటూ షాపులకు పరుగులు పెడుతున్నారు.
ఇదంతా గమనిస్తున్న ఒక మీడియం రేంజ్ నిర్మాత వెంటనే ఎమ్మెల్యే గారి తాలూకా టైటిల్ ని రిజిస్టర్ చేయించే పనిలో ఉన్నట్టు సమాచారం. కథ, దర్శకుడు సిద్ధంగా లేకపోయినా రేపు పవన్ గెలిచాక ఈ పేరుకి డిమాండ్ వస్తుంది కాబట్టి సినిమా తీసినా తీయకపోయినా కేవలం పేరు లక్షల్లో సొమ్ములు తెచ్చేలా ఉంది. ఇప్పటికే పలువురు షార్ట్ ఫిలిం మేకర్స్ ఎమ్మెల్యే గారి తాలూకా అంటూ చేసిన పొట్టి వీడియోలు వైరలవుతున్నాయి. ప్రభుత్వ ఆఫీసులో పని జరక్కపోతే పిఠాపురం పేరు వాడేసుకున్న వైనం అందులో చూపిస్తున్నారు. దగ్గరలో సినిమా వచ్చినా ఆశ్చర్యపోనక్కర్లేదు.
This post was last modified on May 30, 2024 4:01 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…