ఒకేవారంలో రెండుసార్లు అనిరుధ్ రవిచందర్ టాక్ అఫ్ ది మీడియాగా మారాడు. దేవర ఫియర్ సాంగ్ గురించి సినీ వర్గాల్లో పెద్ద చర్చే జరిగింది. మొదట విన్నప్పుడు అర్థం కాలేదని, జూనియర్ ఎన్టీఆర్ కన్నా అతనే వీడియోలో ఎక్కువ హైలైట్ అయ్యాడని ఇలా ఏవేవో కామెంట్లు వినిపించాయి. అలా చేయడం మొదటి నుంచి అలవాటే అయినా దేవర మీదున్న అంచనాల కారణంగా ప్రతిదీ భూతద్దంలో కనిపిస్తోంది. ఫీడ్ బ్యాక్ ఎలా ఉన్న ఫియర్ సాంగ్ క్రమంగా హీరోలు, రాజకీయ నాయకులు, క్రికెటర్ల అభిమానులకు మంచి వాడకం పాటగా మారిపోయిన వైనం సోషల్ మీడియాలో నడుస్తోంది.
నిన్న భారతీయుడు నుంచి శౌర పాట రిలీజయ్యింది. విపరీతమైన వాయిద్యాల హోరు లేకుండా శంకర్ ఆలోచనలకు అనుగుణంగా దేశభక్తిని రంగరించి సేనాపతి వ్యక్తిత్వాన్ని వర్ణించే రీతిలో అనిరుధ్ కంపోజ్ చేయడం ఏఆర్ రెహమాన్ ని గుర్తు చేస్తోందని మ్యూజిక్ లవర్స్ అభిప్రాయపడుతున్నారు. అంతే కాదు ఇలాంటి కీలకమైన డబ్బింగ్ పాటలకు రెహమాన్ వేటూరి, సీతారామశాస్త్రి లాంటి పెద్ద రచయితలతో గీతరచన చేయించేవారు. శౌరకు జాతీయ అవార్డు గ్రహీత సుద్దాల అశోక్ తేజతో సాహిత్యాన్ని రాయించడం చాలా పెద్ద ప్లస్ అవుతోంది. గంభీరమైన పదాలు పడ్డాయి.
ఎలా చూసుకున్నా కమల్ హాసన్ కోసం తన రెగ్యులర్ శైలిని పక్కనపెట్టి అనిరుద్ రవిచందర్ పూర్తిగా శంకర్ స్టూడెంట్ గా మారిపోయాడని అనిపిస్తోంది. జూలై 12 విడుదల కాబోతున్న భారతీయుడు 2కి ఇది మొదటి ప్రమోషన్ కావడంతో బలమైన ఎమోషన్ ఉన్న ఈ పాటని మేకర్స్ రిలీజ్ చేశారు. కాజల్ అగర్వాల్, సిద్దార్థ్, రకుల్ ప్రీత్ సింగ్, ఎస్ జె సూర్య, బ్రహ్మానందం తదితరులు ఇతర కీలక పాత్రలు పోషించిన భారతీయుడు 2కి ముందు రెహమాన్ కాకుండా అనిరుద్ ని తీసుకోవడం మీద అనుమానాలు రేగాయి కానీ చూస్తుంటే మెల్లగా వాటికి స్పష్టత వచ్చేలా ఉంది.
This post was last modified on May 23, 2024 4:29 pm
నందమూరి మోక్షజ్ఞ పుట్టినరోజు కం డెబ్యూ సినిమా లాంచ్ సందర్భంగా విడుదల చేసిన ఫస్ట్ లుక్ ని షేర్ చేసుకుంటూ…
తమ అభిమాన కథానాయకుడి సినిమాకు సంబంధించి అనౌన్స్మెంట్ దగ్గర్నుంచి తరచుగా అప్ డేట్స్ ఆశిస్తారు అభిమానులు. వాళ్లు కోరుకున్నట్లుగా రెగ్యులర్…
టాలీవుడ్ యంగ్ హీరో రాజ్ తరుణ్ వ్యక్తిగత జీవితానికి సంబంధించిన ఓ వివాదం కొన్ని వారాల పాటు చర్చనీయాంశం అయిన…
విజయవాడకు ఏ కష్టం వచ్చినా.. ప్రభుత్వాల కంటే కూడా ముందుగా స్పందించే కుటుంబం ఏదైనా ఉంటే అది వంగవీటి ఫ్యామిలీనే.…
వరద బాధితులకు సాయం చేయడంలో మంత్రులు పడుతున్న కష్టం ఒక్కొక్కరిది ఒక్కొక్క రకంగా ఉం ది. రాజకీయంగా దూకుడు ఉండే…
బాలీవుడ్ లేటెస్ట్ బ్లాక్ బస్టర్ స్త్రీ 2 అతి తక్కువ కాలంలో 500 కోట్ల మైలురాయి దాటిన సినిమాగా కొత్త…