సినిమాలకు సంబంధించి కొన్ని డేట్లు చరిత్రలో ప్రత్యేక స్థానం సంపాదించుకుంటాయి. వాటి ప్రస్తావన వచ్చినప్పుడంతా అభిమానులు పాత జ్ఞాపకాల్లో మునిగి తేలిపోతారు. అలాంటి వాటిలో మే 9 చాలా స్పెషల్. నిజానికి కల్కి 2898 ఏడిని ఈ రోజు రిలీజ్ చేయాలని నిర్మాత అశ్వినీదత్ చాలా బలంగా సంకల్పించుకున్నారు. కానీ ఎన్నికల హడావిడితో పాటు పోస్ట్ ప్రొడక్షన్ ఆలస్యం కావడంతో ఇష్టం లేకపోయినా వదులుకోక తప్పలేదు. ఒకవేళ సవ్యంగా అన్నీ ప్లాన్ చేసుకున్నట్టు జరిగి ఉంటే ఇవాళ ప్రపంచవ్యాప్తంగా కొన్ని వేల థియేటర్లు కల్కి ప్రభంజనంలో కిక్కిరిసిపోయిన జనంతో ఉండేవి.
మే 9 గురించి ముందుగా చెప్పుకోవాల్సింది ‘జగదేకవీరుడు అతిలోకసుందరి’ సంచలనం. 1990 ఉమ్మడి తెలుగు రాష్ట్రాన్ని వరదలు ముంచెత్తినప్పుడు దీనికొచ్చిన వసూళ్ల సునామి గురించి ఇప్పటికీ వైజయంతి టీమ్ కథలుగా చెబుతుంది. కీర్తి సురేష్ లోని నటనా పటిమ ద్వారా సావిత్రిని మళ్ళీ తెరమీద బ్రతికించిన ‘మహానటి’ వచ్చింది ఈ రోజే. నాగఅశ్విన్ ప్రతిభ ఆబాలగోపాలాన్ని అలరించింది. కమల్ హాసన్ ‘భారతీయుడు’ కేవలం తమిళంలోనే కాదు తెలుగు, హిందీలోనూ రికార్డులు సాధించడానికి పునాది పడింది ఈ రోజే. ఫ్లాపుల్లో ఉన్న నాగార్జునకు ‘సంతోషం’ చేకూర్చిన దినంగా ఫ్యాన్స్ గుర్తు పెట్టుకుంటారు.
చిరంజీవి మాస్ ఇమేజ్ ఇంకా పైకి తీసుకెళ్లిన మాస్ ఫ్యామిలీ బ్లాక్ బస్టర్ ‘గ్యాంగ్ లీడర్’ గురించి ఎంత చెప్పినా తక్కువే. రైతులకు మనవంతుగా ఏదైనా చేయాలనే సందేశం మహేష్ బాబుతో వంశీ పైడిపల్లి తీసిన ‘మహర్షి’ ఎంత సూపర్ హిట్టో తెలిసిందే. టాలీవుడ్ కు ఫ్యాక్షన్ విలనిజం పరిచయం ‘ప్రేమించుకుందాం రా’ తర్వాత దాని స్ఫూర్తితో ఎన్ని బ్లాక్ బస్టర్లు వచ్చాయో లెక్క చెప్పడం కష్టం. ఇలా ఎన్నో మరపురాని విజయాలను తెలుగు సినిమాకిచ్చిన మే 9 అంటే మూవీ లవర్స్ కే కాదు నిర్మాతలకూ ప్రత్యేక మక్కువ. ఈ తేదీకి ఫ్లాపులు లేవని కాదు కానీ తిరుగులేని సక్సెస్ రేట్ ప్రత్యేకంగా నిలిపింది.
This post was last modified on May 9, 2024 3:31 pm
కుప్పం నియోజకవర్గం చంద్రబాబు నాయుడుకు పెట్టని కోట. 1983లో తెలుగుదేశం పార్టీ ఏర్పాటు చేసిన తర్వాత ఇక్కడ టీడీపీ తప్ప…
ఏపీలో ఎన్నికల పోలింగ్ అనంతరం చెలరేగిన హింసాత్మక ఘటనలను నిలువరించలేక పోయిన.. ఉన్నతాధికారులపై(ఒక జిల్లా కలెక్టరు, ముగ్గురు ఎస్పీలు) వేటు…
ఇంకా షూటింగ్ కాదు కదా కనీసం పూజా కార్యక్రమాలు కూడా జరగని మహేష్ బాబు - రాజమౌళి సినిమా తాలూకు…
ఏపీ సీఎం జగన్ కుటుంబ సమేతంగా విహార యాత్రకు వెళ్లిన విషయం తెలిసిందే. సతీమణి వైఎస్ భారతి, కుమార్తెలు హర్ష,…
మన కల్కి 2898 ఏడిలాగే తమిళంలోనూ విపరీతమైన జాప్యానికి గురవుతున్న ప్యాన్ ఇండియా మూవీ కంగువ. సిరుతై శివ దర్శకత్వంలో…
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…