Movie News

ఇక ఆశ‌ల‌న్నీ ఆ సినిమా పైనే..

ప్ర‌స్తుతం వ‌ర‌ల్డ్ నంబ‌ర్ వ‌న్ డైరెక్ట‌ర్ అన‌ద‌గ్గ క్రిస్టోఫ‌ర్ నోల‌న్ కొత్త సినిమా టెనెట్‌పై విడుద‌ల‌కు ముందు ఏ స్థాయి అంచ‌నాలున్నాయో తెలిసిందే. ఐతే ప్ర‌పంచ‌వ్యాప్తంగా సినిమాల‌కు రోజులు బాలేని క‌రోనా టైంలో ధైర్యం చేసి గ‌త నెల‌లో ఈ చిత్రాన్ని విడుద‌ల చేశారు. కానీ ఈ ప్ర‌య‌త్నం బెడిసికొట్టింది. సినిమాకు మంచి టాక్ వ‌చ్చినా బాక్సాఫీస్ ద‌గ్గ‌ర ఆశించిన ఫ‌లితం రాలేదు.

నెల రోజుల్లో ఆ సినిమా 205 మిలియ‌న్ డాల‌ర్లు మాత్ర‌మే రాబ‌ట్టింది. బ్రేక్ ఈవెన్ కావాలంటే ఇంకా 50 మిలియ‌న్ డాల‌ర్ల దాకా వ‌సూళ్లు కావాల్సిన ప‌రిస్థితి. మామూలు రోజుల్లో అయితే ఇప్ప‌టి వ‌సూళ్ల‌కు మూడు రెట్లు వ‌చ్చేవేమో. టెనెట్ రిజ‌ల్ట్ చూశాక ప్ర‌పంచ‌వ్యాప్తంగా పేరున్న సినిమాల విడుద‌ల విష‌యంలో వెనుకంజ వేసే ప‌రిస్థితి వ‌చ్చింది. బాక్సాఫీస్ ప‌రిస్థితి ఎప్పుడు మారుతుందా అన్న ఆందోళ‌న నెల‌కొంది.

అయినా స‌రే.. మ‌రో భారీ చిత్రం వ‌ర‌ల్డ్ వైడ్ రిలీజ్‌కు రెడీ అవుతోంది. అది జేమ్స్ బాండ్ సిరీస్‌లోని సినిమా కావ‌డం విశేషం. ఈ ఏడాది ప్ర‌థ‌మార్ధంలోనే రావాల్సిన బాండ్ మూవీ నో టైం టు డైను నవంబ‌రులో రిలీజ్ చేయాల‌నుకుంటున్నారు. తాజాగా ఒక పోస్ట‌ర్ ద్వారా ఈ విష‌యాన్ని ధ్రువీక‌రించారు. మ‌రి ఈ సినిమా అయినా వ‌ర‌ల్డ్ బాక్సాఫీస్‌కు ఊపు తెస్తుందా అని సినీ ప్రియులు చూస్తున్నారు. ఇది బాండ్ సిరీస్‌లో 25వ సినిమా.

2006లో ‘క్యాసినో రాయల్’తో బాండ్ అవ‌తారం ఎత్తి.. ఆ తర్వాత ‘క్వాంటమ్ ఆఫ్ సోలెస్’, ‘స్కై ఫాల్’, ‘స్పెక్టర్’ సినిమాల్లో బాండ్‌గా కనిపించిన డేనియ‌ల్ క్రెయిగ్‌కు ఆ పాత్ర‌లో ఇదే చివ‌రి సినిమా కావ‌చ్చు. ఎందుకంటే అత‌ను స్పెక్ట‌ర్‌తోనే బాండ్ సినిమాల‌కు గుడ్ బై చెప్పాల‌నుకున్నాడు. కానీ నిర్మాత‌ల బ‌ల‌వంతంతో ఇంకో సినిమా చేశాడు. నో టైం టు డై సినిమా కోసం క్రెయిగ్ దాదాపు రూ.600 కోట్లు పారితోషకంగా తీసుకున్నట్లు సమాచారం. ముందు ఈ చిత్రానికి ‘స్లమ్ డాగ్ మిలియనీర్’ ఫేమ్ డానీ బోయెల్‌ను దర్శకుడిగా అనుకున్నారు కానీ.. ఆ తర్వాత అతడి స్థానంలోకి కేరీ జోజి వచ్చాడు. అత‌నే సినిమాను తెర‌కెక్కించాడు.

This post was last modified on September 17, 2020 12:31 pm

Share

Recent Posts

ఐపీఎల్‌తో ధోని మొత్తం ఆదాయం ఎంత?

ఐపీఎల్‌లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…

10 minutes ago

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

3 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

3 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago