దర్శకధీర రాజమౌళి, యంగ్ టైగర్ జూనియర్ ఎన్టీఆర్ మధ్య ఎంత బంధం ఉందో చాలాసార్లు బయటపడిందే అయినా ప్రతిసారి కొత్తగా అనిపించేలా చేయడం ఈ జంట ప్రత్యేకత. నిన్న జరిగిన కృష్ణమ్మ ప్రీ రిలీజ్ ఈవెంట్ కు అతిథిగా వచ్చిన జక్కన్న యాంకర్ అడిగిన ప్రశ్నకు సమాధానంగా తనకు తారక్ స్నేహితుడు కాదని తమ్ముడని చెప్పడం ఒక్కసారిగా ఫ్యాన్స్ లో రెట్టింపు ఉత్సాహం తెచ్చింది. దీనికి కారణం లేకపోలేదు. రాజమౌళి డెబ్యూ స్టూడెంట్ నెంబర్ వన్ తో పాటు మొదటి ఇండస్ట్రీ హిట్ సింహాద్రి రెండింట్లోనో హీరో కావడం నుంచి ఈ ఫ్రెండ్ షిప్ బలపడుతూ వచ్చింది.
దాని తర్వాత యమదొంగ రూపంలో మరింత పైకెక్కింది. ఆర్ఆర్ఆర్ మల్టీస్టారర్ లో నాలుగోసారి ఈ కాంబో చేతులు కలిపింది. పలు సందర్భాల్లో రాజమౌళి మాట్లాడుతూ మహాభారతం తీయాలనేది నా కలని, జూనియర్ ఎన్టీఆర్ ని సుయోధనుడి లాంటి శక్తివంతమైన పాత్రలో చూపించాలని ఆశ పడుతున్నట్టు చెప్పుకొచ్చిన వీడియోలు యూట్యూబ్ లో ఉన్నాయి. అయితే ఇప్పటిదాకా అది నెరవేరలేదు కానీ భవిష్యత్తులో జరిగే అవకాశాన్ని కొట్టి పారేయలేం. అదే జరిగితే కనక ఒక గొప్ప విజువల్ గ్రాండియర్ ని తెరమీద చూసే అదృష్టం ఇప్పటి తరం ప్రేక్షకులకు కలుగుతుంది.
నిర్మాతలు సాహు గారపాటి, శోబు యార్లగడ్డ గురించి ప్రత్యేకంగా ప్రస్తావించిన రాజమౌళి మహేష్ బాబు అప్డేట్ అడిగినందుకు అనిల్ రావిపూడిని స్టేజి మీద ర్యాగింగ్ చేయడం పేలింది. ఎవరైనా అతన్ని ముసుగేసి కొడితే పది వేల రూపాయలు ఇస్తానని చెప్పడం నవ్వులు పూయించింది. మొత్తానికి స్టార్ దర్శకుల కలయికతో సీతమ్మ వేడుక గ్రాండ్ గా జరిగింది. సత్యదేవ్ హీరోగా రూపొందిన ఈ ఇంటెన్స్ డ్రామాకు కొరటాల శివ సమర్పకుడిగా వ్యవహరించడంతో క్రమంగా హైప్ పెరుగుతోంది. మే 3నే రావాల్సి ఉన్నా ప్రమోషన్ల కోసం ఒక వారం వాయిదా వేసి మే 10 ప్రేక్షకుల ముందుకు తీసుకొస్తున్నారు.
This post was last modified on May 2, 2024 12:36 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…