అందరికీ ముందే లీకైపోయిన కల్కి 2898 ఏడి విడుదల తేదీని జూన్ 27 ప్రకటించడం ఆశ్చర్యం కలిగించలేదు కానీ వేసవి సెలవులన్నీ పూర్తయ్యాక వచ్చే ఇలాంటి డ్రై డేట్ ని ఎందుకు ఎంచుకున్నారనే అనుమానం అభిమానుల్లో లేకపోలేదు. అయితే ఇది ఆషామాషీగా తీసుకున్న నిర్ణయం కాదు. బోలెడు మేధోమథనం జరిగింది. అదెలాగో చూద్దాం. మే నెల దాదాపుగా వచ్చేసింది కాబట్టి ప్రమోషన్లకు టైం సరిపోని కారణంగా దీన్ని ఎంచుకోవడానికి లేదు. పైగా మే 13 ఎన్నికలు జరిగే వరకు ఆ మూడ్ నుంచి ప్రేక్షకులు బయటికి రారు. దేశమంతా దాదాపు ఇదే పరిస్థితి నెలకొంది.
జూన్ మొదటి రెండు వారాల్లో ఏదో ఒక డేట్ కి ఖచ్చితంగా భారతీయుడు 2 వచ్చేస్తుంది. ఇంకా ప్రకటించలేదు కానీ దర్శకుడు శంకర్ చివరి దశ పనుల్లో అవ్వగానే గ్రీన్ సిగ్నల్ ఇచ్చేస్తారు. లైకా సంస్థ ఆల్రెడీ ఎగ్జిబిటర్లతో 13వ తేదీకి ఒప్పందాలు చేసుకుంటున్నట్టు చెన్నై టాక్. సో రెండు సినిమాల్లో కమల్ హాసన్ ఉన్నారు కాబట్టి వీటి మధ్య కనీస గ్యాప్ అవసరం. అందుకే జూన్ 27 మంచి ఆప్షన్ అవుతుంది. పైగా జనవరి నుంచి లెక్కేసుకుంటే సంక్రాంతి నుంచి ఇప్పటిదాకా గర్వంగా చెప్పుకునే ప్యాన్ ఇండియా మూవీ ఏదీ రాలేదు. ఉత్తరాదిలో బడేమియా చోటేమియా లాంటివి ఘోరంగా బోల్తా పడ్డాయి.
హాలిడేస్ అయ్యాయనే ఇబ్బంది లేదు. ఎందుకంటే ప్రభాస్ సినిమా ఎప్పడు వచ్చినా టాక్ పాజిటివ్ గా ఉంటే చాలు వసూళ్ల వరద ఖాయం. నెగటివ్ ట్రోలింగ్ కు గురైన ఆదిపురుష్ ఇదే జూన్ లో వచ్చి మూడు వందల కోట్లకు పైగా రాబట్టింది. బాహుబలి 1 బిగినింగ్ రిలీజయ్యింది జూలై 10న. ఎంత చరిత్ర సృష్టించిందో తెలిసిందే. ఇప్పుడొచ్చే కల్కి దాని కన్నా కేవలం రెండు వారాలు ఆలస్యంగా వస్తోంది అంతే. సో సెలవులను క్యాష్ చేసుకోలేదనే ఇబ్బంది ఉండదు. పైగా ఆలోగా ఏపీలో కొత్త ప్రభుత్వం ఏర్పడి ఉంటుంది కాబట్టి టికెట్ ధరల పెంపుకు సంబంధించిన వ్యవహారాలు ప్రశాంతంగా చూసుకోవచ్చు.
This post was last modified on April 28, 2024 11:57 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…