గత ఏడాది దాస్ కా ధమ్కీ ఆశించిన స్థాయిలో గొప్ప ఫలితాన్ని ఇవ్వకపోయినా ఈ సంవత్సరం గామి విశ్వక్ సేన్ లోని నటుడిని ఇంకా మెరుగ్గా పరిచయం చేయడంతో పాటు కమర్షియల్ గానూ గట్టెక్కడం ఫ్యాన్స్ ని సంతోషంలో ముంచెత్తింది. ఈ నేపథ్యంలో మే 17 రాబోతున్న గ్యాంగ్స్ అఫ్ గోదావరి మీద అంచనాలు క్రమంగా పెరుగుతున్నాయి. గత డిసెంబర్ నుంచి వాయిదా పడుతూ వచ్చిన ఈ విలేజ్ డ్రామాకు రౌడీ ఫెలో – చల్ మోహనరంగ ఫేమ్ కృష్ణ చైతన్య దర్శకుడు. టిల్లు స్క్వేర్ హిట్ తో జోరు మీదున్న సితార నిర్మాణంలో రూపొందింది. ఇవాళ హైదరాబాద్ లో టీజర్ లాంచ్ చేశారు.
పచ్చని గోదావరి ప్రాంతంలో పగలు రాజ్యమేలిన కాలమది. ఒక్కసారి కత్తి పట్టినోడు దానికే బలి కావాలనే మనస్తత్వాలు రక్తపాతం సృష్టిస్తాయి. మంచోడనే చెడ్డ పేరు నాకొద్దని తిరిగే ఓ యువకుడి (విశ్వక్ సేన్) కి స్వంత వాళ్లే శత్రువులు అవుతారు. దీంతో అమ్మోరు పూనినట్టు ఓ రాత్రి విలయతాండవం చేసి తెగ నరకడం మొదలు పెడతాడు. అసలు అక్కడ ముఠా కక్షలకు పునాది వేసింది ఎవరు, హాయిగా గడిచే జీవితాల్లో ఇందుకు అలజడి మొదలయ్యింది లాంటి ప్రశ్నలకు సమాధానం తెరమీద చూడమంటున్నారు. ట్రైలర్ కాదు కాబట్టి ఎక్కువ కంటెంట్ రివీల్ కాకుండా జాగ్రత్త తీసుకున్నారు.
పక్కా పల్లెటూరి ఊర మాస్ పంచెకట్టు, మీసకట్టుతో విశ్వక్ సేన్ కొత్తగా ఉండటమే కాదు పాత్ర డిమాండ్ చేసిన మేరకు వయోలెంట్ వేరియేషన్స్ చూపించినట్టు శాంపిల్స్ చూస్తేనే అర్థమైపోతోంది. రంగస్థలం తర్వాత ఆ స్థాయి డెప్త్ ఉన్న కంటెంట్ మళ్ళీ ఇందులో కనిపిస్తోంది. యువన్ శంకర్ రాజా బ్యాక్ గ్రౌండ్ స్కోర్ సన్నివేశాల్లోని ఘాడతని పెంచగా అనిత్ మదాడి ఛాయాగ్రహణం విజువల్స్ ని రిచ్ గా చూపిస్తోంది. నేహా శెట్టి, అంజలి, సాయికుమార్, నాజర్, గోపరాజు రమణ, పృథ్వి, ప్రవీణ్ ఇలా క్యాస్టింగ్ పెద్దదే ఉంది కానీ చూపలేదు. ఇలాంటి మాస్ బొమ్మ చూసి బాగా గ్యాప్ వచ్చేసింది. సో గ్యాంగ్స్ అఫ్ గోదావరికిది బంగారం లాంటి అవకాశం.
This post was last modified on April 27, 2024 5:44 pm
తెలంగాణలో ఎన్నికల బరిలో లేకున్నా తెలుగుదేశం పార్టీకి అక్కడ గిరాకీ తగ్గడం లేదు. గత శాసనసభ ఎన్నికల్లో తమకు మద్దతు…
తెలుగుదేశం, జనసేన మధ్య పొత్తు కుదురకూడదని వైసీపీ ఎంత బలంగా కోరుకుందో తెలిసిందే. కానీ అది జరగలేదు. పైగా ఈ…
గుట్టుచప్పుడు కాకుండా సైలెంట్ గా మొదలైపోయిన బాలీవుడ్ రామాయణం చుట్టూ మెల్లగా వివాదాలు మొదలయ్యాయి. తాజాగా నిర్మాత మధు మంతెన…
లవ్ స్టోరీ తర్వాత నాగ చైతన్య సాయిపల్లవి కలిసి నటిస్తున్న తండేల్ ఈ ఏడాది డిసెంబర్ 20 విడుదల కాబోతున్న…
మహబూబ్ నగర్, మల్కాజ్ గిరి, నాగర్ కర్నూలు. తెలంగాణలో ఉన్న ఈ మూడు లోక్ సభ స్థానాలలో కాంగ్రెస్ పార్టీ…
మంచు విష్ణు ఎంతో ప్రతిష్టాత్మకంగా ప్యాన్ ఇండియా రేంజ్ లో నిర్మిస్తున్న కన్నప్ప షూటింగ్ లో ప్రభాస్ అడుగు పెట్టాడు.…