వచ్చే వారం ది కేరళ స్టోరీ 2 విడుదల కానుంది. మూడేళ్ళ క్రితం వచ్చిన మొదటి భాగం ఎంత సంచలనం రేపిందో తెలిసిందే. ఒక సామజిక వర్గాన్ని కించపరిచేలా ఉద్దేశపూర్వకంగా అజెండా సినిమా తీశారని తీవ్ర వ్యతిరేకత ఎదురైనా, ఎట్టకేలకు థియేటర్లలో అడుగు పెట్టి బ్లాక్ బస్టర్ సాధించింది. మూడు వందల కోట్ల దాకా వసూలు చేయడం ఒక రికార్డు.
ఇప్పుడు దాని కొనసాగింపు కేరళ 2 స్టోరీ వచ్చే వారం ఫిబ్రవరి 27 విడుదలకు కానుంది. కథ ఇంచుమించు పార్ట్ 1 లాగా అనిపిస్తుండగా ఈసారి కూడా కాంట్రవర్సీ తీవ్రంగా వచ్చేలా ఉంది. కేరళ ముఖ్యమంత్రి పినరయి విజయన్ ఇప్పటికే తమ రాష్ట్రంలో నిషేధించే దిశగా సంకేతాలు ఇచ్చారు.
తెలుగు డబ్బింగ్ కూడా అదే రోజు రిలీజ్ కానుంది. వివాదాస్పదం అనిపించే అంశాలు చాలానే కనిపిస్తున్నాయి. అయితే జన నాయకుడుకి అన్ని అభ్యంతరాలు, అడ్డంకులు చెప్పిన సెన్సార్ బోర్డుకి ఇప్పుడు కేరళ స్టోరీ 2 క్లీన్ గా కనిపిస్తోందా అంటూ పలువురు నెటిజన్లు కామెంట్లు గుప్పిస్తున్నారు.
దర్శకుడు కామాఖ్య నారాయణ్ సింగ్ ప్రస్తుతం దీని గురించి స్పందించడం లేదు. నిర్మాత విపుల్ అమృత్ లాల్ షా మాత్రం సెన్సార్ క్లియరెన్స్ పట్ల ధీమాగా ఉన్నారట. ఉన్న నిజాలే చూపించామని, ఎవరినీ కించపరిచే ఉద్దేశం లేదని అంటున్నారు. ఫస్ట్ పార్ట్ తీసిన దర్శకులు సుదిప్తో సేన్ ఈసారి సీక్వెల్ బాధ్యతలు తీసుకోలేదు.
టైటిల్స్ కే అభ్యంతరాలు వ్యక్తమవుతున్న టైంలో కేరళ స్టోరీ 2 నిజంగా అంత ఈజీగా థియేటర్లు వస్తోందంటే ఆశ్చర్యం కలిగించే విషయమే. ఇదంతా ముందే గుర్తించిన మేకర్స్ షూటింగ్ జరుగుతున్న టైంలో ఎక్కువ హడావిడి చేయకుండా సైలెంట్ గా పూర్తి చేశారు.
కేవలం పది రోజుల ముందు ట్రైలర్ రిలీజ్ చేసి తక్కువ టైంలో పబ్లిసిటీ చాలనుకుని థియేటర్లకు తీసుకొస్తున్నారు. మూడు సంవత్సరాల వెనుకటి తరహాలో ఇప్పుడు కూడా ఆడేసి వెళ్లిపోతుందా లేక ఇంకేమైనా కొత్త వివాదాలు చుట్టుముడతాయా అనేది వేచి చూడాలి. ప్రతిపక్షంలో ఉన్న కాంగ్రెస్ కూడా కేరళ 2 పట్ల అబ్జెక్షన్ వ్యక్తం చేస్తోంది.
This post was last modified on February 19, 2026 4:38 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…