విభిన్నమైన కథలు ఎంచుకుంటాడని పేరున్న నారా రోహిత్ ఆ మధ్య కొంత గ్యాప్ ఇచ్చినా ఈ సంవత్సరం బ్యాక్ టు బ్యాక్ సినిమాలతో వస్తున్నాడు. వచ్చే వారం ఏప్రిల్ 25 విడుదల కాబోతున్న ప్రతినిథి 2 మీద ఇప్పటికే మంచి అంచనాలు నెలకొన్నాయి. వర్తమాన రాజకీయాల మీద సెటైర్లతో పాటు సామజిక సందేశాన్ని కూడా జోడించారట. టీవీ 5 మూర్తి దర్శకుడిగా పరిచయమవుతున్నాడు. ఇదిలా ఉండగా దీనికి పూర్తిగా విరుద్ధమైన జానర్ లో సెప్టెంబర్ 5న సుందరకాండతో రాబోతున్నాడు రోహిత్. ఈ టైటిల్ కు విక్టరీ వెంకటేష్ ఫ్యాన్స్ కి మంచి ఎమోషనల్ కనెక్షన్ ఉంది.
1992లో కె రాఘవేంద్రరావు డైరెక్షన్ లో సుందరకాండ వచ్చింది. ఒక స్టూడెంట్ పాఠాలు చెప్పే టీచర్ ని ప్రేమిస్తే ఎలా ఉంటుందనే పాయింట్ తో రూపొంది సూపర్ హిట్ దక్కించుకుంది. కీరవాణి పాటలు, వెంకీ మీనాల జోడి, కామెడీతో సమానంగా పండిన ఎమోషన్ వెరసి ఎప్పటికి మర్చిపోలేని క్లాసిక్ గా నిలిపాయి. ఆ తర్వాత ఛార్మీతో బాపుగారు ఇంకో సుందరకాండ తీశారు కానీ అది మాత్రం ఫెయిలయ్యింది. ఎంతగా అంటే సాధారణ ప్రేక్షకులకు అదొకటి వచ్చిందన్న సంగతే గుర్తు లేనంతగా. సో ఈ పేరు అలా వెంకటేష్ బ్రాండ్ మీద ఆడియన్స్ మైండ్ లో ఉండిపోయింది.
ఇవాళ వదిలిన సుందరకాండ ప్రీ టీజర్ ని డిఫరెంట్ గా చూపించడం బాగుంది. టాలీవుడ్ లో వచ్చిన క్లాసిక్ లవ్ స్టోరీస్ ఖుషి, ఆర్య, గీతాంజలి, బొమ్మరిల్లు, ఏ మాయ చేశావేలను ఉదాహరణగా చెబుతూ వాటికి భిన్నంగా మా సిద్దు ప్రేమకథ ఉంటుందని రోహిత్ తో చెప్పించడంలో క్రియేటివిటీ చూపించారు. వెంకటేష్ నిమ్మలపూడి దర్శకుడిగా పరిచయమవుతున్న సుందరకాండలో పెద్ద క్యాస్టింగే ఉంది. లియోన్ జేమ్స్ సంగీతం సమకూరుస్తున్నాడు. గుట్టుచప్పుడు కాకుండా షూటింగ్ జరుపుకుంటున్న ఈ లవ్ ఎంటర్ టైనర్ తో మళ్ళీ సోలో తరహా విజయం రోహిత్ అందుకుంటాడేమో చూడాలి.
This post was last modified on April 17, 2024 9:24 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…