శనివారం జియో సినిమాలో హనుమాన్ హిందీ వెర్షన్ ఓటిటి స్ట్రీమింగ్ మొదలుపెట్టడం ఆలస్యం ఒక్కసారిగా ఆ యాప్ కి వ్యూయర్స్ తాకిడి అమాంతం పెరిగిపోయింది. ఎదురు చూసే కొద్దీ ఒరిజినల్ తెలుగు ప్రింట్ అందుబాటులోకి రాకపోవడం పట్ల అభిమానులు సోషల్ మీడియా వేదికగా అసహనం వ్యక్తం చేసిన సంగతి తెలిసిందే. దీంతో వెంటనే అల్రెర్ట్ అయిపోయిన జీ5 సంస్థ హడావిడిగా ఆదివారం తెల్లవారకుండానే తెలుగు వెర్షన్ పెట్టేసింది. ఇప్పుడు అసలు ట్విస్టు విషయానికి వద్దాం. హిందీలో 2 గంటల 38 నిముషాలు ఉన్న హనుమాన్ తెలుగులో మాత్రం 2 గంటల 30 నిమిషాలే ఉన్నాడు.
దీంతో ఏదో ఎపిసోడ్ కట్ అయ్యిందని మూవీ లవర్స్ తెగ ఖంగారు పడ్డారు. అయితే అసలు ట్విస్టు వేరే ఉంది. తెలుగులో ఎలాంటి కత్తిరింపులు లేవు. కానీ తేడా జరిగింది. అదెలా అంటే ఫ్రేమ్ రేట్ లో వచ్చిన మార్పు వల్ల కోత పడింది. అంటే ఒరిజినల్ వెర్షన్ మైక్రో సెకండ్ల తేడాతో కొంచెం వేగంగా పరిగెత్తితే హిందీ మాత్రం సాధారణ స్పీడ్ తో థియేటర్ లో చూసిన లెన్త్ తో ఉంటుంది. అందుకే ఈ వ్యత్యాసం. అంతే తప్ప పాట, సీన్ ఏదీ తీసేయలేదు. ఇది అవగాహన లేకపోవడంతో కొందరు హనుమాన్ పూర్తిగా లేదనే అసంతృప్తి ఫీలవుతున్నారు. ఇదే సోషల్ మీడియాలో చర్చకు దారి తీసింది.
ఏది ఏమైనా రిలీజైన 66 రోజులకు హనుమాన్ డిజిటల్ లో రావడం విశేషమే అయినా మరీ ఇంత లేట్ చేసినా వెయిట్ చేసేంత ఓపిక డిజిటల్ ఫ్యాన్స్ లో తగ్గిపోతోంది. దీంతో పాటు సంక్రాంతికి సమాంతరంగా విడుదలైన మిగిలిన మూడు సినిమాలు నెల రోజుల లోపే ఓటిటిలో రాగా హనుమాన్ మాత్రం రెండు నెలల తర్వాత దర్శనమిచ్చింది. ఎలాగూ బాక్సాఫీస్ వద్ద ఒకటి రెండు తప్ప పెద్దగా హడావిడి చేస్తున్న సినిమాలేం లేవు. సో ఇంట్లో కూర్చుని ఫ్యామిలీ మొత్తం ఎంజాయ్ చేయడానికి హనుమాన్ బెస్ట్ ఆప్షన్ అవుతుంది. వచ్చే నెల శ్రీరామనవమికి వ్యూస్ మారుమ్రోగిపోతాయి.
పోలీసు స్టేషన్లకు వెళ్లి ఫిర్యాదు చేయాల్సిన అవసరం లేకుండా.. ఇక నుంచి వాయిస్ మెసేజ్ల ద్వారా కూడా ఫిర్యాదులు చేసే…
ఏపీలో వైసీపీ అదికారంలో ఉన్నప్పుడు రాష్ట్రంలోని పాత జిల్లాలతో పాటుగా వైసీపీ సర్కారే కొత్తగా ఏర్పాటు చేసిన కొత్త జిల్లాల్లోనూ…
పవన్ కళ్యాణ్ భుజాల లోపల కలిగిన గాయం ఊహించిన దానికంటే తీవ్రంగా ఉన్నట్లు వైద్యులు నిర్ధారించారు. ముంబైలోని కోకిలాబెన్ ధీరూభాయ్…
ఏపీ అసెంబ్లీ డిప్యూటీ స్పీకర్ రఘురామకృష్ణరాజును వేధింపులకు గురిచేసి.. కస్టడీలో టార్చర్ చేశారన్న ఆరోపణలు ఎదుర్కొంటున్న ఐపీఎస్ సునీల్ కుమార్…
రాజకీయాలంటే చాలా మంది చెడిపోయాయని అనుకుంటారు. కానీ, రాజకీయాలు అంతగా ఏమీ చెడిపోలేదు. ఒక పార్టీ కారణంగానే ఈ పేరు…
జూనియర్ ఎన్టీఆర్, త్రివిక్రమ్ శ్రీనివాస్ కలయికలో ఫ్యాన్స్ ఎప్పటి నుంచో ఎదురు చూస్తున్న అనౌన్స్ మెంట్ ఇవాళ వచ్చేసింది. నిజానికి…