ఈ వారం సినిమాల్లో గామి చాలా స్పెషల్. ఈ సినిమా పూర్తి చేయడానికి ఏకంగా ఆరేళ్లు పట్టింది. ఓ కొత్త దర్శకుడు యంగ్ టీంను పెట్టుకుని పరిమిత వనరులతో ఎంత కష్టపడ్డాడో మేకింగ్ వీడియోలు, ప్రోమోలు చూస్తేనే అర్థమైంది. తెరమీద సినిమా చూసిన ప్రేక్షకులు కూడా ఒక కొత్త అనుభూతికి లోనయ్యారు.
ఐతే ప్రయోగాత్మక కథతో తెరకెక్కిన ఇలాంటి సినిమాలను సామాన్య ప్రేక్షకులు ఎంతమేర ఆదరిస్తారో.. ఇది కమర్షియల్గా ఆడే సినిమానేనా అనే సందేహాలు విడుదలకు ముందు వ్యక్తమయ్యాయి. కానీ గామి అంచనాలకు మించి వసూళ్లు రాబడుతోంది. తొలి రోజే వరల్డ్ వైడ్ ఈ మూవీకి 9 కోట్లకు పైగా గ్రాస్ వచ్చింది. రెండో రోజు కూడా ఆరు కోట్ల దాకా వసూళ్లు వచ్చాయి. ఈ సినిమా రేంజికి ఈ వసూళ్లు గొప్పే.
ఇక గామి మూవీ ఒక ఏరియాలో రెండు రోజులకే బ్రేక్ ఈవెన్ అయిపోవడం విశేషం. అమెరికాలో ఈ చిత్రం శనివారం షోలు పూర్తయ్యేసరికే 4 లక్షల డాలర్ల మార్కును అందుకుంది. బయ్యర్ పెట్టుబడి మొత్తం శనివారానికే వెనక్కి వచ్చేసింది. ప్రిమియర్స్ నుంచే మంచి స్పందన తెచ్చుకున్న ఈ చిత్రానికి శుక్ర, శనివారాల్లో కూడా యుఎస్లో మంచి వసూళ్లు వచ్చాయి. అక్కడి ప్రేక్షకుల అభిరుచికి తగ్గ క్లాస్, వెరైటీ మూవీ కావడంతో దీనికి మంచి ఆదరణ దక్కుతోంది.
ఈ సినిమా ఊపు చూస్తుంటే ఇంకో వారం కూడా బాగానే ఆడేలా ఉంది. వచ్చే వారం చెప్పుకోదగ్గ రిలీజ్లు ఏమీ లేవు. కాబట్టి ఫుల్ రన్లో మిలియన్ డాలర్ మార్కును కూడా గామి అందుకుంటే ఆశ్చర్యం లేదు. తెలుగు రాష్ట్రాల్లో కూడా ఈ సినిమా త్వరలోనే బ్రేక్ ఈవెన్ అయ్యే సంకేతాలు కనిపిస్ఉతన్నాయి.
This post was last modified on March 11, 2024 10:05 am
ఇండస్ట్రీలో సుదీర్ఘ అనుభవంతో ఎన్నో బ్లాక్ బస్టర్లు చూసిన డివివి దానయ్య సగటు మాములు ప్రేక్షకుడికి బాగా దగ్గరయ్యింది మాత్రం…
భారత దేశ చరిత్రలో ఇదోక అనూహ్యమైన.. అసహ్యించుకునే ఘటన. ఈ దేశాన్ని పాలించి, రైతుల మన్ననలు, మహిళల మన్ననలు పొందిన…
ఏపీ సీఎం జగన్.. నీరో చక్రవర్తిని తలపిస్తున్నారంటూ.. సీబీఐ మాజీ డైరెక్టర్ జేడీ లక్ష్మీనారాయణ సంచ లన వ్యాఖ్యలు చేశారు.…
ఇండియన్ ప్రీమియర్ లీగ్ (ఐపీఎల్) లో అత్యంత దురదృష్టకరమైన జట్టు పేరు చెప్పమని అడిగితే…ఠపీమని ఆర్సీబీ పేరు చెప్పేస్తారు క్రికెట్…
ఏపీలో ఎన్నికల పోరు ముగియడంతో ప్రధాన పార్టీలకు చెందిన కీలక నేతలు కాస్త ఊపిరి పీల్చుకుంటున్నారు. తమ కుటుంబ సభ్యులు,…
ఇంకో మూడు నెలల్లో ఆగస్ట్ 15 విడుదల కాబోతున్న పుష్ప 2 ది రైజ్ విడుదల తేదీలో ఎలాంటి మార్పు…