రౌడీ హీరోకు లైగర్ డిజాస్టర్ తర్వాత ఖుషి కొంత ఊరట కలిగించింది కానీ ఆశించినంత పెద్ద స్థాయిలో వర్కౌట్ కాని మాట వాస్తవం. అందుకే ఫ్యామిలీ స్టార్ మీద ఎన్నో ఆశలు పెట్టుకున్నాడు. గీత గోవిందం లాంటి బ్లాక్ బస్టర్ ఇచ్చిన పరుశురాం దర్శకుడు కావడంతో అభిమానులు పాజిటివ్ సెంటిమెంట్ ఫీలవుతున్నారు. లక్కీ గర్ల్ మృణాల్ ఠాకూర్ హీరోయిన్ గా నటించగా రష్మిక మందన్న ఒక స్పెషల్ సాంగ్ చేయడం అంచనాల పరంగా ప్రత్యేకంగా నిలుస్తోంది. దేవర వదులుకున్న ఏప్రిల్ 5 విడుదల కాబోతున్న ది ఫ్యామిలీ స్టార్ టీజర్ తో కంటెంట్ లో ఏముందో కొన్ని క్లూస్ ఇచ్చేశారు
నిమిషం వీడియోలోనే విజయ్ దేవరకొండ పాత్ర ఎలా ఉండబోతోందనే క్లారిటీ వచ్చింది. సివిల్ ఇంజనీర్ గా పని చేసే కుర్రాడు. అతనికి ఇద్దరు అక్కయ్యలు. సౌమ్యుడిగా కనిపించినా కుటుంబం జోలికి ఎవరైనా వస్తే మాత్రం తుప్పు రేపుతాడు. ఫ్యామిలీ అంటే ఎంత ప్రాణమున్నా బడ్జెట్ విషయంలో మాత్రం చాలా స్ట్రిక్. లీటర్ పెట్రోల్ లో ఒక్క చుక్క తగ్గినా బంకు కుర్రాడి బ్యాండ్ వాయించేంత. అలాంటి ఇతని జీవితంలోకి ఒక అందమైన అమ్మాయి వస్తుంది. పరిచయమైన కొత్తలో లిఫ్టుకి కూడా డబ్బులడిగిన ఇతగాడు చివరికి ఫ్యామిలీ స్టార్ ఎలా అయ్యాడో తెలియాలంటే ఇంకో నెల ఆగాలి.
ఎక్కువ కంటెంట్ రివీల్ కాకుండా టీజర్ ని ఒక రాప్ సాంగ్, రెండు మూడు డైలాగులతో నింపేయడం కొంత అసంతృప్తి కలిగించినా ట్రైలర్ ఇంకా బాకీ ఉంది కాబట్టి అప్పటిదాకా ఎదురు చూడాలి. క్లాసు మాస్ రెండు షేడ్స్ కలిసిన క్యారెక్టర్ లో విజయ్ దేవరకొండ కొత్తగా కనిపిస్తున్నాడు. సిస్టర్ సెంటిమెంట్, విలన్లతో మాస్ ఫైట్లు, అమ్మ ఎమోషన్, కాలేజీ అమ్మాయితో ప్రేమ, పెళ్ళయాక పిల్లల బాధ్యత ఇలా టోటల్ గా ఫ్యామిలీ ప్యాకేజీని నింపాడు దర్శకుడు పరశురామ్ . గోపిసుందర్ సంగీతం చక్కగా దోహదపడింది . చూస్తుంటే విజయ్ దేవరకొండకి మరో క్లీన్ ఎంటర్ టైనర్ పడ్డట్టే.
This post was last modified on March 4, 2024 9:35 pm
తెలుగుదేశం పార్టీ కార్యకర్తలకు మహానాడు అంటే ఉద్వేగ భరితమైన వేదిక. పార్టీ విధానాలు, భవిష్యత్ దిశ, నాయకత్వ సందేశం కార్యకర్తలకు…
అనుకున్నంతా అయ్యింది. పెట్రోల్, డిజిల్ ధరలు భారీగా పెరుగుతాయంటూ గత కొంతకాలంగా జరుగుతున్న ప్రచారం శుక్రవారంతో నిజమయ్యాయి. దేశవ్యాప్తంగా శుక్రవారం…
ఘట్టమనేని ఫ్యామిలీ నుంచి వస్తున్న మూడో తరం వారసుడు జయకృష్ణ కొత్త సినిమా శ్రీనివాస మంగాపురం షూటింగ్ పూర్తయ్యే స్టేజికు…
ఇటీవలే శ్వాసనాళానికి సంబంధించిన శస్త్ర చికిత్స చేయించుకున్న ఏపీ ఉపముఖ్యమంత్రి పవన్ కళ్యాణ్ క్రమంగా కోలుకుంటున్నారు. కొద్దిరోజుల క్రితం హైదరాబాద్…
టిడిపిలోనే కొందరు నాయకులకు మెజారిటీ సమస్య ఇప్పుడు కొంత గడబిడగా మారింది. గత ఎన్నికల సమయంలో భారీ స్థాయి మెజారిటీతో…
ఎవరు ఔనన్నా కాదన్నా టాలీవుడ్ రెండు వర్గాలుగా విడిపోయింది. ఎగ్జిబిటర్లు ప్లస్ వాళ్లలోనే ఉన్న నిర్మాతలు, ప్రొడ్యూసర్లు ప్లస్ వాళ్లలోనే…