పెద్ద మాస్ హీరో కావడానికి సరిపోయే కటౌట్ ఉన్నప్పటికీ.. ముకుంద అనే వైవిధ్యమైన సినిమాతో హీరోగా పరిచయం అయ్యాడు మెగా కుర్రాడు వరుణ్ తేజ్. అక్కడ్నుంచి అతడి ప్రయాణం భిన్నంగానే సాగుతోంది. హీరోయిన్ డామినేషన్ ఉన్న ‘ఫిదా’.. పక్కా ప్రేమకథ అయిన ‘తొలిప్రేమ’ చేసి మెప్పించిన వరుణ్.. ఘనవిజయాలు అందుకున్నాడు.
సీనియర్ హీరో విక్టరీ వెంకటేష్తో కలిసి చేసిన కామెడీ సినిమా ‘ఎఫ్-2’ కూడా అతడికి మంచి ఫలితాన్నే ఇచ్చింది. ఈ విజయాల పునాది మీద పెద్ద రేంజికి వెళ్తాడనుకుంటే.. సరైన సినిమాలు ఎంచుకోకపోవడంతో కెరీర్ తిరోగమనంలో పయనిస్తోంది. రెండేళ్ల వ్యవధిలో వరుణ్ కెరీర్ ఊహించని పతనం చవిచూసింది. తన ఫ్యాన్ ఫాలోయింగ్, మార్కెట్ అంతా కరిగిపోతున్న సంకేతాలు కనిపిస్తున్నాయి.
‘గని’ సినిమా వరుణ్ కెరీర్కు పెద్ద బ్రేకే వేసింది. అలాంటి సినిమా వరుణ్ అసలెందుకు చేశాడో అర్థం కాని పరిస్థితి. ఇంతలో క్రేజీ సీక్వెల్ ‘ఎఫ్-3’ కూడా తేడా కొట్టేసింది. తక్కువ వ్యవధిలో రెండు ఫెయిల్యూర్లు ఎదుర్కొన్నాడు వరుణ్. ఇక గత ఏడాది మంచి అంచనాల మధ్య వచ్చిన ‘గాండీవధారి అర్జున’ కూడా తీవ్ర నిరాశకు గురి చేసింది. వరుణ్ మార్కెట్ ఎంతగా దెబ్బతిందో ఈ సినిమాతో రుజువైంది. దాదాపుగా పెట్టుబడి మొత్తం వేస్ట్ అయిపోయింది. వీకెండ్లోనే సినిమా చతికిలపడింది.
ఇప్పుడు ‘ఆపరేషన్ వాలెంటైన్’ అయితే మరీ ఘోరమైన ఫలితాన్ని అందుకుంది. వరుణ్ ఎంతో కష్టపడి నెల రోజులకు పైగా ప్రమోషన్లు చేసినా.. ప్రేక్షకుల్లో ఇంట్రెస్ట్ క్రియేట్ చేయలేకపోయాడు. ఈ సినిమాకు మినిమం ఓపెనింగ్స్ రాలేదు. తొలి రోజే థియేటర్లు ఖాళీగా కనిపించాయి. టాక్ కూడా అంతంతమాత్రంగా ఉండడంతో సినిమాకు ఆక్యుపెన్సీలు పెరగలేదు. వీకెండ్లోనే పెద్దగా ప్రభావం చూపలేకపోయిన సినిమా.. సోమవారం నుంచి అస్సలు నిలబడే పరిస్థితి కనిపించడం లేదు. వరుస ఫెయిల్యూర్లు వరుణ్ ఫ్యాన్ ఫాలోయింగ్, మార్కెట్ను బాగానే దెబ్బ తీశాయని స్పష్టమవుతోంది. వైవిధ్యమైన పాత్రలు, కథలు చేయడం ఓకే కానీ.. బాక్సాఫీస్ దగ్గర ఏది వర్కవుట్ అవుతుందో వరుణ్ చూసుకోవాల్సిన అవసరం ఉంది.
This post was last modified on March 4, 2024 4:28 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…